Jeremia 13:25 - Uwumbɔr aagbaŋ

²⁵ U bui ke nimi aadoon le ga li bi na. Waah siin ke u ga ŋa nimi pu na le na, ba pu? ni suln ubɔr le ki di naadii tii ŋiwaa.

Jeremia 13:25 ပူးပေါင်းရင်းမြစ်များ

Job Aagbaŋ 20:29

Ubiindaan aadoon le na, Uwumbɔr aah di ndoon mu siin u na le na.

Ilahn 11:6

U cha mmiisakɔn ni chirbil u gaal mmii na lir ni bibiindam pu; u joo libuln li ton na le dar bitafal.

Ilahn 9:17

Uwumbɔr aah tii bibiindam ni binib bi mɔmɔk yii u na liwangol li na le ye nkun.

Aisaya 17:4

Uwumbɔr ki len ke, “Nwiin mubaa choo, le Israel aapɔɔn ga doo, le kaawangol ga kpaln igiin.

Aisaya 28:15

Ni bui ke nimi ni nkun ŋa tɔb kijɔtiik aan ni ni kitekpiitiŋ kpaan a. Ni dii inyamɔn ki dak ke ŋŋmann pu le ni ga ŋmar, ki tii naadii ke tibɔbir yaa fuu ni kan, ni ga nya ti ni.

Aisaya 34:17

Uwumbɔr le ga yakr kitiŋ ngbaan tii tiwan ngbaan, ki tii ni mɔmɔk naatim. Ni ga li koo kitiŋ ngbaan pu n‑yoonn mɔmɔk, aan ki li ye naatiŋ n‑yoonn mu kaa kpa ndoon na.

Aisaya 65:7

baatunwanbir ni biyaajatiib aatunwanbir pu. Bi seer nnyɔknii tiwaachur ni ŋigongon paab ki len tibɔbir m pu. Kina pu na, m ga daa bitafal ki ŋeer baah tun pu na la.”

Jeremia 10:14

Binib yaa kan kina kan, le bilan ŋmal, le bi kpaln bilatiirb; binib bi naani ŋiwaa na jin inimɔɔn a; ba pu? ŋi ye fam, le kaa kpa limɔfal.

Jeremia 18:15

Le maanib ma suln mbɔr; bi seer tulalee aayon mmii ni tii ŋiwaa la. Bi gbeer nsan mu ponn ni bi ba ga dii mu na la, baa ki dii n‑yaajayoonn aasan na; bi chuun nsanbim mu baa daan mu na pu la.

Jeremia 2:13

maanib aah tun titunwanbir tilee ti na pu. Bi fenn bipuwɔb tii mi, ni bi ke bi yii uyayak aanyunbun mu aanyun ŋan na, le ki gbii bibaa aabun ŋi kpa iween, kaan ŋmaa joo nnyun na.

Jeremia 2:32

Upiisapɔɔn ga ŋmaa suln waaleenyaan pu uu? Ubɔndinn mu ga ŋmaa suln waakekenyaan pu uu? Le maanib ma aah suln m pu pu na, saan ŋmaa kahn iwiin ngbaan.

Jeremia 3:21

Israel yaab aah suln Bidindaan Uwumbɔr pu ki tun titunwanbir aatuln na, le kifuuk faa ŋijoo paab, ki ye Israel yaab aah wii ki gaŋni pu na aafuuk la.

Esekiel 23:35

Tɔ, Aadindaan Uwumbɔr aah len pu na sɔ: “Saah suln mbɔr ki fenn aapuwɔb tii mi pu na, aa ga ji saajaakpakr ni saadagook aafalaa.”

Maika 3:11

Igaŋgaŋlik pu le kitiŋ ngbaan aajojoob joo ki, le bitotoorb tuk binib Uwumbɔr Aakaal ki gaal tipar, le bibɔnabr mu kpiir Uwumbɔr aah len pu na ŋimombil pu, le bi mɔmɔk len ke Uwumbɔr bi ti chee. Bi len le ke, “Tibɔbir tibaa aan dan ti chee. Uwumbɔr bi ti chee.”

Sefania 3:2

Ki yii, kaa ŋun tii Uwumbɔr, kaa kii waasurm, kaa kii tii u, kaa ban u chee nterm.

Matiu 24:51

ki ga gbaa u ŋinaalab mbamɔm, ki ga di u ŋa biŋmaŋmannim aah bi nin chee na. U ga wii ki ŋmɔ ŋinyin nima chee.”

Rom Yaab 1:25

Bi dooni tiwan ni Uwumbɔr naan ni na, ki dii ni, kaa dooni Uwumbɔr u naan tiwan mɔmɔk na, kaa dii u. Uma Uwumbɔr le yeh mpakm n‑yoonn mu kaa kpa ndoon na. Amii.