Jeremia 14:12 - Uwumbɔr aagbaŋ

¹² Hali bi yaa lul bumɔb kan, maan pel baaterm aawiil; le bi yaa toor kitork ki see ki mmii ni tii mi, ki tii mi njikaabim aapiin kan, nsui aan piir bi pu. Maah ga ŋa pu na le ye ke m ku bi butɔb, ni nkon, ni iween ni.”

Jeremia 14:12 ပူးပေါင်းရင်းမြစ်များ

Job Aagbaŋ 27:9

Uwumbɔr ga ŋun baawiil tibɔbir yoonn aa?

Ŋiyataŋak 1:28

N‑yoonn ngbaan le ni ga yin mi, le maan gar nimi. Ni ga tee mban ki ban mi nwiin pu, ni kinyeek, kaan kan mi.

Ŋiyataŋak 15:8

Uwumbɔr aa gee bibiindam aatork, le usui piin bininyaam aameel pu.

Ŋiyataŋak 21:27

Uwumbɔr aa gee titunwanbirdam aah toor kitork ki tii u na la. Waah nan ki sakpen na le ye kitork ki bi kpa tilandakwanbir bisui ni ki toor na.

Ŋiyataŋak 28:9

Aa yaa kaa joo Uwumbɔr aakaal kan, waan ŋun saameel.

Aisaya 58:3

Binib ngbaan baa ke, “Ba ŋa ti lulni bumɔb, le Uwumbɔr aatafal aa bi ti ni? Ba ŋa ti sunn tibaa taab, le waa pel ti chee?” Uwumbɔr bui bi ke, “Mbamɔn aah ye pu na le ye ke n‑yoonn mu ni lul bumɔb na, le ni bi ban nibaa aageehn le ki muk nimi aatutum.

Jeremia 11:11

Tɔ, le min Uwumbɔr sak bi ke m ga cha libiil dan bi pu, le baan ŋmar. Bi yaa wii yin mi ki ban nterm kan, maan pel bi chee.

Jeremia 11:14

Jeremia, taa mee limeel tii binib ngbaan, taa gaŋ mi bi pu. Bi yaa bi tibɔr ni ki yin mi ki ban nterm kan, maan gar bi.”

Jeremia 15:1

Le Uwumbɔr bui mi ke, “Hali Moses ni Samuel le yaa ba si do ki gaŋni mi kan, maa ba ga san binib bee kinimbaak. Cha bi li cha; taa cha nnimbil ki kan bi.

Jeremia 16:4

Iween i bir sakpen na le ga ku bi, le ubaa aan li bi ki wii baakpuul, ubaa mu aan ki li bi ki sub bi. Ŋinikpol ngbaan ga li dɔ kitiŋ ke tinaabin na la. Butɔb ni le bibaa ga kpoi, le nkon ku biken mu, le ŋinikpol ngbaan ga li ye inyoon ni ipeel aajikaar.

Jeremia 21:6

M ga ku unii umɔk bi kitiŋ kee ponn ni na; m ga di iween i bir na le ku binib ni tiwakor mɔmɔk.

Jeremia 24:10

M ga cha butɔb, ni nkon, ni iween dan bi pu ki ti saa n‑yoonn mu bi ponn ni ubaa aan gur kitiŋ ki m di tii bi ni biyaajatiib na pu na.”

Jeremia 32:24

“Babiloŋ yaab maa ŋikɔl ŋikɔl kitiŋ kimina aagon aataab ke bi nyaŋ ki, le ki bi tak ki. Butɔb, ni nkon, ni iween ga cha bi nyaŋ kitiŋ kimina. Sin aabaa kan ke saah nan len pu na mɔmɔk gbiin a.

Jeremia 6:20

Ntafal aa bi tulalee aayon mu nyan ni Seba, aan bi joo nan tii mi na, kaa bi tulalee mam bi nyan ni dandar na ni. Maan gaa baapiin, ni kitork ki bi joo tii ni mi na.

Jeremia 8:13

“M nan ban ke m kuun maanib, ke uja aah kuuni waajikaar pu na la; le bi tee naahn ŋisubil aasub bu kaa lu na, ki naahn likakaln li kaa lu na; hali laafar gbar a. Kina pu le m cha biwɔwɔm gaa kitiŋ ngbaan.”

Jeremia 9:16

M ga cha bi yaa koo ŋitimbol ŋi bima ni biyaajatiib aa kee ŋun ŋi pu na ni, le ki di bijab tun ti tak bi ki ti saa buyoonn m ga kuln bi na.”

Esekiel 14:19

“M yaa cha iween nan lir litingbaln ngbaan pu, le maaŋuul ponn ni, m ku binib pam, ki ku binib ni tiwakor mu kan,

Esekiel 14:21

Aadindaan Uwumbɔr aah len pu na sɔ: “M ga cha maatafadaan munaa mu bir sakpen na le dan Jerusalem aatiŋ pu. Muma le ye butɔb, ni nkon, ni ipeel i bir na, ni iween, aan ni nan kuln binib ni tiwakor mu.

Esekiel 8:18

Bi ga kan maaŋuul aah pɔɔ pu na mɔmɔk. Maan san bi kinimbaak, kaan di cha pinn bi mu. Bi ga li tar mpɔɔn pu sakpen ki mee mi limeel, le maan gar bi.”

Hosea 5:6

Bi joo baapiih ni inaa ki ti kɔr toor ke bi tii Uwumbɔr la, le naa ter bi. Waah siir cha bi na, le baa kan u.

Amos 5:21

Uwumbɔr ki len ke, “Maa gee naah kuuni ki ji njim ki dooni mi pu na; naa ŋan m chee kpala.

Maika 3:4

N‑yoonn choo le ni ga nan wii ban Uwumbɔr chee nterm, le waan gar nimi. Waan ŋun nimi aameel; ba pu? ni tun titunwanbir la.

Sekaria 7:13

Baah nan yii kaa pel buyoonn m nan len bi chee tibɔr na, le m yii kaa pel baah mee mi pu na.

Malakai 1:10

Uwumbɔr Mpɔɔnsakpiindaan ki bui ke, “M ba neen ke ni ponn ni ubaa laŋ Maadichal aajaaleŋ tiib, aan ni taa ki ŋmaa koo ki ti tuur mmii mu kaa kpa tinyoor tibaa na maatork aabimbiln paab. Nsui aa piin ni pu; maan gaa ipiin i ni joo nan tii mi na.

Malakai 2:13

Naah ki ŋani tiwan ni mu kpee na sɔ: Ni pu, le bipiib wii ki di tinyunyunn gbiin Uwumbɔr aatork aabimbiln pu, kina pu na le Uwumbɔr aa ki gaal nimi aapiin i ni joo nan tii u na.

Tibɔkpiirkaan 6:8

Le m lik ki kan utanyɔnyɔn. Unii u dik u pu na aayimbil ye Nkun. U bi yin u ke Kitekpiitiŋ na mu dii u. Le Uwumbɔr tii bi mpɔɔn ke bi di kijaak aajum, ni nkon, ni iween, ni ipeel ku dulnyaa aanib lipepel nanar wɔb.