Jeremia 12:1 - Uwumbɔr aagbaŋ

¹ “Uwumbɔr, m yaa ban m ni sin kpak tibɔr pu kan, aa ga li kpa mbamɔn. Tɔ, m mu tee ga baa si ibamɔn aabɔr tibaa pu. Ni ŋa kinye aan bibiindam kani liwangol? Ni ŋa kinye aan beebeedam nya tibɔr ni n‑yoonn mɔmɔk?

Jeremia 12:1 ပူးပေါင်းရင်းမြစ်များ

Mpiin 18:25

Mbamɔn, saan kpaan ki ku bininyaam ni titunwanbirdam kina. Sin Uwumbɔr aa kee ŋa kina, kaan kii ŋa kina mu. Aa yaa ŋa kina kan, bininyaam mu ga ji falaa titunwanbirdam chee. Saan kii ki ŋa kina. Sin Uwumbɔr u ye dulnyaa wee mɔmɔk aabɔjir na ga sil ŋa tiwan mɔmɔk ibamɔn ponn ni.”

Esra 9:15

Uwumbɔr, Israel yaab Aadindaan, aa ye ubamɔndaan la, le ki tee cha ti ŋmar. Ti kpiir timi aataani tuk si; taa kpa nsan ke ti dan nan sil aanimbiin ni.”

Nehemia 9:33

Saah daa timi aatafal pu na, aa kpa mbamɔn; ti tun titunwanbir, le sin ma ŋani saah len pu na kaa joo cha.

Job Aagbaŋ 12:6

Tɔ, binaayukb ni binib bi kaa nyi Uwumbɔr na bi nsuudoon ni, bi bui ke Uwumbɔr bi biŋaal ni.

Job Aagbaŋ 13:3

Tɔ, m ni Uwumbɔr le kpa tibɔr, naa ye nimi; m ban m ni uma le kpak tɔb.

Job Aagbaŋ 24:12

Ntim ponn ni le binib bi kan titotonn na, ni binib bi bi kpoi na wii, le Uwumbɔr aa gaal baameel.

Job Aagbaŋ 24:23

Uwumbɔr ga ŋmaa tii u ŋŋmarm, le ki tee lik u n‑yoonn mɔmɔk.

Job Aagbaŋ 8:17

Taanyaan fen joo ŋitakpal, le ki bub joo litakpal mɔk kin kin.

Ilahn 116:5

Uwumbɔr san kinimbaak le ki kpa tiŋann; timi Aawumbɔr ye unimbaasaln la.

Ilahn 119:137

Uwumbɔr, saabimbin ŋan la, le saakaal si chob.

Ilahn 119:75

Uwumbɔr, m nyi ke saakaal ŋan, ki nyi ke saabamɔn pu le aa daa ntafal.

Ilahn 145:17

Uwumbɔr aah tun pu na mɔmɔk ŋan, u san kinimbaak waatuln mɔmɔk ni.

Ilahn 37:1

Taa cha bibiindam aabɔr muk si; taa li kpa lipiipoln binib bi tun taani na pu.

Ilahn 37:35

M nan nyi ubiindaan ubaa, le u nan kpa mbiin ni ti nyaŋ; u nan ti jer binib mɔmɔk pu ke Lebanonn aasui i fɔk sakpen na la;

Ilahn 51:4

M tun si titunwanbir, sin baanja le m tun titunwanbir, ki ŋani tiwan ni ye aa chee tibir na, kina pu na, aa yaa jin mi tibɔr kan, ni ŋan, aa kpa mbamɔn ke aa bui ke maabɔr bii.

Ilahn 51:6

Saah ban pu na le ye mbimbinyaan, ni ibamɔn; di saalan gbiin mi.

Ilahn 92:7

Bibiindam ga ŋmaa muun ke timoor na, binib bi tun taani na ga ŋmaa kan tinyoor, tɔ, liwinbaal le bi ga nan kuln kookoo,

Ŋiyataŋak 1:32

Bijɔrb aah yii nlan na le cha bi kpoi. Bijɔrb aah yii, kaan ŋun pu na le ku bi.

Ulandaan 8:14

Tɔ, nimina aa kpa tataa. Lik tiwan ni ŋani dulnyaa ni na: binib bibaa aabimbin ŋan, le bi kani bibiindam aatafadaan; le bibiindam bibaa mu kani binib bi aabimbin ŋan na aapar. Le m bui ke ni ye fam la.

Aisaya 41:21

Uwumbɔr u ye Israel yaab aabɔrkpaan na kpa tibɔr timina u len: “Nimi ŋitimbol ngbaan aawaa, li joo ni man nimi aabɔr. Li joo ni man nimi aanikpakpak ki ni dak ke ki ŋan na.

Aisaya 48:8

M nan nyi ke naa ye binib bi unii ga gaa nimi ki kii na, ke unii mɔk nyi ni pu, ke ni ye binib bi kaa kii tii biken na la. Kina pu le naa ŋun kina aabɔr, nima le cha nitafal aa cheen kina aabɔr daalbaadaal.

Jeremia 11:20

Le m mee limeel ke, “Uwumbɔr Mpɔɔnsakpiindaan, aa ji binib tibɔr ibamɔn pu la; aa tɔŋni binib aalandak ni bisui. M di maabɔr ŋa aaŋaal ni, kina pu na, m ga li ka le ki lik saah ga teen binib ngbaan pu na.”

Jeremia 12:6

Hali aana aabim bi ye saadichal ni aanib na, le di si ti bii; bi kpee binib bi tak si na pu a. Bi ga li len aa chee kijɔtiik aabɔr, aa mu taa kii tii bi.”

Jeremia 3:20

Le ni bi ke upii u nyan uchal aapuwɔb na, le ni mu nyan mpuwɔb kina. Min Uwumbɔr le len kina.”

Jeremia 3:7

M nan dak ke bi yaa ŋa nimina mɔmɔk kan, bi ga ki gir ni m chee. Le bi yii, kaa gir ni, le bina aabitiib Juda yaab bi kaa kpa gaakii na kan ni mɔmɔk.

Jeremia 32:16

Maah di tigbann ngbaan tii Baruk ti doo na, le m mee limeel ke,

Jeremia 5:11

Israel ni Juda aanib nyan mpuwɔb la. Min Uwumbɔr le len kina.”

Jeremia 9:2

M yaa ba kan nkakaayaan nteersakpiin ni kan, m ba ga fii buen nima ki cha maanib. Baa dii Uwumbɔr, bi mɔmɔk nyan upuwɔb la.

Inandalahn 1:18

Tɔ, Uwumbɔr kpa mbamɔn, min le yii waamɔb. Ŋipepel mɔmɔk aanib, li pel m chee man, lik maah bi iween i ponn ni na man. Bi chur maanachipɔm ni bipiisapɔm tinaagbiir.

Esekiel 18:25

“Tɔ, le ni len ke, ‘Uwumbɔr aah ŋani pu na aa ŋan.’ Nimi Israel yaab, li pel man. Ni dak ke maah ŋani pu na aa ŋan la aa? Nimi aawanŋar le aa ŋan.

Daniel 9:14

Tidindaan Uwumbɔr, sin le nyan sil ke aa daa timi aatafal, ki mu sil ŋa kina; ba pu? aa ŋani tiwan ni ŋan na n‑yoonn mɔmɔk, le ti yii kaa ŋun tii si.

Daniel 9:7

Ndindaan, aa ŋani tiwan ni ŋan na n‑yoonn mɔmɔk, le tima joo ni inimɔɔn nan tii tibaa n‑yoonn mɔmɔk. Nimina ye mbamɔn ki tii timi bi bi Judea ni Jerusalem aatiŋ ni na, ni Israel yaab bi aa cha bi yaa ki bi ntim mu bi dandar na, ni mu duun na ni na, ke baa dii si mbamɔm.

Hosea 6:7

“Tɔ, baah ti kpaan koo kitiŋ ngbaan ni na, le bi bii tipuur ti m ni bima nan puu tii tɔb na, ke Adam aah nan bii pu na.

Habakuk 1:4

Nkaal aa kpa mpɔɔn, le ki bee fam, kina pu na, ibamɔn aa bi. Titunwanbirdam nyaŋ binib bi aabimbin ŋan na, le ki laŋ ibamɔn pu.

Sefania 3:5

Tɔ, Uwumbɔr mu tee beenin bi kitiŋ ngbaan ponn ni; u ŋani tiwan ni ŋan na n‑yoonn mɔmɔk, kaa ŋani tiwan ni kaa ŋan na kpala. U cha ibamɔn bi waanib chee kichakpiik mɔmɔk ni, le kaa yiil. Le binib bi bi nima chee aan baabimbin aa ŋan na tun taani, kaa san inimɔɔn.

Malakai 2:17

Ni cha Uwumbɔr ti kpaan bak naah len tibɔr pu na pu. Tɔ, le ni baa ke, “Ti ŋa kinye ki tii u tibakr?” Naah len tibɔr pu na, le ni tii u tibakr; ba pu? ni len ke “Uwumbɔr Mpɔɔnsakpiindaan dak ke titunwanbirdam mɔmɔk ŋan le na; ke mbamɔn, u gee bi la,” ki ki len ke, “Uwumbɔr u tii binib ibamɔn na bi la chee?”

Malakai 3:15

Taah nyi pu na le ye ke bigaadam le kpa mpopiin. Titunwanbirdam kani tinyoor, le ki joo titunwanbir tɔŋni Uwumbɔr ke bi lik ke u kpa limɔr aan waa kpa, le nibaa aa ŋani bi.’”

Ikaal 32:4

Uwumbɔr u ye mpɔɔnsakpiindaan na le ye saakikiir, u bi chob, ki ŋani waawan mɔmɔk mbamɔm. U ŋani ni ŋan na, kaa kpa imaagann.