Jeremia 13:10 - Uwumbɔr aagbaŋ

¹⁰ Titunwanbirdam ngbaan yii kaa kii maamɔb. Bi beenin kpa mbiin ni tafalaaŋun ke baah nan bi pu na la, le ki dooni ŋiwaa, ki tun tii ŋi. Kina pu na, bi ga ŋa ke lichutageln lee aah kaa ki li bi tibaa ni pu na.

Jeremia 13:10 ပူးပေါင်းရင်းမြစ်များ

Ilahn 78:8

Baan li bi ke biyaajatiib na, kaan li ye binib bi yii Uwumbɔr aamɔb ki nyan upuwɔb na. Baan li ye binib bi kaa gaa Uwumbɔr ki kii mbamɔm, kaan ŋmaa nyii u pu ki sil n‑yoonn mɔmɔk na.

Ulandaan 11:9

Binib bi laa diin na, li ji tinachipɔnn ni tisapɔnn man. Li kpa mpopiin buyoonn ni laa pɔɔ na. Li ŋani naah ban ni ŋa pu na, ki li ŋani nisui aageehn, ki tee li teer ke Uwumbɔr ga ji nimi tibɔr nimi aatuln mɔmɔk pu la.

Aisaya 3:24

Baah ba ga li ŋmir tulalee pu na, bi ga li nu la; baan ki buu ŋigbapapan, bi ga li buu tichɔsɔnn aaŋmin la; baan ki li kpa tiyikpir ti ŋan na, bi ga li gur ye ŋiyikun ŋmeen la; baan ki gbab ŋikekenyaan, tikekekpir le bi ga li gbae; le baanyaan ga kpaln inimɔɔn.

Jeremia 11:10

Bi gir buen biyaajatiib bi nan yii maah bui bi ke bi tun pu na aatunwanbir ni la; bi nan dooni ŋiwaa la. Israel ni Juda yaab mɔmɔk bii tipuur ti m ni biyaajatiib nan puu tii tɔb na.

Jeremia 11:18

Uwumbɔr nan bui mi maadim aah nan bi kpokl m pu pu na.

Jeremia 13:7

M nan gir buen ki bee nin chee m nan di li bɔr na, le m kan ke li bii, kaa ki ŋan.

Jeremia 16:12

Le nimi ŋa tiwan ni bir jer niyaajatiib yaan na. Ni mɔmɔk kpa tafalaaŋun le ki tun titunwanbir, kaa kii maamɔb.

Jeremia 16:4

Iween i bir sakpen na le ga ku bi, le ubaa aan li bi ki wii baakpuul, ubaa mu aan ki li bi ki sub bi. Ŋinikpol ngbaan ga li dɔ kitiŋ ke tinaabin na la. Butɔb ni le bibaa ga kpoi, le nkon ku biken mu, le ŋinikpol ngbaan ga li ye inyoon ni ipeel aajikaar.

Jeremia 20:4

Uwumbɔr ubaa le len ke, ‘M ban m cha aa li ye ijawaan aawan ki tii sin aabaa ni aajɔtiib la, le baadim ga di kijaak aajum ku bi aanimbil ni. M ga di Juda aanib mɔmɔk di ŋa Babiloŋ aabɔr aapɔɔn ni; u ga chur bibaa tinaagbiir buen waatiŋ pu, le ki ku biken mu.

Jeremia 22:21

Naah nan laa kpa liwangol buyoonn na, le Uwumbɔr nan len ni chee le ni yii kaa pel. Nimi aatuln le bi na, nimi aamɔfal aayoonn mɔmɔk ni; naa kee kii Uwumbɔr aamɔb.

Jeremia 23:17

Bi tuk binib bi yii kaa pel maah len pu na ke nibaa aan ŋa bi, le ki tuk binib bimɔk kpa tafalaaŋun na ke tibɔbir aan dan bi pu.”

Jeremia 3:17

N‑yoonn ngbaan yaa nan fuu ni kan, bi ga li gur yin Jerusalem ke ‘Uwumbɔr Aabɔrjal’ la, le ŋitimbol mɔmɔk ga kuun nima ki doon mi. Baan ki ŋa bisui i bir ki kpa maaŋuntafal na aah mɔk bi ke bi ŋa pu na.

Jeremia 35:15

M beenin tun ni maatutum bi ye bibɔnabr na ni chee, le bi tuk nimi ke ni di cha nimi aabimbin mu kaa ŋan na, ki tun ni ŋan na. Bi sak nimi ke ni taa tun tii ŋiwaa, ki taa dooni ŋi, aan ki li beenin bi kitiŋ ki m nan di tii niyaajatiib na pu. Le naan ŋun tii mi, kaa pel m chee kpala.

Jeremia 44:16

“Taan kii saah di Uwumbɔr aayimbil tuk timi tibɔr ti na.

Jeremia 44:5

Le ni yii, kaa pel, kaa ŋun tii mi. Naa di cha titunwanbir ti ni tun ke ni toor ŋiwaa na.

Jeremia 5:23

Le nimi ma kan, ni kpa tafalaaŋun kaa si mpuwɔb, ni paar le ki siir cha mi.

Jeremia 7:13

Ni tun titunwanbir tee mɔmɔk, le m tuk nimi, ki ki gir bui nimi, le ni yii, kaan pel. Buyoonn m yin nimi na le ni yii, kaan kii.

Jeremia 7:6

Taa ŋa bicham, ni nkpobim, ni bikpopiib falaa man. Taa ki ku binib bi kaa tun taani na kitiŋ kee pu. Taa ki dooni man ŋiwaa; ba pu? kina ga ŋmaa kuln nimi.

Jeremia 8:5

Tɔ, maanib, ba ŋa ni fenn nipuwɔb tii mi kaa ki gir ni kpala? Ni bub joo nimi aawaa le kaan ki fenn dan m chee.

Jeremia 9:13

Le Uwumbɔr gar ke, “Maanib aah yii maamɔkm na le cha nimina ŋa. Baa kii maamɔb, kaa ŋa maah tuk bi pu na.

Jeremia 9:14

Bi tee yii le ki kpa tafalaaŋun ki dooni Baal aawaa ke biyaajatiib aah tuk bi pu na.

Nkahm 14:11

Uwumbɔr nan baa Moses ke, “Bayoonn aan binib bee ga di cha kaan ki yii mi? Maah ŋa lijinjiir aawan bikaasisik ni pu na, bayoonn aan bi ga di cha ki tii mi naadii?

Lituln 7:51

Tɔ, Stiifen nan ki len ke, “Nitafal pɔɔ, naa dii Uwumbɔr aasan nisui ni, kaa pel waaliin. N‑yoonn mɔmɔk ni ban ni yii Uwumbɔr Aafuur Nyaan, ke niyaajatiib aah nan yii mu pu na.

Hiibru Yaab 12:25

Ni li nyi man, ki taa yii Uwumbɔr u len ni chee na. Buyoonn u nan sur Israel yaab dulnyaa wee ni na, le bi yii, le u daa bitafal. Ti yaa yii Yesu u nyan ni paacham ki nan sur timi na kan, u ga sil daa titafal.