Jeremia 13:14 - Uwumbɔr aagbaŋ

¹⁴ Le m ga di binib bi por na, ni bi kaa por na yur tɔb aan bi wiil ke ŋidabuu na. Kinimbaak, ni mpombiin, ni nsuugar mbaa aan kiir mi ke m taa ku bi.”

Jeremia 13:14 ပူးပေါင်းရင်းမြစ်များ

2 Bibɔrb Aabɔr 20:23

Amonn yaab ni Moab yaab nan di kpaan le ki di lir Edom yaab pu ki kuln bi pel pel, le ki mu ki di fenn lir tɔb pu ke biwaarb na.

Job Aagbaŋ 27:22

li ga daa bi pu, kaan li san bi kinimbaak, le bi pɔɔni bibaa ke bi ŋmar.

Ilahn 2:9

Aa ga di tikur aadabil gbaa kool bi; aa ga gbaa wii bi yak yak ke tiyakr aabuul na la.’”

Aisaya 27:11

Isubon na mɔmɔk kuur ki kool lir a, le bipiib ti peei ti tuur mmii, ba pu? binib ngbaan aa bee nibaa, nima pu na, Uwumbɔr u naan bi na aan di cha pinn bi, kaan san bi kinimbaak mu.

Jeremia 15:5

Uwumbɔr ki len ke, “Jerusalem aanib, ŋma ga san nimi kinimbaak, bee usui bii ni pu? Ŋma ga kii ki sil siib kina ke u lik ke ni kpa laafee aan naa kpa?

Jeremia 15:6

Nimi le yii mi, ni fenn nipuwɔb tii mi. Kina pu le m taln ŋŋaal ki faa nimi, ba pu? maa nan ki ŋmaa chuu maaŋuul.

Jeremia 16:5

“Taa koo lidichal li ponn ni binib bi wii likpuul na. Taa cha aasui bii ubaa pu. Maan ki ŋa nsuudoon aanyoor ŋa maanib pu, kaan ki di ngeehm ni kinimbaak mɔk bi.

Jeremia 21:7

Sin ma kan, aa ni saaninkpiib, ni binib bi ŋmar butɔb, ni nkon, ni iween ngbaan ni na, m ga cha Ubɔr Nebukadnesar, ni nimi aadim bi ban bi ku nimi na chur nimi. Nebukadnesar ga ti ku nimi. Waan di cha ni ponn ni ubaa, kaan san ubaa kinimbaak. Min Uwumbɔr le len kina.”

Jeremia 25:16

Bi yaa nyun ki ponn ni kan, bi ga li chuun gbeer, kaan ki li kpa nlan, butɔb bu m ban m cha bu dan bi pu na pu.”

Jeremia 47:3

Bi ga ŋun itaan aataagbendun pu, ki ŋun itaan aatɔroku aawiil pu, ki ŋun baafambann aah weeni pu na. Tetiib aan fenn ban baabim; biwon ga yɔl, le biŋaal gur jɔn kaakaan.

Jeremia 48:12

“Tɔ, n‑yoonn choo le m ga tun binib bi ti kpenn Moab ke ndaan na. Bi ga kpenn kaadabuu ki wii ŋi yuk yuk.

Jeremia 6:21

M ga cha binib bee gbeer ki lir. Tetiib ni baabim ga kpo, le jɔtiib ni maantɔtiib mu ga kpo.”

Inandalahn 2:21

Binib bi por na, ni bi kaa por na mɔmɔk kpoi kitiŋ ponn ni la. Bidim aajaak aajum le ku binachipɔm ni bisapɔm mɔmɔk. Saaŋuul aawiin daal le aa kɔr bi mɔmɔk, kaa san bi kinimbaak.

Esekiel 24:14

Min Uwumbɔr le len kina. N‑yoonn fuu ni ke m fii sil. Maan suln saatunwanbir bɔr, kaan san si kinimbaak. Aa ga kan saah tun pu na aatafadaan.” Aadindaan Uwumbɔr le len kina.

Esekiel 7:3

“Israel aatiŋ, ndoon ngbaan fuu ni a. M ga ji si tibɔr saatuln pu, le aa ga kan maaŋuul. M ga teen si, saatun ŋi sukr ponn ni na mɔmɔk pu.

Esekiel 7:4

Maan san si kinimbaak, kaan di cha si. M ga daa aatafal saah tun ŋitun ŋi aan ŋi sukr ponn ni na pu, le aa bee ke min le ye Uwumbɔr.”

Esekiel 7:9

Maan san nimi kinimbaak, kaan di cha nimi. M ga daa nitafal, nimi aatun ŋi sukr ponn ni na pu, le ni bee ke min le ye Uwumbɔr, ki bee ke min le dar nitafal.”

Esekiel 8:18

Bi ga kan maaŋuul aah pɔɔ pu na mɔmɔk. Maan san bi kinimbaak, kaan di cha pinn bi mu. Bi ga li tar mpɔɔn pu sakpen ki mee mi limeel, le maan gar bi.”

Esekiel 9:10

Maan san bi kinimbaak, m ga ŋa bi baah ŋa biken pu na.”

Esekiel 9:5

M nan ki ŋun Uwumbɔr bui bijab biken na ke, “Dii u koo kitiŋ ngbaan mɔmɔk ponn ni, ki li ku binib man. Ni taa gur ubaa; ni taa san ubaa kinimbaak man.

Hosea 2:4

Maan san waabim kinimbaak; bi ye upiidagoor u kaa san inimɔɔn na aabim la. Uma ubaa le len ke, “M ga buen mbɔtiib chee la, bi tii mi tijikaar ni nnyun, ki tii mi ŋikeken, ni olif aakpan, ni ndaan.”

Sekaria 11:6

Uwumbɔr ki bui ke, “Maan ki san unii ubaa kinimbaak kitiŋ kee pu. Min mbaa le ga di binib mɔmɔk ŋa baajojoob aaŋaal ni. Bijojoob ngbaan le ga bii kitiŋ, le maan gaa ki lii.”

Matiu 10:21

“Binib ga di binaabitiib ŋa binib aaŋaal ni, ke bi ti ku bi. Tetiib mu ga di baabim ŋa binib aaŋaal ni, ke bi ti ku bi. Binib mu ga yii bitetiib ni binatiib, ki cha binib ku bi.

Tibɔnyaan ti Mak ŋmee ti na 13:12

N‑yoonn ngbaan le unii ga di una aabo ŋa binib aaŋaal ni ke bi ti ku u. Tetiib mu ga di baabim ŋa binib aaŋaal ni ke bi ti ku bi. Binib mu ga yii bitetiib ni binatiib, ki cha binib ku bi.

Ikaal 29:20

Le Uwumbɔr aan di cha pinn udaan ngbaan. Waaŋuul ga fii u pu ke mmiigaal na, le tibɔbir ti mɔmɔk bi kigbaŋ kimina ni na ga lir udaan pu, le Uwumbɔr ga kuln u doo.

1 Samuel 14:16

Sɔɔl aajab bi nan bi Benjaminn aanibol aatiŋ Gibea ni ki kii na, kan ke Filistia yaab aalan ŋmal, le bi bi san gonni.