Jeremia 14:14 - Uwumbɔr aagbaŋ

¹⁴ Le Uwumbɔr gar mi ke, “Bibɔnabr ngbaan joo maayimbil le geei inyamɔn; maa nan tun bi, kaa tii bi maamɔboln, kaa tii bi nsan mubaa. Tibɔkpiirkaan ti bi joo len na aa nyan ni m chee; baah len ke tiwan ni ga ŋa na aa kpa tinyoor, bima bibaa le dakl ti.

Jeremia 14:14 ပူးပေါင်းရင်းမြစ်များ

Aisaya 56:10

U bui ke, “Israel yaab aakikiirb mɔmɔk ye bijoom la. Ni ye baatuln ke bi sur maanib, le baa nyi nibaa. Bi naahn ibɔja i kaa gbei na la, bi po dɔ geen la, le ki daŋni tidaŋ. Bi gee ngeen jer tiwan mɔmɔk.

Aisaya 9:15

Bininkpiib bi por na, ni baaninyuum le ye liyil, le ŋitaa ye Uwumbɔr aabɔnabr bi joo inyamɔn mɔk binib ngbaan na.

Jeremia 20:6

Sin Pasur ma, ni saadichal kan, bi ga chur ni mu tinaagbiir buen Babiloŋ aatiŋ ni. Nima chee le aa ga ti kpo le bi sub sin ni aajɔtiib bi mɔmɔk aa nan geei inyamɔn pam tuk bi na.’”

Jeremia 28:11

le ki len binib ngbaan mɔmɔk aanimbil ni ke: “Uwumbɔr bui ke kina le u ga bii Ubɔr Nebukadnesar aadɔ i u di leen ŋitimbol mɔmɔk aasil na; ki joo cha ŋibin ŋilee ponn ni le u ga ŋa kina.” Le m siir.

Jeremia 28:13

ke m buen ti tuk Hanania ke: “Uwumbɔr bui ke aa ga ŋmaa koo idɔ i pui inaaja aasil pu na, le u ga ŋa tikur yaan teen idɔ yoo ngbaan aabuul ni.

Jeremia 28:15

Le m bui Hanania kina, le ki ki len ke, “Hanania, li pel. Uwumbɔr aa nan tun ni si, le aa cha binib ngbaan gaal saanyamɔn ngbaan.

Jeremia 29:21

“Uwumbɔr Mpɔɔnsakpiindaan, u ye Israel yaab Aawumbɔr na, len Kolaya aajapɔɔn Ahab ni Maaseya aajapɔɔn Sedekia, bi chuun joo waayimbil geei inyamɔn tuk nimi na aabɔr. U len ke u ga di bi ŋa Babiloŋ Aabɔr Nebukadnesar aaŋaal ni, le u ku bi ninimbil ni.

Jeremia 29:31

ke m di Semaya aabɔr tee naŋ tuk binib bi mɔmɔk bi tinaagbiir ni Babiloŋ ponn ni na ke, “Min Uwumbɔr ga daa Semaya ni uyaabitiib aatafal. Maa tun ni u, le u len tibɔr ke waah ye maabɔnabr le na, ki cha ni gaa waah geei inyamɔn i na. Waan li kpa yaabil ni ponn ni. Waah bui maanib ke bi nya mpuwɔb na, waan li bi ki nan kan tiwanyaan ni m ban m nan ŋa tii maanib na. Min Uwumbɔr le len kina.”

Jeremia 37:19

Bibɔnabr bi tuk si ke Babiloŋ aabɔr aan tak si ni saatiŋ na bi la chee?

Jeremia 5:31

maabɔnabtiib geei inyamɔn ŋmeen la; le bitotoorb di bibaa aapɔɔn le joo binib, le maanib gee kina la. Tɔ, nimina mɔmɔk ti doo kan, bi ga ŋa kinye?”

Jeremia 8:10

Kina pu le m ga di baakpaakon tii bikpaacham, ki di bipuutiib tii bijab biken. Binib bi pɔɔ na, ni bi kaa pɔɔ na mɔmɔk pɔɔni bibaa ke bi di beebee le kan ŋimombil. Hali maabɔnabtiib ni bitotoorb ji binib la.

Jeremia 8:11

Bi ŋani ke maanib aabuun aah kaa ye nibaa le na. Bi len le ke, ‘Ni mɔmɔk ŋan,’ le naa ŋan kpala.

Inandalahn 2:14

Bibɔnabr nan tuk si inyamɔn ŋmeen la. Baah nan tuk si tibɔr ti na le ŋmann si, ba pu? baa nan kpiir saatunwanbir pu. Bi nan cha aa dak ke saa kpa tibɔbir tibaa aa kpiir.

Inandalahn 2:9

Ibisamɔi gur dɔ sub tibir ni, le yaakudɔ kool yuk yuk. Ubɔr ni bininyuum na gur bi tinaagbiir ni la. Ubaa aa ki mɔk binib Uwumbɔr Aakaal Aagbaŋ, le Uwumbɔr aa ki kpiir tibɔr tuk waabɔnabtiib.

Esekiel 12:24

“Inyamɔn aadaŋ, ni tibɔnabrkaan ti ye inyamɔn na aan ki li bi Israel aanib ni.

Esekiel 13:2

“Unibɔn, len tibɔbir lii bibɔnabr bi bi Israel aatiŋ ni na ki naani bibaa aabɔr ki nabr ti na pu. Tuk bi ke bi li pel Uwumbɔr aamɔboln.”

Esekiel 13:23

Nimi aanyamɔn aabɔkpiirkaan, ni tibɔr ti ni joo cha binib yenni isan na aabɔr doo a. M bi nyani maanib nimi aapɔɔn ni, le ni ga bee ke min le ye Uwumbɔr.”

Esekiel 21:29

Naah kani tibɔkpiirkaan ti na aa gbii, le naah len ke tiwan ni ga ŋa na ye inyamɔn. Ni ye bibiindam ni titunwanbirdam la, le nimi aawiin mu ye nimi aakookoo aatafadaan aawiin na choo. Kijaak aajuk ga lir nisil pu.

Maika 3:11

Igaŋgaŋlik pu le kitiŋ ngbaan aajojoob joo ki, le bitotoorb tuk binib Uwumbɔr Aakaal ki gaal tipar, le bibɔnabr mu kpiir Uwumbɔr aah len pu na ŋimombil pu, le bi mɔmɔk len ke Uwumbɔr bi ti chee. Bi len le ke, “Tibɔbir tibaa aan dan ti chee. Uwumbɔr bi ti chee.”

Sekaria 10:2

Binib chaa bibɔɔb ni ŋiwaa chee ti buu tibɔɔr, ni mu aah tuk bi tibɔr ti na ye inyamɔn le kaa kpa ŋitaa. Bibaa mu bui ke bi nyi tidaŋ aatataa, le ki cha ni yenni. Bi mɔmɔk aah tii mpopiin mu na ye fam la. Kina pu le binib ngbaan chuun yiini ke ipiih i wɔŋ na. Baah kaa kpa usaloln na le cha bi bi tibɔr ni.

Sekaria 13:3

Le unii u beenin ban ke u nabr tibɔr na aate ni una le ga bui u ke bi ga ku u, ba pu? u bui ke u nabr Uwumbɔr aamɔboln la, le ki tee mɔln inyamɔn. U yaa nabr tibɔr kan, ute ni una le ga saa kijuk ku u.

Ikaal 18:20

Ubɔnabr umɔk di maayimbil len tibɔr ti maa tuk u na kan, ni ku u kina pu. Le ubɔnabr u mu di ŋiwaa aayimbil len tibɔr na, ni ku u kina pu.’

1 Timoti 4:2

Bipɔnib ngbaan ga cha binib bibaa ŋmann ke bi mɔk binib Uwumbɔr aasan. Bi ye binyamɔndam la. Baalandak aa ki muk bi baatunwanbir pu.

1 Jɔnn 4:1

Maanigeekaab, binib yaa len ke bi kpa Uwumbɔr Aafuur Nyaan kan, ni taa pak bi mɔmɔk. Ni lik baah len pu na, aan ki bee ke ni ye Uwumbɔr Aafuur Nyaan le cha bi len aan naa ye. Biŋmaŋmannim chuun dulnyaa wee ni ki wiir, ki len ke bi ye Uwumbɔr aabɔnabtiib, kaa ye.