Jeremia 11:17 - Uwumbɔr aagbaŋ

¹⁷ “Min Uwumbɔr Mpɔɔnsakpiindaan le nan bun Israel ni Juda yaab; tɔ, n‑yoonn mue ma kan, m ban m joo ni tibɔbir le nan lii bi pu. Baah tun taani pu na le bi joo ni kina nan lii bibaa pu; bi toor kitork tii liwaal Baal, le ki cha maaŋuul fii bi pu.”

Jeremia 11:17 ပူးပေါင်းရင်းမြစ်များ

2 Samuel 7:10

Min le lee nin chee maanib Israel yaab ga kal aan ubaa taa ki muk bi na, le ki di bi kaan nima. Ki nyan bundaal bi koo ni kitiŋ kee pu na, binib bi bir na tak bi, le kina aan ki ŋa. M puu ke m ga li kii si saadim chee, ki ga tii si yaabitiib.

2 Bibɔrb Aabɔr 28:25

Juda aatikpaam ni muwaatiir mɔmɔk ni, u nan maa tiwaadir, le bi seer nnyɔknii tii ŋiwaa nima chee. U nan ŋa kina le ki cha uyaajatiib Aadindaan Uwumbɔr aaŋuul fii u pu.

Ilahn 44:2

Sin aabaa le nan jenn nyan binib bi kaa dii si na, ki di saanib kaan baatiŋ pu. Aa nan daa binib ngbaan aatafal ki cha saanib kan tinyoor.

Ilahn 80:15

Ti ye saasubil aasub bu aa nan ŋum aan bu laa ye buwaatiir, aan aa cha bu kpa mpɔɔn na, dan ki nan gaa timi lii.

Ilahn 80:8

Aa nan di ŋisubil aasub nyan ni Ijipt aatiŋ ni; aa nan jenn nyan ŋinibol le ki di bu ŋum baatiŋ ni.

Aisaya 5:2

U nan kuun ŋitakpal le ki kon ki ŋum isui i lu ŋisubil ŋi ŋan na ki ponn ni, le ki maa libimbifɔfɔŋ ke bi li ka li paab ki kiir kisaak na, le ki gbii libuul litakpasakpeln ni, li bi ga di ŋisubil ŋa li ponn ni na aan ki ŋmaa ŋaanyun nyan na; le ki kii buyoonn ŋisubil ga puir na; le ŋisubil na mɔmɔk nan mɔɔn la.

Aisaya 61:3

ke m nan tii binib bi wii Sionn ni na mpopiin ni nsuudoon, bi taa ki wii, ki gaa kipak aalahn, ni taa li ye ikpowiil. Bi ga li naahn isui i Uwumbɔr ubaa bun i na la. Bi mɔmɔk ga li ŋani tiwan ni si chob na la, le binib ga pak Uwumbɔr, waah tun pu na pu.

Jeremia 1:14

Le u nan bui mi ke, “Libiil le bi ŋŋangan wɔb ki kpinni kina choo binib bi mɔmɔk bi kitiŋ kee pu na,

Jeremia 11:11

Tɔ, le min Uwumbɔr sak bi ke m ga cha libiil dan bi pu, le baan ŋmar. Bi yaa wii yin mi ki ban nterm kan, maan pel bi chee.

Jeremia 11:13

Juda aanib aawaa wiir ke baatim aah wiir pu na la, le Jerusalem yaab maa ŋibimbin tii tijɔŋ aawaal Baal, baatiŋ ni aasanbim mɔmɔk ni.

Jeremia 12:2

Sin le naan bi, le bi fii ki kpa inyaan; bi muuni le ki pɔr. N‑yoonn mɔmɔk kan, bi len aa pu tibɔnyaan la, le kaa tee dak aa pu kpala.

Jeremia 18:15

Le maanib ma suln mbɔr; bi seer tulalee aayon mmii ni tii ŋiwaa la. Bi gbeer nsan mu ponn ni bi ba ga dii mu na la, baa ki dii n‑yaajayoonn aasan na; bi chuun nsanbim mu baa daan mu na pu la.

Jeremia 18:8

aan litimbol ngbaan yaa yii laatunwanbir kan, maan ki kuln li ke maah bui ke m ga ŋa li pu na.

Jeremia 19:15

Uwumbɔr Mpɔɔnsakpiindaan, u ye Israel yaab Aawumbɔr na le len ke, “M ga cha ntafadaan dan kitiŋ kee, ni ntim mu bi gbɔk ki na pu, ke maah len ke m ga ŋa pu na, ba pu? bi kpa tafalaaŋun, kaa pel maah tuk bi pu na.”

Jeremia 2:21

M nan bun nimi ke lisubinyaan li aasub ga li ŋan na la. Tɔ, lik naah tun pu na. Ni naahn ŋisubil aasub bu bur na la.

Jeremia 24:6

M ga li bi bi chee ki ki giin ni bi kitiŋ kee pu. M ga maa bi kaan, kaan ber bi; m ga di bi ŋum, kaan ki daa ŋɔb bi.

Jeremia 26:13

Ni kpeln mbimbin mu ni bi mu ni na, ni tiwan ni ni ŋani na, ki kii Nidindaan Uwumbɔr aamɔb. Ni yaa ŋa kina kan, u ga kpeln waalandak ki taa ki cha libiil li u bui ke u ga joo ni ni pu na dan.

Jeremia 26:19

Ubɔr Hesekia ni Juda aanib aa nan ku Maika. Hesekia nan labr san Uwumbɔr le ki pɔɔn ubaa ke u kan lineen u chee. Le Uwumbɔr nan kpeln waalandak, kaa ki cha tibɔbir ti u nan bui ke ti ga dan bi pu na dan. Ti bi ban tibɔbir sakpenn le tii tibaa.”

Jeremia 32:29

ki see ki mmii. Bi ga see ki ni tidir ti pu binib seer tulalee aayon tii liwaal Baal ti paab, ki joo ndaan toor kitork tii ŋiwaa, ki cha maaŋuul fii bi pu na mɔmɔk mmii ni.

Jeremia 32:30

Ki nyan Israel yaab ni Juda yaab aapiin aabɔr ni, bi ŋani maah kaa gee pu na la, le baatun fiini maaŋuul.

Jeremia 35:17

Kina pu na, min Uwumbɔr Mpɔɔnsakpiindaan u ye Israel yaab Aawumbɔr na ga cha libiil li m puu ke li ga dan na, dan nimi Juda ni Jerusalem aanib pu. Maah len ni chee aan naa pel, ki yin nimi aan naa kii na, le ga cha m ŋa kina.”

Jeremia 36:7

Nibaakan bi ga mee Uwumbɔr ki fenn bipuwɔb tii baatunwanbir, ba pu? Uwumbɔr aaŋuusakpeln ni, le u puu ke u ga daa bitafal pam.”

Jeremia 40:2

Uyidaan ngbaan nan di mi nyan n‑gbaan le ki bui mi ke, “Aadindaan Uwumbɔr nan puu ke kitiŋ kimina ga bii,

Jeremia 40:3

le ki sil ŋa waah nan len pu na. Saanib aah tun Uwumbɔr titunwanbir, kaa kii waamɔb pu na, le cha nimina mɔmɔk ŋa.

Jeremia 42:10

‘Ni yaa ban ke ni li beenin bi kitiŋ kimina pu kan, m ga maa nimi ŋidichal ki taa bii nimi, m ga cha ni moo chɔbaan ki taa ki kpokl lir. Maah nan cha libiil li dan ni pu na tii mi mpombiin pam.

Jeremia 44:5

Le ni yii, kaa pel, kaa ŋun tii mi. Naa di cha titunwanbir ti ni tun ke ni toor ŋiwaa na.

Jeremia 44:8

Ba ŋa ni dii ŋiwaa ki toor kitork tii ŋiwaa Ijipt ni do, nin chee ni dan nan koo na, ki ŋani mi liŋuul? Ni ŋani kina ke ni kuln, aan binib li lik nimi fam ki joo nimi aayimbil puuni lir biken pu la aa?

Jeremia 45:4

“Le min Uwumbɔr bi gbaa wiil maah nan maa ni na, le ki ŋɔi maah nan bun ni na mu. M ga ŋa kitiŋ kee mɔmɔk kina la.

Jeremia 7:18

Mbim le peei idɔ, le bijab tuur mmii, le bipiib buun n‑yon ki ŋa maab tii liwaapii li bi yin li ke Paacham Aapiibɔr na. Bi ki kpir ŋiwaa ŋiken mu pu ndaan, ke ni li wu mi.

Jeremia 7:9

Ni su kinaayuk, ki ku binib, ki gɔr kidagook, ki mɔni inyamɔn tipuur pu, ki toor kitork tii liwaal Baal, le ki dooni ŋiwaa ŋi naa nan nyi daalbaadaal na.

Esekiel 17:5

Li nan ban busub bu laa punn na Israel aatiŋ pu, le ki ti di bu ŋum bukpaab bu aatiŋ nyuun, aan nnyun bi ki ga cha bu muun na ponn ni.

Hosea 10:1

Israel aanib nan bi ke ŋisubil aasub bu lun ŋisubil sakpen na la. Buyoonn bi moo kan liwangol na, le bi too maa ŋiwaa aatork aabimbin kpae. Buyoonn baatiŋ moo ŋani tijikaar na, le bi too toor ŋiwaa ŋi bi dooni na ke ŋi li ŋan.