Jeremia 12:15 - Uwumbɔr aagbaŋ

¹⁵ M yaa nyan bi buen kan, m ga san bi kinimbaak; m ga giin ni linibol mɔk nan kaan laatiŋ ni, laatiŋ pu.

Jeremia 12:15 ပူးပေါင်းရင်းမြစ်များ

Jeremia 16:15

Bi ga li gur puur m pu, ke Uwumbɔr u bi, ki nyan ni Israel aanib ŋŋangan wɔb aatiŋ ni, ni ntim mu mɔmɔk ni m nan cha bi yaa ki ti bi mu ni na la. M ga giin ni bi baatiŋ pu, kitiŋ ki m nan di tii biyaajatiib na pu. Min Uwumbɔr le len kina.”

Jeremia 24:6

M ga li bi bi chee ki ki giin ni bi kitiŋ kee pu. M ga maa bi kaan, kaan ber bi; m ga di bi ŋum, kaan ki daa ŋɔb bi.

Jeremia 29:14

Een, m bui ke, ni ga kan mi, le m ga giin ni nimi nido aatiŋ pu. M ga kuun ni nimi litimbol mɔk ni, ni nimɔk m cha ni yaa ki bi na, le m ga giin ni nimi kitiŋ ki pu m nan nyan nimi di buen tinaagbiir ni na. Min Uwumbɔr le len kina.’

Jeremia 3:12

U nan bui mi ke m buen ki ti bui Israel yaab ke, “Israel yaab bi nyan mpuwɔb na, gir ni m chee man. M ye unimbaasaln la, le maaŋuul aan fii; maaŋuul aan fii ni pu ki ti saa n‑yoonn mu kaa kpa ndoon na.

Jeremia 3:17

N‑yoonn ngbaan yaa nan fuu ni kan, bi ga li gur yin Jerusalem ke ‘Uwumbɔr Aabɔrjal’ la, le ŋitimbol mɔmɔk ga kuun nima ki doon mi. Baan ki ŋa bisui i bir ki kpa maaŋuntafal na aah mɔk bi ke bi ŋa pu na.

Jeremia 4:2

ni ga ŋmaa puu tipuur maayimbil pu. Le ŋitimbol mɔmɔk ga bui mi ke m ŋa maanyoor ŋa bi pu, ki ga pak mi.”

Jeremia 48:47

N‑yoonn mu choo na, Uwumbɔr ga nan ki tii Moab nkam. Uwumbɔr aah len ke tiwan ni mɔmɔk ga ŋa Moab aatiŋ na le na.

Jeremia 49:39

Puwɔb na, m ga nan ki cha Elam aanib kan nkam. Min Uwumbɔr le len kina.”

Jeremia 49:6

“Tɔ, m ga nan ki cha Amonn aanib kan nkam. Min Uwumbɔr le len kina.”

Daniel 11:4

Buyoonn waapɔɔn ti moo nyaŋ na, le waanaan ga bii ki yakr nfum munaa pu. Bibɔrb bi ga ji nnaan waanaan ni na aan li ye waamaal ni aanib, bi mu aan li kpa mpɔɔn mu u nan kpa na.

Amos 9:14

Le m ga giin ni maanib baatiŋ ni, le bi ga ki gir maa baatim mu nan ber doo na ki koo mu ni. Bi ga ŋum ndaan aasubil aasui ki nyu ŋaadaan, ki ga ko ikpaakon ki ji yaajikaar.

Nkahm 32:18

Taan gir kun ni tido see Israel yaab biken gaa kitiŋ ki bi di tii bi na.

Lituln 15:16

‘Uwumbɔr len ke: Ubɔr David aanaan aah lir na, m ga gir ni aan ki nan fiin waanaan ngbaan. M ga ŋa mu nnaanpɔm, ki cha mu sil mbamɔm.

Ikaal 3:20

Ni buen ti ter niŋeen aatɔtiib Israel yaab biken, aan bi mu gaa kitiŋ ki Uwumbɔr ga di tii bi, Jɔɔdann Aamɔɔl aadapuul, liwilir wɔb na, ki ti saa buyoonn Uwumbɔr ga tii bi nsuudoon ke waah tii nimi do pu na. Nee aapuwɔb, ni ga ŋmaa gir kun ni kitiŋ ki m di tii nimi na ni.’

Ikaal 30:3

Nidindaan Uwumbɔr ga san nimi kinimbaak. U ga ki nyan ni nimi ŋinibol ngbaan aatim mu ni u nan cha ni yaa buen na, ki giin ni nimi, nimi aatiŋ ni, ki tii nimi liwangol.