Jeremia 12:5 - Uwumbɔr aagbaŋ

⁵ Le Uwumbɔr bui ke, “Jeremia, aa ni binib yaa san kpak aan aa bak kan, aa ga ŋa kinye aan aa ni itaan san kpak? Aa yaa kaan ŋmaa sil nteer pu kan, aa ga ŋa kinye ki koo Jɔɔdann aachook ni?

Jeremia 12:5 ပူးပေါင်းရင်းမြစ်များ

1 Bibɔrb Aabɔr 12:15

Libiln libaa aajan aaŋmal ponn ni, n‑yoonn mu Jɔɔdann Aamɔɔl nyan nwam na, le bi nan puur limɔɔl, le ki ti jenn yaa binib bi bi limɔɔl ngbaan aawipuul ni liwilir mɔk aafatann ni na.

Ŋiyataŋak 24:10

Aa yaa kaa kpa mpɔɔn buyoonn tibɔr muk si na kan, aa sil ye ugiin la.

Ŋiyataŋak 3:11

Maabo, Uwumbɔr yaa sak si kan, ŋun mbamɔm, ki kii ke nsurm ngbaan ye mbamɔn la.

Jeremia 11:21

Maatiŋ Anatof aajab bibaa nan ban ke bi ku mi, le ki bui mi ke m yaa beenin mooni Uwumbɔr aabɔr kan, bi ga ku mi.

Jeremia 26:8

le maah len uma Uwumbɔr aah bui mi ke m len pu na doo na, le bi ber nan chuu mi ki teen ke, “Nimina ŋeer ke ti ku si.

Jeremia 36:26

Le u bui waabo Jerameel, ni Asriel aajapɔɔn Seraya, ni Abdeel aajapɔɔn Selemia ke bi chuu m ni maagbaŋmeer Baruk. Tɔ, Uwumbɔr nan bɔr timi, baa ŋmaa kan timi.

Jeremia 49:19

M ga dan ki nan cha Edom yaab san libuul ni ki nya baatiŋ ni, ke uchinn le aah nyan ni kichook ni ki di bɔ dii Jɔɔdann aagbaan pu ki nan nya timosɔnn ni pu na la, le maah lee usaloln u na ga li joo litimbol ngbaan. M ni ubaa aa ŋak. Ubaa aan ŋmaa kpak mi. Utinjoor ubaa aan ŋmaa kpak mi.

Jeremia 50:44

“Min Uwumbɔr ga dan ki nan cha Babiloŋ yaab san libuul ni, ki nyan baatiŋ ni, ke uchinn aah nyan ni kichook ni, ki di bɔ dii Jɔɔdann aagbaan pu, ki nan nya timosɔnn ni pu na la. Maah ga lee usaloln u na le ga li joo litimbol ngbaan. M ni ubaa aa ŋak. Ubaa aan kaa ke u kpak mi. Utinjoor ubaa aan ŋmaa kpak mi.

1 Piita 4:12

Njɔtiib bi m gee bi na, ni ji falaa u wu sakpen na la. Ni taa dak ke ni ye tiwachann la. Uwumbɔr cha ni ji falaa ke u lik nimi aabimbin aah bi pu na la. Ni taa cha ni gar nimi.