Jeremia 11:5 - Uwumbɔr aagbaŋ

⁵ Le m ga li joo tipuur ti m nan puu tii biyaajatiib, ke m ga tii bi kitiŋ ki kpa tiwakor aamoŋmɔpaan ni ŋisubil sakpen na, aan bi kpa ki dandana wee na.” Le m bui ke, “Een, Uwumbɔr.”

Jeremia 11:5 ပူးပေါင်းရင်းမြစ်များ

2 Bibɔrb Aabɔr 6:17

Kina pu na, Israel yaab Aadindaan Uwumbɔr, cha saah nan puu pu tii saatutunn David na mɔmɔk gbiin kina.

Ilahn 105:8

U ga li joo waah puu tipuur ti na ki ti saa n‑yoonn mu kaa kpa ndoon na.

Nnyam 13:5

Uwumbɔr nan puu tipuur tii niyaajatiib ke u ga di kitiŋ ki ye Kanaann yaab, ni Hef yaab, ni Amor yaab, ni Hif yaab, ni Jebus yaab aatiŋ na ki di tii nimi la. U yaa nyan nimi ki joo nimi ti fuu kitiŋ ngbaan ki kpa tiwakor aamoŋmɔpaan ni ŋisubil sakpen na ni na kan, ni pɔɔ nibaa ki li toor Lakr‑jer aajim ngbaan, njan aaŋmal libiln mɔk ni.

Jeremia 19:12

M puu ke m ga ŋa kitiŋ kee, ni kaanib ke Tofef do na.

Jeremia 28:6

“Mbamɔn, Uwumbɔr ba sil ŋa kina kan, ni ba ŋan. Saabɔkpiirkaan tee ba ga sil gbiin ke u nyan ni Babiloŋ aatiŋ ni, Waadichal ni aawangol ni binib bi mɔmɔk bi tinaagbiir ni nima na kan, m ba ga li gee kina sakpen.

Jeremia 32:22

Aa nan tii bi kitiŋ kimina, kitiŋ ki nyuun ki kpa liwangol na, ke saah nan puu tii biyaajatiib pu na.

Liifai Yaab 20:24

M puu ke m ga di kitiŋ ki kpa tiwakor aamoŋmɔpaan ni ŋisubil sakpen na tii nimi ki li ye nimi yaan, le m ga sil di ki tii nimi. Min le ye Nidindaan Uwumbɔr, le ki nyan nimi nibaa ŋinibol mɔmɔk ni.

Matiu 6:13

Taa cha ti kan ntɔŋ. Nyan timi kinimbɔŋ aaŋaal ni. [Si le yeh nnaan, ni mpɔɔn, ni mpakm n‑yoonn mu kaa kpa ndoon na.’]

1 Korenti 14:16

Aa yaa doon Uwumbɔr, Waafuur Nyaan aah cha aa doon u pu na kan, unii yaa bi nikaasisik ni, kaa nyi Uwumbɔr aasan kan, u ga ŋa kinye ki len ke saah doon Uwumbɔr pu na ye mbamɔn; ba pu? waa ŋun saah len pu na.

Ikaal 6:3

Nimi Israel yaab, li pel maah ban m di i mɔk nimi pu na, ki li joo i mbamɔm. Le tiwan mɔmɔk ga li ŋan tii nimi, le ni ga ŋa litimbokpaan, ki li koo kitiŋ ki kpa tiwakor aamoŋmɔpaan ni ŋisubil sakpen na ni, ke Uwumbɔr u ye tiyaajatiib Aawumbɔr na aah nan puu pu na.