Jeremia 11:15 - Uwumbɔr aagbaŋ

¹⁵ Uwumbɔr nan ki bui ke, “Binib bi m gee bi na le bi tun titunwanbir na. Baa kpa nsan ke bi li bi Maadichal ponn ni. Bi dak ke bi yaa puur tipuur ki joo tiwakor toor ipiin aatork kan, bi ga ŋmaa nya tibɔbir ni la aa? Nima ngbaan aan ŋmaa tii bi mpopiin.

Jeremia 11:15 ပူးပေါင်းရင်းမြစ်များ

Ilahn 50:16

Le Uwumbɔr bui bibiindam ma ke, “Ba ŋa ni cha maakaal bi nimɔb ni? Ba ŋa ni len maah puu tipuur ti na aabɔr?

Ilahn 60:5

Ŋun timi aameel, di saapɔɔn gaa timi lii, aan saah gee binib bi na ŋmar.

Ŋiyataŋak 10:23

Aa yaa tun taani ki kpa mpopiin kan, ni ye kijɔrk la. Binib bi kpa ichiin na kpa mpopiin nlan pu la.

Ŋiyataŋak 15:8

Uwumbɔr aa gee bibiindam aatork, le usui piin bininyaam aameel pu.

Ŋiyataŋak 2:14

ki ye binib bi kani mmɔɔn, baatunwanbir, ni kijɔrk aatunwanbir pu,

Ŋiyataŋak 21:27

Uwumbɔr aa gee titunwanbirdam aah toor kitork ki tii u na la. Waah nan ki sakpen na le ye kitork ki bi kpa tilandakwanbir bisui ni ki toor na.

Ŋiyataŋak 26:18

Unii u joo uŋeen aatɔtiib koo ni tibɔr ni, ki ki bui ke u ŋani yaansara na naahn uwaar u gbiir tiwan ni ga ku u na la.

Ŋiyataŋak 28:9

Aa yaa kaa joo Uwumbɔr aakaal kan, waan ŋun saameel.

Aisaya 50:1

Uwumbɔr bui ke, “Ni dak ke m jenn maanib lii ke uja aah jenni upuu lir pu na la aa? Seeraa aagbann ti ga mɔk ke m jenn bi lii na bi la? Ni dak ke m di nimi kooh ŋa tinaagbiir ni ke uja aah kooh waabim ŋani tinaagbiir ni pu na la aa? Aayii, ni nan buen tinaagbiir ni nimi aatunwanbir pu la; nimi aabakaa pu le m nan jenn nimi buen.

Jeremia 12:7

Uwumbɔr len ke, “Ntafal aa ki bi Israel yaab ni, M yii maah nan lee litimbol li na. M di binib bi m gee bi na ŋa baadim aapɔɔn ni.

Jeremia 13:27

U kan nimi, ni tun tijɔŋ aatuln. U kan naah chuun ban ŋiwaa ŋigongon paab, ni ikpaakon ni, ke uja aah neen uŋeen aatɔ aapuu pu, bee utanja aah neen utaninkpel pu na. Jerusalem aanib, nimi aamɔfal junn a. Bayoonn aan ni mu ga ŋaŋ?

Jeremia 15:1

Le Uwumbɔr bui mi ke, “Hali Moses ni Samuel le yaa ba si do ki gaŋni mi kan, maa ba ga san binib bee kinimbaak. Cha bi li cha; taa cha nnimbil ki kan bi.

Jeremia 2:2

moon tuk Jerusalem yaab mɔmɔk. “M teer saah nan laa par ki kpa gaakii pu na, ki teer saah nan laa mɔn tichar ki gee mi pu na; aa nan dii mi nteersakpiin ni, kitiŋ ki ponn ni ubaa aa kee bun tijikaar na.

Jeremia 23:11

Uwumbɔr bui ke, “Maabɔnabtiib ni bitotoorb aa dii min Uwumbɔr; m kan bi Maadichal ponn ni, bi bi tun titunwanbir.

Jeremia 3:14

“Nimi bi nyan mpuwɔb na, gir ni man; ni ye maanib la. M ga nyan ni ponn ni ubaabaa kitiŋ mɔmɔk ni, ki nyan bilelee ntaŋaal mɔmɔk ni, ki di nimi giin ni Sionn Aajool paab.

Jeremia 3:8

Juda aanibol mu nan kan ke m yii Israel aanibol, ki jenn u lii; ba pu? u nan fenn upuwɔb tii mi ki kpaln udagoor. Le Juda, u ye Israel aana aabo u nyan mpuwɔb na aa nan san ijawaan. U mu nan kpaln udagoor,

Hosea 3:1

Le Uwumbɔr nan bui mi ke, “Gir ki ti di ngeehm tii upii u bi ubɔɔn chee na. Aa li gee u ke maah gee Israel aanib pu na, aa mu tee lik kan, bi di bibaa tii ŋiwaa le ki gee ke bi li joo ŋisubil ŋi kuur na tii ŋiwaa ipiin.”

Matiu 22:11

“Le ubɔrkpaan ngbaan koo ni u nan lik binib bi dan bi nan ji tijikaar ngbaan na, le ki kan uja u kaa pee tibɔndinn aawanpeenkaan na.

Rom Yaab 11:28

Tɔ, baah yii Yesu aabɔnyaan tee na, bi ye Uwumbɔr aadim la. Nima le ni kan tinyoor ki ŋmar. Uwumbɔr mu nan lee bi; waah lee bi na, biyaajatiib pu le u gee bi.

1 Korenti 13:6

kaa kpa mpopiin uŋeen aatɔ aatunwanbir pu; u kpa mpopiin mbamɔn pu.

Taitus 1:15

Tiwan mɔmɔk bi chain binib bi bi chain na chee la. Binib bi kaa bi chain, kaa gaa Yesu ki kii na, tiwan nibaa aa bi chain ki tii bi. Baalandak mu aa ŋan. Baa ki nyi lituln li ŋan na, ni li kaa ŋan na.

Jemisi 4:16

Le ni tee kpa kalmbaani ki puk kipupuk. Ni yaa puk kipupuk kina kan, naa ŋan.