Jeremia 11:4 - Uwumbɔr aagbaŋ

⁴ Ti ye tipuur ti m nan puu tii biyaajatiib, buyoonn m nan nyan ni bi Ijipt aatiŋ ki nan bi ke mmii sakpiin ki tii bi na ni. M nan bui bi ke bi kii maamɔb ki li tun maah bui bi pu na mɔmɔk. M nan bui bi ke bi yaa keei maamɔb kan, bi ga li ye maanib, le m li ye Baawumbɔr.

Jeremia 11:4 ပူးပေါင်းရင်းမြစ်များ

Mpiin 17:8

M ga di kitiŋ ki aa ye uwɔwɔnja ki pu na tii si ni aayaabitiib. Kanaann aatiŋ kee mɔmɔk ga li ye aa ni aayaabitiib yaan, le ki cha n‑yoonn mu kaa kpa ndoon na, le m ga li ye Baawumbɔr.”

1 Bibɔrb 8:51

Bi ye aabaa aanib bi aa nyan ni bi mmii sakpiin mu ye Ijipt aatiŋ na ni la.

2 Bibɔrb 18:6

U nan tii Uwumbɔr naadii le kaa kee yii umɔb daalbaadaal, le ki nan tee joo ikaal i Uwumbɔr nan di tii ni Moses na mbamɔm.

Nnyam 20:6

ki ga li gee binib churbakaa bi mu gee mi ki kii tii maakaal na.

Aisaya 30:6

Uwumbɔr aah len tiwakor ti bi nteersakpiin ngbaan ni na aabɔr ti na sɔ: “Juda aaninkpiib ngbaan chuun isan i kpa tibɔbir na pu, ni nin chee ichinn koo na, ni nin chee iwaa i bir na bi na, ni nin chee tipeewanbir ti fii paacham na koo na. Bi di ipiin i kpa kidaak na buu baabon, ni laakumii mam pu, bi ti tii litimbol li kaan ŋmaa tii bi nterm mubaa na.

Aisaya 48:10

M tɔŋ nimi falaa aamii ni, ke baah pu tikunabr mmii ni pu na, le ki kan ke naa kpa tinyoor tibaa.

Jeremia 11:7

Maah nan nyan ni biyaajatiib Ijipt aatiŋ ni na, m nan sak bi mbamɔm ke bi kii maamɔb, le ki beenin sakr bi ki nan saa din wee.

Jeremia 24:7

M ga tii bi lineen li ga cha bi bee ke min le ye Uwumbɔr na. Baah ga gir ni m chee ni bisui mɔmɔk pu na, le ga cha bi li ye maanib, le m mu ga li ye Baawumbɔr.

Jeremia 26:13

Ni kpeln mbimbin mu ni bi mu ni na, ni tiwan ni ni ŋani na, ki kii Nidindaan Uwumbɔr aamɔb. Ni yaa ŋa kina kan, u ga kpeln waalandak ki taa ki cha libiil li u bui ke u ga joo ni ni pu na dan.

Jeremia 32:28

M ban m di kitiŋ kimina tii Babiloŋ Aabɔr Nebukadnesar ni waajab la; bi ga nyaŋ ki,

Jeremia 38:20

Le m bui u ke, “Baan di si tii bi. M gaŋ si ke aa kii Uwumbɔr aabɔr, ki cha kinyaan dan aa chee, le aa ŋmar.

Esekiel 11:20

Le bi ga li joo maakaal, ki li ŋani maah bui bi pu na mbamɔm. Bi ga li ye maanib, le m mu ga li ye Baawumbɔr.

Esekiel 14:11

M ga ŋa kina le Israel yaab taa di mi lii ki di titunwanbir bii bibaa. Bi ga li ye maanib, le m ga li ye Baawumbɔr.” Bidindaan Uwumbɔr le len kina.

Esekiel 36:28

N‑yoonn ngbaan le ni ga koo kitiŋ ki m nan di tii niyaajatiib na ni. Ni ga li ye maanib, le m ye nimi Aawumbɔr.

Esekiel 37:23

Baan ki di ŋiwaa ŋi sukr ponn ni na bii bibaa, kaan di titunwanbir bii baabimbin. M ga gaa bi mbimbin mu mɔmɔk ponn ni bi tun titunwanbir ki nya mpuwɔb na. M ga finn nyan bi tijɔŋ ni; bi ga li ye maanib, le m li ye Baawumbɔr.

Esekiel 37:27

M ga li koo bi chee nima; m ga li ye Baawumbɔr, le bi li ye maanib.

Daniel 3:26

Kina pu na, Nebukadnesar nan buen mmii ngbaan aabuul aajaaleŋ chee ki ti yin ke, “Sadrak, Mesak, Abednego, Uwumbɔr u kaa kpa ŋeen aatɔ na aanaagbiib, nya ni man.” Libuul ngbaan ni, le bi nyan ni.

Liifai Yaab 26:12

M ga li ye nimi Aawumbɔr ki li bi ni chee, le ni li ye maanib.

Liifai Yaab 26:3

“Ni yaa bi maakaal aah mɔk nimi pu na, ki kii maah len pu na mɔmɔk kan,

Sekaria 13:9

Le ligetekr libaa li gur na, m ga tɔŋ bi, ki nyan baajɔŋ, ke baah pu tikunabr mmii ni ki nyani taajɔŋ pu na. M ga tɔŋ bi ke baah tɔŋni salmaa mmii ni pu na. Le bi ga li mee mi, le m ga kii baameel. M ga bui bi ke bi ye maanib la, le bi len bibaa ke min le ye Baawumbɔr.”

Sekaria 6:15

“Bijab ga nyan ni dandar ki nan ter baah ki bi maa Uwumbɔr Aadichal li na. Bi yaa ki gir maa li doo kan, le aa ga bee ke Uwumbɔr Mpɔɔnsakpiindaan le tun ni mi aa chee. Aa yaa kii Aadindaan Uwumbɔr aah len pu na mɔmɔk kan, nimina mɔmɔk ga ŋa.”

Sekaria 8:8

le ki nyan ni bi liwipuul ni liwilir wɔb, bi nan li koo Jerusalem ponn ni. Bi ga li ye maanib, le m mu ga li ye Baawumbɔr, ki joo bi ibamɔn ni, ki cha mbimbinyaan li bi.

Matiu 28:20

ki tuk bi ke bi li keei maah tuk nimi pu na mɔmɔk. Teer man ke m bi ni chee n‑yoonn mɔmɔk, ki nan saa dulnyaa aadoon.”

2 Korenti 6:16

Uwumbɔr aadiik ni ŋiwaa kpaan aa? Naa kpaan. Timi le ye Uwumbɔr u ye limɔfadaan na aadiik. Uma ubaa le nan len ke, “M ga li bi maanib aasui ni, ki chuun bikaasisik ni. M ga li ye Baawumbɔr, bi mu ga li ye maanib.”

Ikaal 11:27

Ni yaa kii, ki joo Nidindaan Uwumbɔr aakaal i m joo tuk nimi din wee na kan, u ga ŋa tinyoor ŋa ni pu.

Ikaal 4:20

Nimi ma kan, uma le nyan nimi Ijipt yaab aamuk ni. U nyan ni nimi ke u di nimi ŋa waanib, ke naah ye waanib din wee pu na.

Ikaal 5:6

‘Min le ye Nidindaan Uwumbɔr u nyan ni nimi Ijipt aatiŋ ni, nin chee ni nan ye binaagbiib na.

Hiibru Yaab 5:9

Nima le cha u ye timi aaŋmaŋmardaan bamɔnn, ki gaa binib bimɔk kii waamɔb na lii n‑yoonn mu kaa kpa ndoon na.

1 Samuel 15:22

Le Samuel bui u ke, “Uwumbɔr tee gee nilani: aa kii waamɔb, bee aa toor kitork tii u? Ni ŋan ke aa kii waamɔb ki jer ke aa di ipiih i ŋan na toor kitork tii u.