Jeremia 14:15 - Uwumbɔr aagbaŋ

¹⁵ Min Uwumbɔr bui si tiwan ni m ga ŋa bibɔnabr bi maa nan tun bi aan bi di maayimbil len ke butɔb ni nkon aan dan kitiŋ kee pu na, m ga di butɔb ni nkon le ku bi.

Jeremia 14:15 ပူးပေါင်းရင်းမြစ်များ

1 Bibɔrb 22:25

Le Mikaya bui u ke, “Buyoonn aa ti koo linambakol aadiik kibaa ni ke aa ti bɔr na le aa ga bee.”

Jeremia 20:6

Sin Pasur ma, ni saadichal kan, bi ga chur ni mu tinaagbiir buen Babiloŋ aatiŋ ni. Nima chee le aa ga ti kpo le bi sub sin ni aajɔtiib bi mɔmɔk aa nan geei inyamɔn pam tuk bi na.’”

Jeremia 23:30

M ni bibɔnabr bi joo biŋeen aatɔtiib aabɔr mooni ke ti ye maabɔr na ga kan tɔb.

Jeremia 27:15

Uwumbɔr ubaa le len ke waa tun ni bi, ke bi joo inyamɔn le tuk nimi waayimbil pu. Kina pu na, u ga jenn nyan nimi, le bi ku nimi; nimi ni bibɔnabr bi joo inyamɔn yee tuk nimi na ga kpo.”

Jeremia 6:15

Baa nan san inimɔɔn, baajɔŋ aatun ŋee pu. Aayii, baa nan san inimɔɔn kpala; baa kpaan nyi baah ga mɔk pu ke inimɔɔn joo bi na. Kina pu le bi mu ga lir ke biken aah lir pu na; m yaa nan daa bitafal kan, baadoon le ga li bi na. Min Uwumbɔr le len kina.”

Jeremia 8:12

Maanib aa nan san inimɔɔn baajɔŋ aatun ŋee pu. Mbamɔn, baa nan san inimɔɔn kpala; naa kpaan nyi naah ga mɔk pu ke inimɔɔn joo nimi na. Kina pu le ni ga lir ke biken aah lir pu na; m yaa nan daa nitafal kan, naadoon le na. Min Uwumbɔr le len kina.

Jeremia 8:13

“M nan ban ke m kuun maanib, ke uja aah kuuni waajikaar pu na la; le bi tee naahn ŋisubil aasub bu kaa lu na, ki naahn likakaln li kaa lu na; hali laafar gbar a. Kina pu le m cha biwɔwɔm gaa kitiŋ ngbaan.”

Inandalahn 1:19

M yin mmaantɔtiib, le bi yii, kaa dan nan ter mi. Le bitotoorb ni biyidam bi ban tijikaar, kaa kan, ki ti kpoi kitiŋ ponn ni.

Inandalahn 2:20

Uwumbɔr, lik binib bi aa bi jinni bi falaa na. Bipiib joo baah gee baabim mu na le ŋmɔ. Bi ku bitotoorb ni saabɔnabtiib Saadichal ni la.

Esekiel 13:14

Maalandak le ye ke m ber ligoln li bi di nkokoyon boon li na, ki yaa li, ki cha laadinyik aatakpal doon nkuun. Li ga wur lir le ki ku ni mɔmɔk pel pel, le unii mɔmɔk bee ke min le ye Uwumbɔr.

Esekiel 13:15

“Ligoln ngbaan, ni binib bi di nkokoyon boon li na ga kan maaŋuul aah pɔɔ pu na. N‑yoonn ngbaan le m ga bui nimi ke ligoln ngbaan, ni binib bi di nkokoyon boon li na aabɔr doo a,

Esekiel 13:9

M ban m daa nimi bibɔnabr bi ye binyamɔndam ki kani tibɔkpiirkaan ti kaa gbii na ki len tibɔr ti joo binib yenni na aatafal la. Maanib yaa kuun ke bi kpokl kan, naan li bi nima; nimi aayimbil aan li bi Israel aanib aayimbil ni; naan ki gir ni nimi aatiŋ pu daalbaadaal. N‑yoonn ngbaan le ni ga bee ke min le ye Nidindaan Uwumbɔr.

Esekiel 14:10

Ubɔnabr ngbaan ni unii u dan u chee nan baa na ga kan ntafadaan baan la.

Esekiel 14:9

“Ubɔnabr ubaa yaa ŋmann ubaa ki tii ngarm mu kaa gbii na kan, ni mɔk ke min Uwumbɔr le ŋmann u ke u len kina; m ga nyan u Israel aanib ni.

Esekiel 33:6

Tɔ, ni yaa ye ke ukikiir na kan bidim aah choo pu na kaa faa nkuun kan, bidim ngbaan ga dan ki nan ku titunwanbirdam ngbaan, le m ga chuu ukikiir ngbaan taani baakun pu.

Amos 7:17

Kina pu na, Uwumbɔr le len sin Amasia chee na, ‘Aapuu ga kpaln upiidagoor le kitiŋ kimina ponn ni, le bi ga ku saabim mu butɔb ni. Bi ga yakr saatiŋ tii biniyayam, le sin aabaa ga ti kpo kitiyayaŋ ni la. Le bidim ga sil chuu Israel yaab ki di bi buen kitiyayaŋ ni.’”

Maika 3:5

Baabɔnabr bi gaal tipar na le ŋmann maanib ke nsuudoon bi bi chee, le ki faani binib bi kaa pa bi na ke butɔb choo. Uwumbɔr bui bibɔnabr ngbaan ke,

Ikaal 18:20

Ubɔnabr umɔk di maayimbil len tibɔr ti maa tuk u na kan, ni ku u kina pu. Le ubɔnabr u mu di ŋiwaa aayimbil len tibɔr na, ni ku u kina pu.’

Tibɔkpiirkaan 19:20

Le u chuu upeel ngbaan, ni waabɔnabr u nan tun lijinjiir aatun unimbiin ni ki ŋmanni binib bi nan gaa upeel ngbaan aadaan ki dii waawaal na. Bi nan chuu upeel ngbaan ni waabɔnabr ngbaan ki di ŋa chirbil aamii sakpiin ni, bifuub.