Jeremia 13:23 - Uwumbɔr aagbaŋ

²³ Unii u aawon bɔn na ga ŋmaa kpeln ti ŋa ti man na aa? bee upeenaamuun ga ŋmaa nyan uwon aah tuur tuur pu na aa? Bi yaa ga ŋmaa ŋa kina kan, nimi bi tun titunwanbir ŋmeen na mu ga ŋmaa kpeln ki ŋa ni ŋan na.

Jeremia 13:23 ပူးပေါင်းရင်းမြစ်များ

2 Bibɔrb 17:40

Le binib ngbaan aa nan kpa ŋuntii, le ki yii ki beenin dii baabimbikpok aasan.

Ŋiyataŋak 27:22

Aa ga ŋmaa gbaa ujɔr u ti li ban u kpo, aa mu aan ŋmaa gbaa nyan waajɔrk u ni.

Ulandaan 1:15

Saan ŋmaa naar tiwan ni gɔr na. Saan ŋmaa kahn tiwan ni kaa bi na.

Aisaya 1:5

Ba ŋa ni kpak u kinikpakpak? Ni ban ke nimi aatafadaan li wiir la aa? Israel yaab, nimi aayil kpaln ibuun ŋmeen la, le nimi aapobil ni nisui mɔmɔk buŋ doo a.

Jeremia 17:9

Ŋma ga ŋmaa bee unibɔn aasui? Tiwan nibaa aa bi ki ŋmaa ŋmanni ke unibɔn aasui na; ubaa aan ŋmaa bee mu aah bii sakpen pu na.

Jeremia 2:22

Hali ni yaa di bukiib bu ŋun njeen mbamɔm na fu nnyun kan, m ga li beenin waa nimi aajɔŋ aataani.

Jeremia 2:30

M daa nitafal, le naa ŋa nimi nibaa; naan kii ke m sur nimi. Ni ku maabɔnabtiib ke uchinn u aaŋuul fii na la.

Jeremia 4:22

Uwumbɔr bui ke, “Maanib ye bijɔrb la, baa nyi mi. Bi naahn mbim mu kaa kpa nlan na la; baa kpa ntafaŋum. Bi nyi titunwanbir aatuln sakpen, le kaa tee nyi tiwan ni ŋan na aaŋam.”

Jeremia 5:3

Mbamɔn, Uwumbɔr sil lik ban mbimbinyaan la. U nan faa nimi, le naa sɔŋ nisui; u nan taa taa ni pu, le ni yii kaa bae. Ni nan kpa tafalaaŋun, kaa di cha titunwanbir aatuln.

Jeremia 9:5

Bi ŋmanni bijɔtiib la, le ubaa aa len ibamɔn, bi mɔk bilambil inyamɔn aageei pu, kaan di cha titunwanbir aatuln. Bi yaa ti tun titunwanbir tibaa kan, le bi di tiken kpee ni, le tibɔŋmannkaan tibaa paa tiken pu. Uwumbɔr bui ke waanib yii u.

1 Samuel 19:21

Sɔɔl aah ŋun kina na, le u ki tun biken. Le bi mu ti piin ki pak Uwumbɔr kina. Le u ki tun biken taataa. Le tiwanbaan ngbaan ki ŋa bi mu.