Jeremia 13:11 - Uwumbɔr aagbaŋ

¹¹ M ba ban ke Israel ni Juda aanib mɔmɔk li bub joo mi kin kin ke lichutageln aah ŋeer kichaŋ sab pu na la. M nan ŋa kina ke bi li ye maanib ki joo ni kipak ni inyuŋ nan tii mi la; le bi yii kaa kii maamɔb.”

Jeremia 13:11 ပူးပေါင်းရင်းမြစ်များ

Ilahn 135:4

U nyan Jakob ke u li ye uyoo, u nyan Jakob aayaabitiib Israel yaab ke bi li ye waanib.

Ilahn 147:20

Waa tun kina tii ŋitimbol ŋiken; baa nyi waakaal. Pak Uwumbɔr man.

Ilahn 81:11

Le maanib aa ŋun tii mi; Maanib Israel yaab aa kii tii mi.

Aisaya 43:21

Bima le ye binib bi m naan ki di tii mbaa na, le bi ga gaa ilahn ki pak mi.”

Aisaya 62:12

Bi ga li yin nimi ke, “Uwumbɔr aanib bi bi chain na,” ki ki yin nimi ke, “Binib bi Uwumbɔr gaa bi lii na.” Bi ga yin Jerusalem ke, “Kitiŋ ki Uwumbɔr gee ki na,” ki ki yin ki ke, “Kitiŋ ki Uwumbɔr aan suln ki bɔr na.”

Jeremia 13:1

Uwumbɔr nan bui mi ke m buen ti daa ŋitanyaan aachutageln ki di yiin; ki ki bui mi ke m taa di u bɔ nnyun ni.

Jeremia 13:10

Titunwanbirdam ngbaan yii kaa kii maamɔb. Bi beenin kpa mbiin ni tafalaaŋun ke baah nan bi pu na la, le ki dooni ŋiwaa, ki tun tii ŋi. Kina pu na, bi ga ŋa ke lichutageln lee aah kaa ki li bi tibaa ni pu na.

Jeremia 13:12

Tidindaan Uwumbɔr nan ki bui mi ke, “Jeremia, bui Israel aanib ke ni ŋan ke lidabuul mɔk li gbii ndaan la. Bi ga bui ke bi nyi ke ni ŋan ke lidabuul mɔk li gbii ndaan.

Jeremia 19:15

Uwumbɔr Mpɔɔnsakpiindaan, u ye Israel yaab Aawumbɔr na le len ke, “M ga cha ntafadaan dan kitiŋ kee, ni ntim mu bi gbɔk ki na pu, ke maah len ke m ga ŋa pu na, ba pu? bi kpa tafalaaŋun, kaa pel maah tuk bi pu na.”

Jeremia 32:20

N‑yaayoonn na, aa nan tun lijinjiir ni iwaan aatun Ijipt aatiŋ ni, le ki beenin tun ŋi ki nan saa din; aa tun ŋi Israel aatimbol, ni ŋitimbol ŋiken ponn ni, le dandana unii mɔmɔk nyi si, ni kookoo.

Jeremia 33:9

Jerusalem ni le maamɔɔn, ni bunyuŋ, ni limakl ga li nya ni, le dulnyaa wee aatimbol li ŋun maah ŋani tiwanyaan ni tii Jerusalem aanib, ni nkam mu m joo ni kitiŋ ngbaan ni na pu kan, biwon ga li gbaa, le bi san ijawaan.”

Jeremia 6:17

Le Uwumbɔr ban bikikiib ke bi li pel n‑yoonn mu ukpiin ga nan wii na. Le bi mu bui ke, “Taan pel.”

Jeremia 7:13

Ni tun titunwanbir tee mɔmɔk, le m tuk nimi, ki ki gir bui nimi, le ni yii, kaan pel. Buyoonn m yin nimi na le ni yii, kaan kii.

Jeremia 7:23

Tɔ, m nan tee bui bi ke bi li keei maamɔb, aan m li ye Baawumbɔr, le bi mu li ye maanib. M nan bui bi ke bi li bi maah bui bi ke bi li bi pu na, aan ki li kpa lifuur.

Jeremia 7:24

Le baa kii maamɔb, kaa kpa ntafaŋum mu, le ki tee tun baamaaŋuntafal ni baatunwanbir aasui ngbaan aah bui bi pu na, le ki moo bii cha.

Jeremia 7:26

Le ubaa aa kpa ntafaŋum. Ni labr kpa tafalaaŋun ki tun titunwanbir ki jer niyaajatiib.

Amos 3:1

Israel yaab, linibomɔln li Uwumbɔr nyan li Ijipt aatiŋ ni na, li pel man nimi aabɔr ti u len na.

Tibɔnyaan ti Luk ŋmee ti na 10:11

‘Nimi aatiŋ aatatan ti bi titaapɔtan ni na, tima le ti kpaar lii do chee na, ni li ye nsurm ki tii nimi. Ni li nyi ke Uwumbɔr aanaan peen ni, le ni yii.’

Ikaal 26:18

Din wee na, Uwumbɔr mu gaa nimi ki di ŋa ubaa aanib, ke waah nan puu tipuur pu na, ki bui ke ni li joo waakaal mɔmɔk mbamɔm.

Ikaal 26:19

Waah naan ŋinibol mɔmɔk ŋi dulnyaa wee ni na, nimi le u nyan ke u ga ŋa nimi linibol li kpa mpɔɔn sakpen ki jer ŋi mɔmɔk na, le ni ga pak ki nyuŋ waayimbil. Ni ga li ye uma ubaa aanib ke waah nan puu pu na.”

Ikaal 4:7

“Linibokpaan liken aa bi ki kpa laawaa li bi bi chee baamukl ni ke Tidindaan Uwumbɔr aah bi ti chee pu na. Ti yaa bi limukl ni ki yin u kan, see u ter timi.

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.