Jeremia 11:8 - Uwumbɔr aagbaŋ

⁸ Le bi nan yii, kaa pel, kaa ki kii maamɔb mu. Bi mɔmɔk nan yii, ki beenin kpa tafalaaŋun, ki tun titunwanbir cha. M nan bui bi ke bi li joo tipuur ti m puu tii bi na, le bi yii. Kina pu le m nan cha ntafadaan mu bi tipuur ngbaan ni na dan bi pu.”

Jeremia 11:8 ပူးပေါင်းရင်းမြစ်များ

Nehemia 9:26

Le saanib nan yii saamɔb, kaa kii tii si; bi nan fenn bipuwɔb tii saakaal, ki nan ku saabɔnabtiib bi nan sak bi ki bui bi ke bi gir ni aa chee na. N‑yoonn n‑yoonn bi nan seei si;

Nehemia 9:29

Aa nan sur bi ke bi kii saah mɔk bi pu na, le bi di kigaak ŋmeen ki yii saakaal; le unii aah ga ŋa pu ki li kpa limɔfal na, le ye ke u li joo saakaal ngbaan. Bi nan di n‑yipɔɔn ki yaar biyil gar gar, ki yii kaa kii saamɔb.

Jeremia 13:10

Titunwanbirdam ngbaan yii kaa kii maamɔb. Bi beenin kpa mbiin ni tafalaaŋun ke baah nan bi pu na la, le ki dooni ŋiwaa, ki tun tii ŋi. Kina pu na, bi ga ŋa ke lichutageln lee aah kaa ki li bi tibaa ni pu na.

Jeremia 3:17

N‑yoonn ngbaan yaa nan fuu ni kan, bi ga li gur yin Jerusalem ke ‘Uwumbɔr Aabɔrjal’ la, le ŋitimbol mɔmɔk ga kuun nima ki doon mi. Baan ki ŋa bisui i bir ki kpa maaŋuntafal na aah mɔk bi ke bi ŋa pu na.

Jeremia 31:32

Taan le bi ke tipuukpok ti m nan puu tii biyaajatiib, buyoonn m nan chuu biŋaal ki daar nyan bi, ki cheen bi nyan Ijipt aatiŋ ni na. M nan bi ke chal na le ki tii bi, bi mu aa nan joo tipuur ngbaan.

Jeremia 32:23

Baah nan koo ni kitiŋ kee pu ki gaa ki na, bi nan yii saah nan bui bi ke bi li bi pu na, kaa nan bi saah mɔk bi ke bi li bi pu na. Baa nan ŋa saah bui bi pu na tiwan nibaa, kina pu le aa joo ni tibɔbir tee mɔmɔk nan lii bi pu.

Jeremia 34:14

M bui bi ke libilolole mɔk ni kan, bi di baanaagbiib bi ye Israel yaab ki tun ŋibin ŋiloob tii bi na lii. Le niyaajatiib aa nan ŋun tii mi, kaa nan pel maah len pu na.

Jeremia 35:15

M beenin tun ni maatutum bi ye bibɔnabr na ni chee, le bi tuk nimi ke ni di cha nimi aabimbin mu kaa ŋan na, ki tun ni ŋan na. Bi sak nimi ke ni taa tun tii ŋiwaa, ki taa dooni ŋi, aan ki li beenin bi kitiŋ ki m nan di tii niyaajatiib na pu. Le naan ŋun tii mi, kaa pel m chee kpala.

Jeremia 35:17

Kina pu na, min Uwumbɔr Mpɔɔnsakpiindaan u ye Israel yaab Aawumbɔr na ga cha libiil li m puu ke li ga dan na, dan nimi Juda ni Jerusalem aanib pu. Maah len ni chee aan naa pel, ki yin nimi aan naa kii na, le ga cha m ŋa kina.”

Jeremia 38:20

Le m bui u ke, “Baan di si tii bi. M gaŋ si ke aa kii Uwumbɔr aabɔr, ki cha kinyaan dan aa chee, le aa ŋmar.

Jeremia 44:16

“Taan kii saah di Uwumbɔr aayimbil tuk timi tibɔr ti na.

Jeremia 44:17

Ti ga ŋa tiwan ni mɔmɔk ti bui ke ti ŋa na. Ti ga toor kitork tii timi aawaapii, u ye Paacham Aapiibɔr na, ki ga tii u ndaan aapiin, ke timi, ni tiyaajatiib, ni timi aabɔr, ni timi aasalolm aah nan ŋani pu Juda aatim ni, ni Jerusalem aatiŋ ponn ni pu na. N‑yoonn ngbaan ti nan kpa tijikaar sakpen, ki nan kpa liwangol, kaa kpa tibɔr tibaa.

Jeremia 44:5

Le ni yii, kaa pel, kaa ŋun tii mi. Naa di cha titunwanbir ti ni tun ke ni toor ŋiwaa na.

Jeremia 7:13

Ni tun titunwanbir tee mɔmɔk, le m tuk nimi, ki ki gir bui nimi, le ni yii, kaan pel. Buyoonn m yin nimi na le ni yii, kaan kii.

Jeremia 7:24

Le baa kii maamɔb, kaa kpa ntafaŋum mu, le ki tee tun baamaaŋuntafal ni baatunwanbir aasui ngbaan aah bui bi pu na, le ki moo bii cha.

Jeremia 7:26

Le ubaa aa kpa ntafaŋum. Ni labr kpa tafalaaŋun ki tun titunwanbir ki jer niyaajatiib.

Esekiel 20:8

Tɔ, bi nan lik mi fam ki yii; baan ŋun tii mi. Baa nan di ŋiwaa ŋi sukr ponn ni na ngbaan mee, kaa di cha Ijipt yaab aawaa na mu. Ijipt aatiŋ ni, le m nan gor ke m cha bi bee maaŋuul aah pɔɔ pu na.

Sekaria 1:4

Ni taa li bi ke niyaajatiib na. N‑yaayoonn na le bibɔnabr nan di maabɔr tuk bi, ki tuk bi ke bi taa ki tun titunwanbir, ki taa ki li bi kinimbɔŋ aabimbin ni. Le baa ŋun tii mi, kaa kii maamɔb mu.

Sekaria 7:11

“Le maanib di tafalaaŋun yii, kaa ŋun tii mi. Bi nan kpaa bitafal,