Jeremia 13:19 - Uwumbɔr aagbaŋ

¹⁹ Bidim gob Juda aatim mu bi ŋŋangii wɔb na; ubaa aan ŋmaa bɔ bijab ni ki ti fuu bi chee. Bi di Juda aanib mɔmɔk buen tinaagbiir ni a.”

Jeremia 13:19 ပူးပေါင်းရင်းမြစ်များ

2 Bibɔrb 25:21

ki bi Hamaf aapepel ni na chee. Nima chee ubɔr ngbaan nan ti cha bi ku bi. Kina le bi nan di Juda aanib buen tinaagbiir ni ki cha baatiŋ.

1 Bibɔrb Aabɔr 9:1

Bi nan ŋmee Israel yaab mɔmɔk aayimbil ki dii baadichal, Israel Aabɔrb Aagbaŋ ni la. Juda aanib aatunwanbir pu, le Uwumbɔr nan cha bi chur bi buen Babiloŋ aatiŋ ni, ke u di daa bitafal.

Job Aagbaŋ 12:14

Uwumbɔr yaa gbaa ber bil kan, ŋma ga ŋmaa maa, ŋma ga ŋmaa nyan unii u Uwumbɔr chuu u piin na lii?

Jeremia 17:26

Binib ga nya ni Juda aatim ni, ni Jerusalem aatingbaan ni ki dan; bi ga nya ni Benjaminn aapepel ni, ni taab aagongon ni, ki nya ni ŋijoo paab, ni Juda aaŋangii wɔb ki dan. Bi ga joo ni Maadichal ni ipiin i bi ga di see mmii ni na, ni kitork aapiin, ni njikaabim ni tulalee aayon aapiin, ki kpee idoon aapiin pu.

Jeremia 20:4

Uwumbɔr ubaa le len ke, ‘M ban m cha aa li ye ijawaan aawan ki tii sin aabaa ni aajɔtiib la, le baadim ga di kijaak aajum ku bi aanimbil ni. M ga di Juda aanib mɔmɔk di ŋa Babiloŋ aabɔr aapɔɔn ni; u ga chur bibaa tinaagbiir buen waatiŋ pu, le ki ku biken mu.

Jeremia 24:1

Uwumbɔr nan di tibɔɔkur tilee ti gbii ŋikakan na mɔk mi, Waadichal aabisamɔb chee. Ni nan ye n‑yoonn mu Babiloŋ Aabɔr Nebukadnesar nan chuu Juda Aabɔr Jehoyachinn, u aate nan ye Jehoyakim na, ni Juda aayidam, ni baawanŋab, ni binib bi nyi tiwan sakpen na tinaagbiir nyan Jerusalem aatiŋ ni, ki di buen Babiloŋ aatiŋ ni na aapuwɔb la.

Jeremia 28:4

M ga giin ni Juda aabɔr Jehoyachinn, u aate ye Jehoyakim na, ni Juda aanib bi mɔmɔk nan buen tinaagbiir ni Babiloŋ ni na. Een, m ga bii Babiloŋ aabɔr aapɔɔn. Min Uwumbɔr le len kina.”

Jeremia 32:44

Binib ga daa i, le bi nyii biŋaal tigbann pu, ki kpab ti, biseeraadam mu ga li bi. Nimina ga ŋa kina Benjaminn aapepel ni, ni ntimbim mu bi gbɔk Jerusalem na, ni Juda aatim ni, ni ntim mu bi ŋigongon aatiŋ pu na, ni taab aagongon aatim ni, ni Juda aaŋangii wɔb. M ga giin binib ngbaan baatiŋ pu. Min Uwumbɔr le len kina.”

Jeremia 33:13

Bipihkpaab ga ki kahn baapiih ntim mu bi ŋigongon aatiŋ pu na, ni taab aagongon aatim ni, ni Juda aaŋangii wɔb, ni Benjaminn aapepel ni, ni ntimbim mu bi gbɔk Jerusalem na ni, ni Juda aatim ni. Min Uwumbɔr le len kina.”

Jeremia 39:9

Kookoo na, Nebusaradann, u ye bijab ngbaan aayidaan na nan chur binib bi nan gur Jerusalem ni na, ki di kpee bi nan san ti kpee u pu na buen Babiloŋ ni, tinaagbiir ni.

Jeremia 52:27

ki bi Hamaf aapepel ni na chee. Nima chee le ubɔr ngbaan nan ti saan bi ki ku bi. Kina le bi nan di Juda aanib buen tinaagbiir ni.

Jeremia 52:28

Nebukadnesar aah nan chur binib bi tinaagbiir na aakahm sɔ: Waanaan yoonn aabilolole ni, u nan chur binib ŋichur ŋitaa ni moninko ni bitaa la,

Jeremia 52:30

le waabin moninko ni litatar ni, Nebusaradann chur binib ikui ilole ni imonko ilee ni biŋmu. Bi mɔmɔk yaa di kpaan kan, bi ye binib ŋichur ŋinaa ni binib ikui iloob le bi nan di buen.

Inandalahn 1:3

Juda aanib gur ye binaagbiib bi kaa kpa nterm na la, le bi jenn nyan bi bido. Bi gur koo ntiyayam ponn ni la, kaa kpa nin chee bi ga yin ke baatiŋ na. Baadim le mann goln bi, le baa ki kpa nin chee bi ga dii nya ki ŋmar na.

Sekaria 7:7

Buyoonn Jerusalem aatiŋ nan kpa liwangol ni binib na, kina le Uwumbɔr nan cha n‑yaayoonn na aabɔnabr nan len. N‑yoonn ngbaan, binib pam nan koo ntim mu mann goln Jerusalem na ni, ni ŋŋangii wɔb aapepel ni, ni liwilir wɔb aataataab aagongon na mu ni.

Ikaal 28:15

“Tɔ, ni yaa yii Nidindaan Uwumbɔr aamɔb, kaa joo waakaal, ni waah bui nimi din wee pu na kan, tibɔbir timina mɔmɔk ga dan ni pu:

Ikaal 28:52

Nidindaan Uwumbɔr aah ban u di kitiŋ ki tii nimi na, bi ga tak nimi, nimi aatim mɔmɔk ni. Nimi aagon fɔfɔk ŋi ni maa ki dak ke ŋi pɔɔ na ga lir.

Josua 18:5

Bi yakr kitiŋ ngbaan ŋeer ŋiker ŋilole aapepel, Juda aanibol ga li bi kitiŋ ngbaan aaŋangii wɔb la, le Josef aanibol ga li bi ŋŋangan wɔb.