Jeremia 13:27 - Uwumbɔr aagbaŋ

²⁷ U kan nimi, ni tun tijɔŋ aatuln. U kan naah chuun ban ŋiwaa ŋigongon paab, ni ikpaakon ni, ke uja aah neen uŋeen aatɔ aapuu pu, bee utanja aah neen utaninkpel pu na. Jerusalem aanib, nimi aamɔfal junn a. Bayoonn aan ni mu ga ŋaŋ?

Jeremia 13:27 ပူးပေါင်းရင်းမြစ်များ

Ilahn 94:4

Taa cha titunwanbirdam aagaak ki yunn, aan bi li beenin kpa kipupuk baatunwanbir aatuln pu.

Ilahn 94:8

Maanib, ba ŋa ni ye bigbaam ni bijɔrb kina? Bayoonn aan ni ga bae?

Ŋiyataŋak 1:22

“Bijɔrb, ni ban ni yunn kijɔrk ni kinye? Ni ban ke ni laa nlan ki ti saa bayoonn? Ni ga sil bae mbaem aa?

Aisaya 57:7

Ni chaa ŋijoo paab ti toor kitork le ki doo bipiib chee nima.

Aisaya 65:7

baatunwanbir ni biyaajatiib aatunwanbir pu. Bi seer nnyɔknii tiwaachur ni ŋigongon paab ki len tibɔbir m pu. Kina pu na, m ga daa bitafal ki ŋeer baah tun pu na la.”

Jeremia 11:15

Uwumbɔr nan ki bui ke, “Binib bi m gee bi na le bi tun titunwanbir na. Baa kpa nsan ke bi li bi Maadichal ponn ni. Bi dak ke bi yaa puur tipuur ki joo tiwakor toor ipiin aatork kan, bi ga ŋmaa nya tibɔbir ni la aa? Nima ngbaan aan ŋmaa tii bi mpopiin.

Jeremia 3:6

Josia aah nan ye ubɔr buyoonn na, le Uwumbɔr nan bui mi ke, “Aa kan Israel yaab bi bi ke bipiidagoob na aah tun pu na aa? Bi fenn bipuwɔb tii mi, le ki tun lituln ke bidagoob na ligongoln limɔk paa na pu, ni bususoom mɔk taab.

Esekiel 16:23

Aadindaan Uwumbɔr nan len ke, “Saamɔfal junn a. Li junn a. Aa tun titunwanbir timina mɔmɔk,

Esekiel 2:10

Ŋŋaal ngbaan nan chuu kpar kigbaŋ ngbaan, le m kan ke ki kpa ŋŋmeen ŋipepel mɔmɔk ŋilee pu, ki ye mpombiin aawiil, ni ikpowiil, ni idun aaŋmeen.

Esekiel 20:28

M nan di bi fuu ni kitiŋ ki m nan puu ke m ga di tii bi na pu. Baah kan ŋigongon ŋi paa na, ni isusoon na, le bi toor kitork ni mɔmɔk chee tii ŋiwaa. Bi nan cha maaŋuul fii kitork ki bi di see mmii ni na, ni ndaan mu bi nan joo nan tii ŋiwaa ipiin na pu.

Esekiel 24:12

hali laah daŋ pu na mɔmɔk aan pɔkr lir mmii ni, li mu ga ŋa chain.

Esekiel 24:13

Jerusalem, saaninsuŋ aatuln le bii si. M pɔɔn mbaa ke m ŋa si chain, le aa beenin kpa tijɔŋ. Saan ki li bi chain, see aa ti kan maaŋuul aah pɔɔ pu na.

Esekiel 24:6

Tidindaan Uwumbɔr aah len pu na sɔ: “Binikurb aatiŋ aamɔfal junn a. Ki naahn likumbuul li daŋ aan baa ŋir li daalbaadaal na la. Bi luur kinaŋ kibaabaa, le ti mɔmɔk ti doo.

Esekiel 36:25

M ga di nnyunyaan le yaa yaa ni pu ki nyan nimi, nimi aawaa mɔmɔk, ni tiwan ni mɔmɔk bii nimi na aajɔŋ ni.

Esekiel 36:37

Tidindaan Uwumbɔr nan ki len ke, “M ga cha Israel yaab ki gir ban m chee nterm, m ga cha bi moo pɔr ke kipihpaak na.

Esekiel 6:13

Ŋinikpol ga li dɔ ŋmal ŋiwaa ni ŋiwaabimbin ni, ki yaa gbiin ligongoln limɔk paa na pu, ni lijool mɔk pu, ni bususoom mɔk, ni likpaln mɔk taab, ni nin chee mɔk bi seer nnyɔknii tii ŋiwaa na. Le unii mɔmɔk ga bee ke min le ye Uwumbɔr.

Hosea 1:2

Uwumbɔr aah nan puen di Israel yaab aabɔr ti tuk Hosea na, u nan bui Hosea ke, “Ti ban upii ki yoor, aapuu ngbaan aan li ye upii kpala, le waabim mu ga li bi ke uma na la. Kina le maanib mu yii mi, kaa ye binib bi dii mi na.”

Hosea 4:2

Bi puur tipuur le ki bii ti; bi geei inyamɔn, ki ku binib, ki su kinaayuk, ki ban tɔb aapuutiib. Libiil moo kpae la, le linikul libaa paa liken pu.

Hosea 8:5

Maa gee Samaria aanib aah di salmaa naan unaaja u ke u ye liwaal ki dooni u na. Maaŋuul fii bi pu sakpen a. Bayoonn aan bi ga di cha ŋiwaa aabɔr?

Sefania 3:1

Jerusalem, kitiŋ ki tun beebee aatuln ki muk kibaa aanib na kuln a.

Matiu 11:21

U nan len ke, “Korasinn aatiŋ aanib, tibɔbir bi ni pu. Betseda aatiŋ aanib, tibɔbir bi ni mu pu; ba pu? m yaa ba nan tun lijinjiir aatun Taya aatiŋ ponn ni, ni Saidonn aatiŋ ponn ni ke maah tun ni ponn ni pu na kan, bi ba ga kpeln baabimbin ni yunn a, ki li pee tiwanpeenkaan ni saak kuub na, ki di nfatan puk biyil, aan ki mɔk ke bisui bii baatunwanbir pu.

2 Korenti 12:21

ke m yaa fuu ni ni chee ki kan ke ni ponn ni pam tun titunwanbir, ni tijɔŋ aatuln, ki gɔr kidagook, ki ŋani tiwan ni kaa ŋan na, kaa kpeln nimi aabimbin kan, ni ga bii nsui sakpen. Le Maawumbɔr ga cha m ji inimɔɔn ni pu.

2 Korenti 7:1

Maanigeekaab, Uwumbɔr aah puu tipuur tee ki tii timi na, cha ti di cha lituln li kaa ŋan na mɔmɔk, ni ilandak i kaa ŋan na mɔmɔk, ki li san u, ki li ye binib bi bi chain ki doo na.

Jemisi 4:4

Ni di Uwumbɔr lii a, ke upiidagoor aah di uchal di lii pu na. Naa nyi ke dulnyaa aajɔtiik le ye Uwumbɔr aadiŋ aa? Nima pu na, unii u ban dulnyaa aajɔtiik na, u ye Uwumbɔr aadin la.

Tibɔkpiirkaan 8:13

Le m kan libɔrwiin laani paacham, ki ŋun li teen mpɔɔn pu ke, “Uwumbɔr aatuuntiib bitaa bi gur kaa kee pii baakakaan na yaa pii kan, tibɔbir sakpenn ga lir dulnyaa aanib pu.”