Jeremia 13:16 - Uwumbɔr aagbaŋ

¹⁶ Nyuŋ Nidindaan Uwumbɔr man waahr aan u nin joo ni mbɔmbɔɔn, mu ga cha ni li gbeer ŋijoo paab ki cha nwiihn mu ni mak mu pu na kpaln mbɔmbɔɔn na.

Jeremia 13:16 ပူးပေါင်းရင်းမြစ်များ

Job Aagbaŋ 3:5

Cha mu ŋa timm, ni mbɔmbɔɔn sakpiin, cha ntaalangbam biin mu pu, ki duŋ nwiin.

Ilahn 107:10

Binib bibaa nan bi mpombiin, ni mbɔmbɔɔn ni, ki ye biyom, ki bi tikululn aafalaa ni,

Ilahn 107:14

U nan nyan bi baapombiin ni mbɔmbɔɔn ni, ki geei baakululn na yuk yuk.

Ilahn 29:2

Pak Uwumbɔr aayimbil li kpa kipak na man. Peen tiwanpeenkaan ni ye chain na, ki li dooni u man.

Ilahn 44:19

Le aa siir cha timi tipeewanbir aakaasisik ni; aa siir cha timi mbɔmbɔɔn sakpen ponn ni la.

Nnyam 10:21

Uwumbɔr nan ki bui Moses ke, “Yoor aaŋaal paacham ki di mɔk kitaapaak, le mbɔmbɔɔn sakpiin ga lir ni, ki biin Ijipt aatiŋ pu.”

Ŋiyataŋak 4:19

Tɔ, bibiindam aasan ma bɔɔn ke kinyeek na la. Bi lir, le ki mu aa waa baah gbeer tiwan ni na.

Ulandaan 11:8

Li dooni Uwumbɔr libiln limɔk aa jin na pu. Aa gee aa yunn dulnyaa wee ponn ni ba pu, li nyi ke aa ga nan yunn nkun ni ki jer kina. N‑yoonn mu choo na aabɔr mɔmɔk ye fam la.

Aisaya 5:30

Nwiin ngbaan daal yaa nan fuu ni kan, bi ga nan ŋuun labr Israel aatiŋ pu ke nnyusakpem aah fu pu na. Lik man litimbol limina. Ni ye mbɔmbɔɔn ni nsuubiin ŋmeen la. Mbɔmbɔɔn di nwiihn mɔmɔk mu nan bi nima na di nab a.

Aisaya 59:10

le ti chuun tuul ke bijoom na. Ti chuun nwiin pu le ki gbeer, ke naah ye kinyeek le na, ki naahn ke taah bi kitekpiitiŋ ni le na.

Aisaya 59:9

Binib ngbaan bui ke, “Dandana ti bee naah ŋa pu aan Uwumbɔr aan gaa timi binib bi muk timi na chee lii na. Ti mak nwiihn pu le ti li chuun dii, le ni ye mbɔmbɔɔn ŋmeen la,

Aisaya 60:2

Ŋitimbol ŋiken pu ga li ye mbɔmbɔɔn la, le Uwumbɔr aawiihn ga woln aa ma pu; waah wiin chain pu na ga li bi aa chee.

Aisaya 8:22

bee bi si lik kitiŋ, kaan li waa nibaa see falaa ni mbɔmbɔɔn ŋmeen, mbɔmbɔɔn mu kpa ijawaan aan bi cha bi ti koo mu ni na.

Jeremia 14:19

Uwumbɔr, aa yii Juda aanib kookoo la aa? Aa nan Sionn aatiŋ aanib la aa? Ba ŋa aa tii timi titotonn ti kaan sɔŋ na? Ti nan lik ban nsuudoon, le kinyaan kibaa aa choo; ti nan ka ban laafee, le tibɔbir tee dan.

Jeremia 2:6

Bitafal aa nan bi m ni, hali maah nan nyan ni bi Ijipt aatiŋ ni, ki di bi bɔ dii kipɔɔk ni, kitiŋ ki ye nteersakpiin, ni litambol, ki kuur ki kpa tiwanbir aan ubaa aa koo nima na; aan ubaa mu aa chuun nima chee na, bitafal aa nan bi m ni.

Jeremia 23:12

Baah dii isan i na ga li ŋar le ki bɔɔn; m ga cha bi gbeer ki lir. M ga cha tibɔbir dan bi pu. Baatafadaan aayoonn choo. Min Uwumbɔr le len kina.

Jeremia 4:23

M nan lik kitiŋ, le ki kan ke ki nan ye kitikuun ŋmeen la. M nan waan lik paacham, le kaa waa nwiihn.

Jeremia 50:6

“Maanib bi ke ipiih i aapihkpaal cha i wɔŋ ŋijoo ponn ni na la. Bi chuun yenni ki nya lijool libaa paab ki ti saa liken paab, le ki suln bido aah ye nin wɔb na.

Jeremia 6:21

M ga cha binib bee gbeer ki lir. Tetiib ni baabim ga kpo, le jɔtiib ni maantɔtiib mu ga kpo.”

Jeremia 8:15

Ti nan ka mak nsuudoon ni laafee aayoonn pu, le naa nan kpa tinyoor; ijawaan sakpiin le nan labr dan.

Inandalahn 4:17

Ti lik ban nterm mu kaa choo na, le kaa ti ki ŋmaa lik. Ti nan kiir ban nterm litimbol li kaa kpa nterm li tii timi na chee, le kaa kan.

Esekiel 21:15

Ki cha maanib aataakpab yɔl, le bi lir. M joo kijaak aajuk ki moor lak lak ke utaal na, ki gor ke ki ku na le faani baatiŋ.

Esekiel 34:12

ke upihdaan aah joo waapiih i nan yaa aan u ki kuun ni i na pu na. M ga kuun i nya ni yaah nan yaa libiil aawinbɔbɔɔn ngbaan daal ki bi nin chee na.

Esekiel 36:15

Kitiŋ ngbaan aan ki pel ŋitimbol aah ŋani ki mbɔnyun, bee ki kan binib aah laa kinanaŋ aalaar ti na. Kitiŋ ngbaan aan ki ku litimbol ngbaan aabim. Min Dindaan Uwumbɔr le len kina.”

Joel 2:2

Nwiin ngbaan daal ga li bɔɔn ki bi timm, mu ga li bɔɔn ki kpa ntaalangbam pam. Kitoonpaak ngbaan choo ki naahn mbɔmbɔɔn sakpiin mubaa le aah biini ŋijoo paab na. Tiwan nimina aaboln aa kee ŋa, kaan ki ŋa daalbaadaal.

Amos 4:13

Uma Uwumbɔr le naan ŋijoo sakpiin, ki naan libuln mu. U joo waakaal kpiir tuk unibɔn; u kpeln nwiin pu ŋani kinyeek. U chuun dulnyaa wee ni, nin chee fɔk sakpen na. Waayimbil sɔ: Tidindaan Uwumbɔr Mpɔɔnsakpiindaan.

Amos 5:18

Naan nan li ŋan tii nimi bi kii Uwumbɔr aawiin ngbaan na. Nwiin ngbaan daal aan nan joo ni tiwan nibaa ni ŋan. Ba pu? mu ga nan li ye libɔmbɔln ŋmeen kaan li kpa nwiihn.

Malakai 2:2

Ni li nyuŋni mi nimi aatun mɔmɔk ni. Ni yaa kaa pel maah len pu na kan, m ga puun lii ni pu. M ga puun lii baah tii nimi tiwan ni na pu. Mbamɔn, naah kaa joo maakaal mbamɔm pu na, m puen puun lii ni pu a.

Jɔnn 12:35

Le u bui bi, “Min u ye nwiihn na, maan ki li bi nikaasisik ni, ni yunn. Dii nwiihn mu aah laa bi pu na man, aan mbɔmbɔɔn taa pii nimi. Unii umɔk chuun mbɔmbɔɔn ni na kan, waa nyi waah cha niwɔb na.

Josua 7:19

Le Josua bui u ke, “Maabo, len timi Israel yaab Aadindaan Uwumbɔr aanimbiin ni do ibamɔn, ki kpiir saatunwanbir. Tuk mi dandana wee saah ŋa tiwan ni na. Taa di tibaa bɔr mi.”

1 Piita 2:8

ki ki len ke, “Binib bibaa ga gbeer litakpal ngbaan ki lir. Litakpal ngbaan pu le bi ga lir.” Baa kii Uwumbɔr aabɔr; nima le cha bi lir, waah siin bi pu na.

1 Samuel 6:5

Ni di salmaa naan ŋichakpelar ngbaan, ni ŋisayik ŋi bii nimi aatiŋ aajikaar na, ki di bunyuŋ tii Israel yaab Aawumbɔr. Nibaakan u ga di cha, kaan ki daa nimi, ni nimi aawaa aatafal, kaan ki bii nimi aatiŋ.