Jeremia 12:4 - Uwumbɔr aagbaŋ

⁴ Timi aatiŋ ga li kuun kina ki ti saa bayoonn? Timoor ti bi ikpaakon ni na mu yɔl yɔl. Tiwakor ni inyoon kpoi timi aanib aatunwanbir pu la; bima le len ke, ‘Uwumbɔr aa kani taah tun pu na.’”

Jeremia 12:4 ပူးပေါင်းရင်းမြစ်များ

Ilahn 107:34

U cha kitiŋ ki kpa tijikaar na kpaln nteersakpiin, bibiindam bi koo nima chee na pu.

Ilahn 50:21

Ni ŋani nimina mɔmɔk, le maa len tibaa, kina pu le ni dakl ke m mu bi kina la. Tɔ, dandana ma kan, m ban m galn nimi la, ki nyan tibɔr ngbaan lipaal tii nimi.

Aisaya 24:4

Kitiŋ kuur ki yɔl a; dulnyaa mɔmɔk aanib aataakpab yɔl; taab ni paacham bur a.

Aisaya 24:6

Kina pu le Uwumbɔr puun lii kitiŋ pu. Kaanib bi pa baah tun pu na pu la. Bi ponn ni siib le ga gur.

Jeremia 12:11

Bi cha ki kpaln kipɔɔk la; ki gur dɔ nkuun la. Kitiŋ ngbaan mɔmɔk kpaln nteersakpiin, le ubaa aatafal aa ki bi ki ponn ni.

Jeremia 14:2

“Juda aatiŋ bi wii ikpowiil la; kaatim bi kpo la, kaanib dɔ kitiŋ mpombiin pu la, le Jerusalem wii ki ban nterm.

Jeremia 23:10

Binib bi kaa kii Uwumbɔr aamɔb na le gbii kitiŋ kee pu; baabimbin aa ŋan, le bi joo baapɔɔn tun ŋitun ŋi kaa ŋan na. Uwumbɔr aah puun lii kitiŋ pu na, le ki wii ikpowiil, le tiwakor aamoŋmɔpaan kuur.

Jeremia 4:25

M nan kan ke unii aa ki bi nibaa chee; hali inyoon nan fii buen a.

Jeremia 4:28

Kitiŋ ga wii ikpowiil, le kitaapaak bɔnn timm. Uwumbɔr le len, kaan kpeln waalandak. U siin waah ga ŋa pu na, kaan ki fenn upuwɔb.

Jeremia 5:13

Bi nan bui ke Uwumbɔr aabɔnabr na aa ye nibaa, bi po ye tiloor ti gbii libuln ŋmeen na, le kaa kpa Uwumbɔr aabɔr tibaa bi tuk bi. Le Tidindaan Uwumbɔr Mpɔɔnsakpiindaan bui mi ke, “Jeremia, binib bee aah len pu na pu, le m ga cha maabɔr li bi aamɔb ni ke mmii na. Le binib ngbaan ga li bi ke idɔ na, mmii ngbaan ga wu bi.”

Jeremia 5:31

maabɔnabtiib geei inyamɔn ŋmeen la; le bitotoorb di bibaa aapɔɔn le joo binib, le maanib gee kina la. Tɔ, nimina mɔmɔk ti doo kan, bi ga ŋa kinye?”

Jeremia 7:20

Le min, Bidindaan Uwumbɔr, ga cha maaŋuusakpeln pii ni Maadichal limina. Li ga pii binib ni tiwakor mu, hali isui ni tijikaar mɔmɔk ga kan li. Maaŋuul ga li bi ke mmii mu ubaa aan ŋmaa junn mu na la.

Jeremia 9:10

Le m bui ke, “M ga wii ŋijoo aakpowiil ki wii tiwakor aamoŋmɔpaan aah kuur pu aan ubaa aa chuun nima chee pu na aakpowiil. Inaa aawiil ŋmin chii; inyoon ni ipeel fii ki san buen a.”

Jeremia 9:9

M taa daa bitafal nima pu uu? M taa teen kina aatimbol aa? Min Uwumbɔr le len kina.”

Hosea 4:3

Kina pu le kitiŋ ga kuur, le tiwan nimɔk bi ki pu na ga kpoi. Tiwakor, ni inyoon, ni ijan mu ga kpoi.”

Joel 1:18

Inaa aah kaa kan timoor i ŋmɔ na, le i wii ni mpombiin; le ipiih mɔmɔk ji falaa.

Amos 1:2

Le Amos len ke, “Uwumbɔr ŋuun ni Sionn Aajool paab ke uchinn na; uneel tar mpɔɔn pu ke utaal le aah gbeer na, ki nyan ni Jerusalem aatiŋ ni. Inaa aah ŋmɔ timoor nin chee na mɔmɔk kuur a, le Kamel Aajool paab kuur ki mann ke lipeel aamoor na.”

Habakuk 3:17

Ŋikakan yaa kaa ŋeen, le ndaan aasubil mu yaa kaa baa isui pu, olif aakpan aasui mu yaa yii kaa lun, le tijikaar mu yaa kaa ŋa ikpaakon ni, ipiih mu yaa kaa bi kibɔkpuk ni, le inaa mu yaa kaa bi tinaabar ni kan,

Sekaria 1:12

Le ntuun ngbaan bui ke, “Uwumbɔr Mpɔɔnsakpiindaan, saaŋuul nan fii Jerusalem ni Juda aatim pu ki ti saa ŋibin imonko itaa ni kipiik le na. Bayoonn aan aa ga san mu kinimbaak?”

Rom Yaab 8:22

Ti nyi ke Uwumbɔr aah naan tiwan nimɔk na wu ke imalween aah wu pu na, ki du ki nan saa dandana.