Jeremia 13:18 - Uwumbɔr aagbaŋ

¹⁸ Le Uwumbɔr bui mi ke, “Bui ubɔr ni una ke bi fii baabɔrjal pu, ba pu? baabɔryikpupur ti ŋan sakpen na chikr lir kitiŋ a.

Jeremia 13:18 ပူးပေါင်းရင်းမြစ်များ

2 Bibɔrb 24:12

le Ubɔr Jehoyachinn, ni una, ni ujapɔtiib, ni waaninkpiib, ni libɔrdichal ni aaninkpiib di bibaa tii Babiloŋ aajab. Nebukadnesar aanaan aabiln lininiin ni, le u nan chuu Jehoyachinn tinaagbiir,

2 Bibɔrb 24:15

Nebukadnesar nan chuu Jehoyachinn tinaagbiir le buen Babiloŋ aatiŋ ni. U nan chuu Jehoyachinn aana, ni upuutiib, ni waaninkpiib, ni Juda aasalolm mɔmɔk buen.

2 Bibɔrb Aabɔr 33:12

Waafalaa ni, le u sunn ubaa taab, ki fenn toŋ Udindaan Uwumbɔr, ki gaŋ u ke u ter u.

2 Bibɔrb Aabɔr 33:19

Ubɔr ngbaan aameel, ni Uwumbɔr aah nan kii li pu na, ni waah nan tun titunwanbir ti ki nin kpeln waabimbin na, ni tibɔbir ti u nan ŋa na, ni waah nan maa tiwaadir ti na, ni liwaapii Asera aanaŋ ti u nan naan na, ni ŋiwaa ŋi u nan dooni na, mɔmɔk mu bi Uwumbɔr aabɔnabtiib aagbaŋ ni.

2 Bibɔrb Aabɔr 33:23

Tɔ, uma aa nan tee sunn ubaa taab ke ute na ki fenn toŋ Uwumbɔr. U nan kpaan ye utunwanbirdaan ki jer ute.

Nnyam 10:3

Moses ni Aaronn nan dii buen ubɔr ngbaan chee, le ki ti bui u ke, “Hiibru yaab Aadindaan Uwumbɔr bui ke, ‘N‑yoonn mulamu aa ga diŋ aasui pu, ki kii tii mi? Cha maanib ngbaan buen, nima kan, bi ga ti ŋmaa doon mi.

Nnyam 39:28

ni nan ye ŋibɔkul, ni tiyikpupur, ni ŋitanyaan aatuutagen,

Ŋiyataŋak 27:24

ba pu? liwangol aan gaar unibaan chee. Hali ŋitimbol aan ŋmaa li bi ki ti saa n‑yoonn mu kaa kpa ndoon na.

Aisaya 3:20

ni baayikpupur; ni baabɔnyɔk i bi di gbin biŋaal, ni bichaŋ ni na,

Aisaya 3:26

Kitiŋ ngbaan aagoln li maln gob ki na aabisamɔb ga li wii ikpowiil, le kitiŋ ngbaan kibaa ga li gur naahn upii u bi chuu gbabr waakeken aan u gur ka kitiŋ uŋmeen na, aah bi pu na la.

Aisaya 47:1

Uwumbɔr bui ke, “Babiloŋ aatiŋ, sunn ni saabɔrjal pu, ki nan kal kitiŋ, titan ni. N‑yoonn mubaa aa nan naahn upii u kaa nyi uja na la, kitiŋ ki ubaa aa kee nyaŋ ki na, le dandana ma, saa ki pɔɔn, kaa ki ŋan mu. Aa gur ye unaagbiipii la.

Jeremia 22:24

Uwumbɔr nan bui Juda Aabɔr Jehoyakim aajapɔɔn Jehoyachinn ke, “Maah ye Uwumbɔr u bi n‑yoonn mɔmɔk na pu na, hali aa yaa ba ye kibɔmbik ki ŋmaa ŋŋangii aaŋanbik pu na kan,

Jeremia 22:26

M ga jenn aa ni aana buen tinaagbiir ni. Ni ga buen kitiŋ ki baa nan ma nimi ki ponn ni na la, le ni mɔmɔk ga ti kpo nima.

Jeremia 29:2

Baah nan chuu Ubɔr Jehoyachinn, ni una, ni libɔrchiln ni aaninkpiib, ni Juda ni Jerusalem aayidam, ni bikpikpiib, ni biwanŋab mɔmɔk di buen tinaagbiir ni na aapuwɔb le m nan ŋmee kigbaŋ ngbaan.

Jeremia 36:16

Waah karn ki ti doo na, le bi fenn lik tɔb, le ijawaan bi binimbil ni, le bi bui Baruk ke, “See ti tuk ubɔr tibɔr tee,”

Inandalahn 1:6

Jerusalem aanyaan gur ye n‑yaayoonn na aawan la. Kaayidam gur naahn ipeeman i nkon joo i na la, i san ke i ŋmar bikpam chee, le yaapɔɔn mɔmɔk ti doo.

Inandalahn 1:9

Kaajɔŋ aa nan bɔr, le kitafal aa nan bi ntafadaan mu ga pii ki na ni. Kaalirm nan nyaŋ a; ubaa aa ŋmaa sɔŋ kisui. Kaadim nyaŋ ki; le kaanib wii ke Uwumbɔr san bi kinimbaak.

Inandalahn 2:10

Jerusalem aajaninkpiib gur ka kitiŋ le ki ŋmin chii, ki di titan puŋ biyil, ki pee tiwan ni saak kuub na. Bisapɔm ka tii biyil la.

Inandalahn 5:16

Taah nan mak tiwan ni pu na aa ki gur. Ti tun titunwanbir, le timi aamɔfal kuln.

Esekiel 16:12

M nan tii si tafajɔnjɔn, ni kiyibubuuk ki ŋan sakpen na ke aa di buu aayil.

Esekiel 21:26

Min, Aadindaan Uwumbɔr le len kina. Chuu chikr saabɔryikpupuk, ni likekeln li aa joo buu aayil na. Tiwan nibaa aan ki li bi naabimbin. Fiin bigiim ŋa mpɔɔn ni. Sunn binib bi joo kitiŋ dandana na taab.

Esekiel 24:17

Taa cha saah ka wii liŋmiŋmiln pu na nya lipaal aan ubaa ŋun aa pu. Taa pir kpiir aayil pu, bee aa li chuun kaa tak ŋinaatak ke ni mɔk ke aa bi wii likpuul la. Taa di nibaa biin aanimbil pu, bee aa ji binib bi bi wii likpuul na aah ji tijikaar ti na.”

Esekiel 24:23

Naan chuun kaa tak ŋinaatak, bee ni li chuun aan tiwan aa bii niyil pu, bee ni wii likpuul, bee ni wii bi pu. Nimi nibaa aatunwanbir pu le ni ga kuur doo, le ni ga li ker idun tɔb chee.

Esekiel 44:18

Nima kan, kitotoŋ aan naa bi. Bi di ŋitanyaan aatan buu biyil, ki li yii ŋitanyaan aataadalk, ki taa buu ŋigbapapan.

Daniel 5:20

Tɔ, u nan di kigaak, ni inimpool, ni mbiin di ŋa waawangol na, nima le Uwumbɔr nan nyan u waanaan ni, ni kipak ni.

Jona 3:6

Ninefa aabɔr aah ŋun tibɔr ngbaan na, le u fii libɔrjal pu, ki chuu peer waanaan aawanpeenkaan, le ki di tiwanpeenkaan ni saak kuub na peen, le ki kal nfatan ponn ni.

Matiu 18:4

Unii umɔk sunn ubaa taab ki bi ke ubo waatiir umina aah bi pu na kan, udaan ngbaan le ye uninyuun Uwumbɔr aanaan ni.

Jemisi 4:10

Ni sunn nibaa taab man Tidindaan aanimbiin ni, le u ga nyuŋ nimi.

1 Piita 5:6

Nima pu na, ni li sunni nibaa taab, Uwumbɔr u yeh mpɔɔn mɔmɔk na aaŋaal ni. Le ni yaa nan ŋeer kan, u ga nyuŋ nimi.