Jeremia 11:14 - Uwumbɔr aagbaŋ

¹⁴ Jeremia, taa mee limeel tii binib ngbaan, taa gaŋ mi bi pu. Bi yaa bi tibɔr ni ki yin mi ki ban nterm kan, maan gar bi.”

Jeremia 11:14 ပူးပေါင်းရင်းမြစ်များ

Ilahn 66:18

M yaa nan ba di maatunwanbir bɔr nsui ni kan, Uwumbɔr aa ba ga pel m chee.

Nnyam 32:10

Nimina ma kan, taa ki gaŋ mi. Liŋuul chuu mi sakpen, le m ga bii bi. M ga tee cha aa ni saamaal ma pɔr ki ŋa linibol sakpeln.”

Jeremia 11:11

Tɔ, le min Uwumbɔr sak bi ke m ga cha libiil dan bi pu, le baan ŋmar. Bi yaa wii yin mi ki ban nterm kan, maan pel bi chee.

Jeremia 14:11

Uwumbɔr nan bui mi ke, “Taa bui mi ke m ter binib bee.

Jeremia 14:12

Hali bi yaa lul bumɔb kan, maan pel baaterm aawiil; le bi yaa toor kitork ki see ki mmii ni tii mi, ki tii mi njikaabim aapiin kan, nsui aan piir bi pu. Maah ga ŋa pu na le ye ke m ku bi butɔb, ni nkon, ni iween ni.”

Jeremia 15:1

Le Uwumbɔr bui mi ke, “Hali Moses ni Samuel le yaa ba si do ki gaŋni mi kan, maa ba ga san binib bee kinimbaak. Cha bi li cha; taa cha nnimbil ki kan bi.

Jeremia 7:16

Uwumbɔr bui ke, “Jeremia, taa mee limeel tii binib bee. Taa wii, ki taa mee limeel bi pu; taa gaŋni mi, ba pu? maan pel saameel.

Hosea 5:6

Bi joo baapiih ni inaa ki ti kɔr toor ke bi tii Uwumbɔr la, le naa ter bi. Waah siir cha bi na, le baa kan u.

Sekaria 7:13

Baah nan yii kaa pel buyoonn m nan len bi chee tibɔr na, le m yii kaa pel baah mee mi pu na.

Malakai 2:13

Naah ki ŋani tiwan ni mu kpee na sɔ: Ni pu, le bipiib wii ki di tinyunyunn gbiin Uwumbɔr aatork aabimbiln pu, kina pu na le Uwumbɔr aa ki gaal nimi aapiin i ni joo nan tii u na.

1 Jɔnn 5:16

Unii yaa kan una aabo tun titunwanbir ti kaan cha u kpo na kan, u ga mee Uwumbɔr tii u. Le Uwumbɔr ga tii u limɔfal. Binib bi tun titunwanbir ti kaan cha bi kpo na, Uwumbɔr ga tii bi limɔfal. Le titunwanbir ti cha binib kpo na mu bi. Maa len ke ni li mee Uwumbɔr tii binib bi tun titunwanbir ngbaan na.