Jeremia 12:16 - Uwumbɔr aagbaŋ

¹⁶ Bi yaa gaa maanib aah dii nsan mu na, ni bisui mɔmɔk, ki puur tipuur ke, ‘Uwumbɔr u bi na’ pu, ke baah nan cha maanib puur tipuur tii liwaal Baal pu na kan, bi mu ga li bi maanib ponn ni ki ga kan liwangol.

Jeremia 12:16 ပူးပေါင်းရင်းမြစ်များ

Solomonn Aalahn 1:8

Upii nyanyaan, saa nyi nima chee ee? Saa nyi kan, li dii tiwakor cha; li kii saaŋoob biwakodam aaboo chee.

Aisaya 2:3

le ŋaanib ga bui ke, “Cha ti jon man Uwumbɔr aajool ki buen Israel yaab Aawumbɔr aadichal ni. U ga mɔk timi waah ban ti ŋa pu na; le ti ga chuun waah lee isan i na pu; Uwumbɔr aamɔkm nyan ni Jerusalem ni la; Sionn pu le u len waanib chee tibɔr.”

Aisaya 42:6

“Min Uwumbɔr le yin si ki tii si mpɔɔn ke aa cha ibamɔn dan dulnyaa wee ni. Sin pu le m ga puu tipuur tii binib mɔmɔk; sin pu le nwiihn ga dan ŋinibol mɔmɔk pu.

Aisaya 45:23

Maah puu tipuur ti na gbii, kaan kpeln daalbaadaal. M sil puu mbaa pu ke: Unibɔn mɔmɔk ga dan nan gbaan nnimbiin ni, ki puu ke waan nyan mpuwɔb daalbaadaal.

Aisaya 49:6

Uwumbɔr bui ke, “M kpa lituln li pɔɔ na ke sin maatutunn tun. Naa ye ke aa giin Israel yaab bi ŋmar na aapɔɔn tii bi baanja, m ga cha aa li ye ŋitimbol mɔmɔk aawiihn ki tii dulnyaa aanib mɔmɔk nsan ke bi ŋmar.”

Aisaya 65:16

Unii umɔk bi kitiŋ ngbaan pu na yaa ban tinyoor kan, u ga cha Uwumbɔr u ŋani waah len pu na le ŋa tinyoor ŋa u pu. Umɔk ban u puu tipuur na ga di Uwumbɔr u ŋani waah len pu na aayimbil le puu tipuur. N‑yoonn mu jer na aabɔbir mɔmɔk ga kuln.”

Jeremia 16:19

Uwumbɔr, sin le kii mi ki tii mi mpɔɔn; aa ter mi tibɔr aayoonn. Ŋitimbol ga nya kitiŋ aanaanmɔk ki nan bui ke, “Tiyaajatiib nan kpa ŋiwaa baanja la, bi nan kpa ŋiwaa ŋi bi fam na baanja la.

Jeremia 18:8

aan litimbol ngbaan yaa yii laatunwanbir kan, maan ki kuln li ke maah bui ke m ga ŋa li pu na.

Jeremia 3:17

N‑yoonn ngbaan yaa nan fuu ni kan, bi ga li gur yin Jerusalem ke ‘Uwumbɔr Aabɔrjal’ la, le ŋitimbol mɔmɔk ga kuun nima ki doon mi. Baan ki ŋa bisui i bir ki kpa maaŋuntafal na aah mɔk bi ke bi ŋa pu na.

Jeremia 4:2

ni ga ŋmaa puu tipuur maayimbil pu. Le ŋitimbol mɔmɔk ga bui mi ke m ŋa maanyoor ŋa bi pu, ki ga pak mi.”

Jeremia 5:2

Ni bui ke ni dooni Uwumbɔr la, le nisui aa joo kina.

Jeremia 5:7

Le Uwumbɔr baa ke, “Ni ga ŋa kinye aan m di maanib aatunwanbir cha pinn bi? Bi yii mi ki siir cha mi, le ki dooni ŋiwaa. M kpiin maanib le bi jin ti bab, le ki tee fii ti tun kidagook aatuln le ki chuun dii bipiib bi joo bibaa kooh na.

Jeremia 6:16

Uwumbɔr bui waanib ke, “Sil isayakr ki li lik man. Baa ki bee man n‑yaayoonn na aasanbim ni nsanyaan na aah nan bi nin chee na. Li chuun mu pu man, ki kan lifuur.” Le bi bui ke, “Ayii, taan ŋa kina.”

Sefania 1:5

M ga kuln unii umɔk joi ŋidichal aapaacham ki ti dooni nwiin, ni uŋmal, ni iŋmabi na. M ga kuln binib bi mɔmɔk dooni mi ki bui ke bi ga kii maamɔb, ki tee puur liwaal li bi yin li ke Milkom na.

Sekaria 1:6

M nan cha maatutum bi ye bibɔnabr na tii niyaajatiib ikaal ni nsurm, le bi yii i, le ki jin falaa i pu. Le bi bee ke bi tun taani, ki bee ke min, Uwumbɔr Mpɔɔnsakpiindaan le daa bitafal ke maah nan puu ke m ga ŋa pu na, ki ŋeer baah tun pu na.’”

Sekaria 2:11

N‑yoonn ngbaan kan, ŋitimbol pam ga dan Uwumbɔr chee, ki nan kpaln waanib. U ga nan li koo ni chee, le ni ga bee ke uma le tun ni mi.

Rom Yaab 11:17

Uwumbɔr nan gaa gii busunyaan aabon ibaa, le ki di timoor ni aasub aabon ki di toŋ bu pu. Juu yaab bi ke busunyaan na la. Nimi bi kaa ye Juu yaab na bi ke timoor ni aasub aabon na. Le Uwumbɔr chuu nyan ni binib bibaa Juu yaab ponn ni, ki di nimi koon Juu yaab ponn ni, ke ni yakr baanyoor, ni baawanyaan.

Rom Yaab 14:11

Ni ŋmee Uwumbɔr Aagbaŋ ni ke uma Uwumbɔr len ke, “Ni ye mbamɔn, binib mɔmɔk ga dan nan gbaan nnimbiin ni, ki pak mi, ke min le ye Uwumbɔr.”

1 Korenti 3:9

Ba pu? ti ni Uwumbɔr kpaan le ki tun lituln. Ni bi le ke Uwumbɔr aasaak na. Ni bi le ke Uwumbɔr aadiik na.

Josua 23:7

nima kan, naan di nibaa ŋmal biniyayam bi gur ki bi ni chee na ni, ki mu taa yin baawaa aayimbil, ki taa di ŋaayimbil puu tipuur, ki taa doon ŋiwaa ngbaan kpala, ki taa gbaan ŋinimbiin ni.

Ruf Aagbaŋ 3:13

Li dɔ do aan kitaak woln; kichakpiik ni kan, ti lik ke u ga gaa si ki li kpiini ki lik si aan waan gaa si. U yaa kii kan, ni ŋan; u yaa yii kan, m puu Uwumbɔr u bi n‑yoonn mɔmɔk na ke m ga gaa si ki li kpiini ki lik si. Kina pu na, li dɔ do aan ni woln.”