Jeremia 13:13 - Uwumbɔr aagbaŋ

¹³ Le aa ga bui ke min Uwumbɔr ga cha kitiŋ kee aanib mɔmɔk nyu ndaan ki ti gbii; bibɔrb bi ye David aayaabitiib na, ni bitotoorb, ni maabɔnabtiib, ni Jerusalem aanib mɔmɔk ga nyu gbii.

Jeremia 13:13 ပူးပေါင်းရင်းမြစ်များ

Ilahn 60:3

Aa cha saanib jin falaa sakpen a. Ti chuun gbeer ke taah nyun ndaan le na.

Ilahn 75:8

Uwumbɔr joo kiyikuuk uŋaal ni, kiyikuuk ngbaan gbii ndapɔɔl mu ye waaŋuul na la. U bar mu, le bibiindam mɔmɔk nyun mu; bi nyun mu mɔmɔk pel pel.

Aisaya 29:9

Li ye bijɔrb man. Li ye bijoom man. Li ye bidagbiib bi kaa nyun ndaan na man. Li chuun gbeer ke naah nyun ndaan le na.

Aisaya 49:26

M ga cha binib bi muk si na ku tɔb ki ŋmɔ tɔb; bi ga nyun tɔb aasin gbii ke baah nyun ndaan le na. Le unibɔn mɔmɔk bee ke min le ye Uwumbɔr u gaal si lir ki cha aa fuur na. Bi ga bee ke min le ye Israel yaab Aawumbɔr u kpa mpɔɔn sakpen na.”

Aisaya 51:17

Fii sil, Jerusalem yaab, fii sil man. Nyal ki fii sil man paacham. Ni jin ntafadaan aafalaa u Uwumbɔr gee liŋuul ki tii nimi ke ni ji na; ni jin falaa ngbaan, le u cha ni chuun gbeer.

Aisaya 51:21

Nimi Jerusalem aanib bi ji falaa na, nimi bi chuun gbeer ke naah nyun ndaan le na,

Aisaya 63:6

Maaŋuul ponn ni le m nan taa taa ŋitimbol ki yaa ŋaanib ki di baamɔfal aasin kpir kitiŋ.”

Jeremia 13:12

Tidindaan Uwumbɔr nan ki bui mi ke, “Jeremia, bui Israel aanib ke ni ŋan ke lidabuul mɔk li gbii ndaan la. Bi ga bui ke bi nyi ke ni ŋan ke lidabuul mɔk li gbii ndaan.

Jeremia 25:27

Le Uwumbɔr ki bui mi ke, “Tuk binib ngbaan ke min, Uwumbɔr Mpɔɔnsakpiindaan, u ye Israel yaab Aawumbɔr na le bui bi ke bi nyu ki ti gbii ki li wulni, ki ti lir ki taa ki ŋmaa fii sil, butɔb bu m ga cha bu dan bi pu na pu.

Jeremia 25:29

M ga piin maabiil aatuln ngbaan mbaa aatiŋ ponn ni la. Bi dak ke maan daa bitafal la aa? Aayii, bi ga kan ntafadaan, ba pu? m ga cha butɔb dan kitiŋ kee mɔmɔk aanib pu. Min Uwumbɔr Mpɔɔnsakpiindaan le len kina.

Jeremia 51:57

M ga cha kaajojoob ni bijab bi kpa nlan, ni bisalolm, ni baajab nyu ki ti gbii. Bi ga ti doon geen le kaan ki fii kpala. Min, Ubɔr ngbaan le len kina, min le ye Uwumbɔr Mpɔɔnsakpiindaan.

Jeremia 51:7

Babiloŋ nan bi ke salmaa aayikuuk na le ŋŋaal ni, ki cha dulnyaa wee mɔmɔk nyun ki ponn ni ki ti gbii. Ŋitimbol nan nyun ki ponn ni aadaan le kaa ki kpa nlan.

Habakuk 2:16

Sin le ga kan inimɔɔn, naan li ye kipak. Sin aabaa ga nyu ndaan ki gbii. Uwumbɔr le ga daa aatafal ki cha inimɔɔn biin saapak pu.