Jeremia 12:11 - Uwumbɔr aagbaŋ

¹¹ Bi cha ki kpaln kipɔɔk la; ki gur dɔ nkuun la. Kitiŋ ngbaan mɔmɔk kpaln nteersakpiin, le ubaa aatafal aa ki bi ki ponn ni.

Jeremia 12:11 ပူးပေါင်းရင်းမြစ်များ

Ulandaan 7:2

Aa yaa buen lidichal li ponn ni bi wii ikpowiil na kan, ni soor ni ke aa buen li ponn ni binib bi ji njim na, ba pu? ni ŋan ke umɔfadaan mɔk li nyi ke nkun dɔ kiir ti mɔmɔk la.

Aisaya 42:25

Kina pu le u cha ti kan waaŋuul aah pɔɔ pu na, ki cha ti jin butɔb aafalaa. Waaŋuul wu ke mmii na le Israel aatim ni, le taa nan bee tiwan ni bi ŋani na; taa nan bae nibaa ni ponn ni.

Aisaya 57:1

Bininyaam kpoi, le ubaa aa ŋmaa bee naah ŋa pu aan bi kpoi na, le naa ti ki muk unii ubaa. Unii ubaa aa bee ke Uwumbɔr le nya bininyaam dulnyaa wee ni ke bi taa ki ji falaa.

Jeremia 10:22

Li pel man. Tibɔchann fuu ni a. Kinikpakpak sakpeŋ fii ŋŋangan wɔb aatimbol ni; laajab ga cha Juda aatim mɔmɔk kpaln nteersakpiin nin chee ikakal koo na.”

Jeremia 10:25

Di saaŋuul toŋ ŋitimbol ŋi kaa dooni si na, ni binib bi yii si na wɔb. Bi ku saanib, bi kuln timi pel pel, le ki cha timi aatiŋ kpaln ŋilangben.

Jeremia 14:2

“Juda aatiŋ bi wii ikpowiil la; kaatim bi kpo la, kaanib dɔ kitiŋ mpombiin pu la, le Jerusalem wii ki ban nterm.

Jeremia 19:8

Maah ga joo ni tibɔbir ti nan lii do na ga ŋa unii umɔk jer do na lijinjiir ni iwaan.

Jeremia 23:10

Binib bi kaa kii Uwumbɔr aamɔb na le gbii kitiŋ kee pu; baabimbin aa ŋan, le bi joo baapɔɔn tun ŋitun ŋi kaa ŋan na. Uwumbɔr aah puun lii kitiŋ pu na, le ki wii ikpowiil, le tiwakor aamoŋmɔpaan kuur.

Jeremia 25:11

Kitiŋ kee mɔmɔk ga kpaln tilangbenn le ki li kpa ijawaan, le kaanib ni ŋitimbol ŋi bi gbɔk na ga li tun tii Babiloŋ aabɔr ki ti saa ŋibin imonko itaa ni kipiik.

Jeremia 4:20

Libiil libaa dii liken la; kitiŋ ngbaan mɔmɔk ber doo a. Libuul ni le bi bii timi aadir doo; le ki gbaa wiil ti mɔmɔk.

Jeremia 4:27

Tɔ, Uwumbɔr nan bui ke kitiŋ kee mɔmɔk ga kpaln nteersakpiin la, u mu aan tee bii ki doo.

Jeremia 4:28

Kitiŋ ga wii ikpowiil, le kitaapaak bɔnn timm. Uwumbɔr le len, kaan kpeln waalandak. U siin waah ga ŋa pu na, kaan ki fenn upuwɔb.

Jeremia 6:8

Jerusalem aanib, cha tibɔbir timina li ye nsurm ki tii nimi, naa ye kina kan, m ga di nimi lii, m ga cha nimi aatiŋ kpaln nteersakpiin, nin chee ubaa aa koo na.”

Jeremia 9:10

Le m bui ke, “M ga wii ŋijoo aakpowiil ki wii tiwakor aamoŋmɔpaan aah kuur pu aan ubaa aa chuun nima chee pu na aakpowiil. Inaa aawiil ŋmin chii; inyoon ni ipeel fii ki san buen a.”

Jeremia 9:11

Le Uwumbɔr bui ke, “M ga cha Jerusalem kpaln ŋilangbentakpal, nin chee iŋɔk koo na; Juda aatim ga kpaln nteersakpiin, nin chee ubaa aa koo na.”

Jeremia 9:9

M taa daa bitafal nima pu uu? M taa teen kina aatimbol aa? Min Uwumbɔr le len kina.”

Joel 1:10

Nibaa aa bi ikpaakon ponn ni; le kitiŋ wii ikpowiil, ba pu? njikaabim mɔmɔk bii doo a, ŋisubil mɔmɔk kuur ki bii, le olif aakpan aasui yak doo.

Liifai Yaab 26:32

M ga bii nimi aatim, kina pu na, nimi aadim bi ga gaa mu na aasui ga gar maah ga ŋa mu pu na.

Sekaria 7:5

U nan bui ke, “Bui kitiŋ ngbaan aanib ni bitotoorb ngbaan ke baah nan lulni bumɔb ki wii ikpowiil ŋmaŋmu ni ŋmalole ni ŋibin imonko itaa ni kipiik ŋi jer na, naa nan ye maanyuŋ pu le bi nan ŋani kina.

Malakai 2:2

Ni li nyuŋni mi nimi aatun mɔmɔk ni. Ni yaa kaa pel maah len pu na kan, m ga puun lii ni pu. M ga puun lii baah tii nimi tiwan ni na pu. Mbamɔn, naah kaa joo maakaal mbamɔm pu na, m puen puun lii ni pu a.

Rom Yaab 8:22

Ti nyi ke Uwumbɔr aah naan tiwan nimɔk na wu ke imalween aah wu pu na, ki du ki nan saa dandana.