Jeremia 11:22 - Uwumbɔr aagbaŋ

²² Le Uwumbɔr Mpɔɔnsakpiindaan bui ke, “M ga daa bitafal. Baanachipɔm ga kpoi butɔb ni, le nkon mu ku baabim.

Jeremia 11:22 ပူးပေါင်းရင်းမြစ်များ

2 Bibɔrb Aabɔr 36:17

Kina pu le Uwumbɔr nan cha Babiloŋ aabɔr buen ti tak bi. Ubɔr ngbaan nan ku Juda aanachipɔm, hali ki ti kpaan ku bibaa Uwumbɔr Aadichal ni. Waa nan san ubaa kinimbaak, waa nan san bi laa diin na, ni bi por na, kaa san uja, bee upii, bee ubun, bee u kpa laafee na kinimbaak. Uwumbɔr di bi mɔmɔk ŋa uŋaal ni.

Jeremia 18:21

Tɔ, Uwumbɔr, cha nkon ku baabim; cha bi kpoi butɔb ni. Cha baapiib lann bichatiib ni baabim; cha iween ku bijab, aan baanachipɔm mu kpoi butɔb ni.

Jeremia 21:14

M ga daa nitafal naah tun pu na pu. M ga see nimi aabɔrchiln mmii, le mmii ngbaan ga wu tiwan ni mɔmɔk duun li na. Min Uwumbɔr le len kina.”

Jeremia 44:13

Maah nan di butɔb, ni nkon, ni iween daa Jerusalem aatiŋ yaab aatafal pu na, kina le m ga daa binib bi mɔmɔk koo Ijipt ni na aatafal.

Jeremia 49:26

Liyaadaal ngbaan kan, bi ga ku kaanachipɔm ki ponn ni, le kaajab mɔmɔk ga doo.

Jeremia 9:21

Nkun dii timi aatakolu mam le ki koo ni timi aabɔrchiln ni; mu gbaa mbim bil kitiŋ ponn ni, ki gbaa binachipɔm bil kinyaŋ ni.

Inandalahn 2:21

Binib bi por na, ni bi kaa por na mɔmɔk kpoi kitiŋ ponn ni la. Bidim aajaak aajum le ku binachipɔm ni bisapɔm mɔmɔk. Saaŋuul aawiin daal le aa kɔr bi mɔmɔk, kaa san bi kinimbaak.

Amos 4:10

“Le m tun ni iween nan lii ni pu ke maah nan di lii Ijipt aatiŋ ni pu na. M nan ku nimi aanachipɔm butɔb ni, ki di nimi aataan mu buen. Le ŋinikpol aanunun gbiin nimɔfataabun ni, ni nimi aakookoo yaan chee. Nee aapuwɔb na, naa di cha nimi aatunwanbir ki gir ni m chee ke m di cha pinn nimi.