Jeremia 13:17 - Uwumbɔr aagbaŋ

¹⁷ Ni yaa kaan pel kan, m ga wii libɔɔl ni, nimi aagaak pu. Baah ga di Uwumbɔr aanib buen tinaagbiir ni pu na, m ga wii, le maanyunyunn ti li puu.

Jeremia 13:17 ပူးပေါင်းရင်းမြစ်များ

Ilahn 119:136

Binib aah yii saakaal pu na cha m wii, le maanyunyunn ti puu ke limɔɔl na.

Ilahn 80:1

Israel yaab Aakikiir, li pel ni ti chee; sin u lolni saanib pu nsan na, ŋun ni ti chee. Sin u ka saabɔrjal pu, tiwan ni kpa ifeen na aapaacham,

Aisaya 63:11

Le bi teer n‑yoonn mu jer na, Uwumbɔr aatutunn Moses aayoonn, le ki baa ke, “Uwumbɔr u nan nyan waanib aaninkpiib nnyusakpem ni na bi la chee dandana wee? Uwumbɔr u nan di Waafuur Nyaan tii Moses na bi la chee?

Jeremia 14:17

Uwumbɔr nan bui mi ke m tuk binib ngbaan maapombiin aah bi pu na ki bui bi ke, “M wii nwiin pu ni kinyeek la, taa cha m di cha iwiil, maanib aah kan titotonn sakpen, ni iween i na pu.

Jeremia 15:17

Maa bii maayoonn binib chee ki laa, ki mɔɔni. M nan kii saamɔb le ki bi mbaa ki joo maaŋuul nsui ni.

Jeremia 17:16

Tɔ, Uwumbɔr, maa kee muk si ke aa joo ni tibɔbir nan lii bi pu; maa ban ke tibɔr kan bi. Uwumbɔr, aa nyi kina; aa nyi maah len pu na.

Jeremia 22:5

Tɔ, ni yaa kaa ŋani maah tuk nimi pu na kan, m puu tii nimi ke libɔrdichal limina ga ber doo ki kpaln lilangbeln. Min Uwumbɔr le len kina.

Jeremia 23:1

Uwumbɔr yaa nan jin biyidam bi bii ki yaa waanib na tibɔr kan, naan li ŋan bi pu.

Jeremia 23:2

Uwumbɔr, u ye Israel yaab Aawumbɔr na aah len biyidam bi aatuln ba ye bi li joo waanib mbamɔm na aabɔr pu na sɔ: “Naa joo maanib; ni yaa bi, le ki jenn bi buen. Tɔ, m ga daa nitafal naah tun titunwanbir ti na pu.

Jeremia 9:1

N‑yil yaa ba ye nnyunbun, aan nnimbil mu ye uyayak aanyunbun kan, m ba ga li wii nwiin pu ni kinyeek, baah ku maanib bi na pu.

Inandalahn 1:16

Kina pu le tinyunyunn nya nnimbil ni ki puu lir. Ubaa aan ŋmaa sɔŋ nsui, ubaa aan ŋmaa pɔɔk ntaakpab. Bidim nyaŋ mi, bi yoor maanib aawan mɔmɔk a.

Inandalahn 1:2

Kinyeek ni kitaak aawoln pu, kaanib wii la; le tinyunyunn puu dii bitakpin. Ubaa aa ki bi kijɔtiib mɔmɔk ponn ni ki ga sɔŋ kisui. Kimaantɔtiib di ki kooh a, le bi mɔmɔk gur ye kaadim.

Inandalahn 1:9

Kaajɔŋ aa nan bɔr, le kitafal aa nan bi ntafadaan mu ga pii ki na ni. Kaalirm nan nyaŋ a; ubaa aa ŋmaa sɔŋ kisui. Kaadim nyaŋ ki; le kaanib wii ke Uwumbɔr san bi kinimbaak.

Inandalahn 2:18

Jerusalem aatiŋ, cha aabaa aagon wii ki ban Uwumbɔr chee nterm. Cha saanyunyunn li puu kinyeek ni nwiin pu ke limɔɔl na. Cha saapombiin ni iwiil tii si tibakr.

Inandalahn 3:48

Baah kuln maanib pu na, le cha maanyunyunn puu ke ŋimɔɔ na.

Esekiel 24:16

“Unibɔn, m ga di linyakaakul libaa le ku unii u aa gee sakpen na. Saa kpa tibaa aa len, bee aa wii, bee tinyunyunn tibaa nya aanimbil ni.

Esekiel 34:31

Tidindaan Uwumbɔr ki len ke, “Nimi maapiih, kipihpaak ki m kpiini na le ye maanib, le m ye nimi Aawumbɔr.”

Esekiel 36:38

Ntim mu ye tilangbenn dandana na ga gbiin binib ke Jerusalem aatiŋ aah nan gbii ipiih i bi nan joo toor njim aatork na pu na. N‑yoonn ngbaan le bi ga bee ke min le ye Uwumbɔr.”

Esekiel 9:4

“Koo Jerusalem aatiŋ ponn ni, ki daan unii umɔk aasui bii aan ni muk u baah tun ŋitun ŋi sukr ponn ni kitiŋ ngbaan ponn ni na aayigbeer pu kidaan.”

Malakai 2:2

Ni li nyuŋni mi nimi aatun mɔmɔk ni. Ni yaa kaa pel maah len pu na kan, m ga puun lii ni pu. M ga puun lii baah tii nimi tiwan ni na pu. Mbamɔn, naah kaa joo maakaal mbamɔm pu na, m puen puun lii ni pu a.

1 Samuel 15:11

“Nsui bii, maah ŋa Sɔɔl ubɔr pu na. U fenn upuwɔb tii mi, le ki yii maah tuk u pu na.” Liŋuul nan chuu Samuel, le kinyeek ngbaan ki ti woln u nan bi gaŋni Uwumbɔr.

1 Samuel 15:35

Ki nyan nima ki ti saa Samuel aakundaal, waa nan ki kan ubɔr Sɔɔl, le ki tee wii u pu. Uwumbɔr aasui nan bii ke u ŋa Sɔɔl Israel yaab aabɔr.