Jeremia 11:11 - Uwumbɔr aagbaŋ

¹¹ Tɔ, le min Uwumbɔr sak bi ke m ga cha libiil dan bi pu, le baan ŋmar. Bi yaa wii yin mi ki ban nterm kan, maan pel bi chee.

Jeremia 11:11 ပူးပေါင်းရင်းမြစ်များ

2 Bibɔrb 22:16

Uwumbɔr aabɔr timina ke: “M ban m daa Jerusalem aatiŋ ni kaanib mɔmɔk aatafal ke ubɔr aah karn pu kigbaŋ ngbaan ni na la.

2 Bibɔrb Aabɔr 34:24

“M ga di tibɔbir ti ŋmee kigbaŋ ki bi karn tii ubɔr na ni le di daa Jerusalem ni kaanib mɔmɔk aatafal.

Job Aagbaŋ 35:13

Baawiil ye fam la; Uwumbɔr Mpɔɔnsakpiindaan aa waa bi le kaa kpaan ŋun bi pu.

Ilahn 18:41

Bi wii ban nterm, le ubaa mu aan gaa bi lii; bi yin Uwumbɔr, le waan gar bi.

Ilahn 66:18

M yaa nan ba di maatunwanbir bɔr nsui ni kan, Uwumbɔr aa ba ga pel m chee.

Ŋiyataŋak 1:28

N‑yoonn ngbaan le ni ga yin mi, le maan gar nimi. Ni ga tee mban ki ban mi nwiin pu, ni kinyeek, kaan kan mi.

Ŋiyataŋak 29:1

Buyoonn bi sur si aa yii ki moo ŋani kalmbaani na kan, daalbaadaal aa ga nan lir, kaan ki fii sil.

Aisaya 1:15

“Ni yaa yoor niŋaal paacham ki mee min kan, maan lik nimi. Ni yaa po mee min pu na kan, maan ŋun nimi aameel ngbaan, ba pu? niŋaal mɔmɔk ye nsin ŋmeen la.

Aisaya 24:17

Ni mɔmɔk li pel m chee man, ijawaan bi, ŋibuu bi, le gaawɔb mam mu bi ki kii nimi.

Jeremia 11:14

Jeremia, taa mee limeel tii binib ngbaan, taa gaŋ mi bi pu. Bi yaa bi tibɔr ni ki yin mi ki ban nterm kan, maan gar bi.”

Jeremia 11:17

“Min Uwumbɔr Mpɔɔnsakpiindaan le nan bun Israel ni Juda yaab; tɔ, n‑yoonn mue ma kan, m ban m joo ni tibɔbir le nan lii bi pu. Baah tun taani pu na le bi joo ni kina nan lii bibaa pu; bi toor kitork tii liwaal Baal, le ki cha maaŋuul fii bi pu.”

Jeremia 14:12

Hali bi yaa lul bumɔb kan, maan pel baaterm aawiil; le bi yaa toor kitork ki see ki mmii ni tii mi, ki tii mi njikaabim aapiin kan, nsui aan piir bi pu. Maah ga ŋa pu na le ye ke m ku bi butɔb, ni nkon, ni iween ni.”

Jeremia 14:2

“Juda aatiŋ bi wii ikpowiil la; kaatim bi kpo la, kaanib dɔ kitiŋ mpombiin pu la, le Jerusalem wii ki ban nterm.

Jeremia 15:2

Bi yaa baa si ke bi ga buen la chee kan, tuk bi ke min le bui ke, Iween le ga ku bibaa, baah ga buen nin chee na le na. Bibaa mu ga kpo butɔb ni, baah ga buen nin chee na le na. Nkon le ga ku biken mu, baah ga buen nin chee na le na. Bidim ga chur biken mu buen tinaagbiir ni, baah ga buen nin chee na le na.

Jeremia 18:11

Tɔ, bui Juda ni Jerusalem aanib ke m bi kpokl bi pu la, le ki gor ke m daa bitafal. Bui bi ke bi di cha titunwanbir aabimbin, ki kpeln baabimbin, ni tiwan ni bi ŋani na.

Jeremia 19:15

Uwumbɔr Mpɔɔnsakpiindaan, u ye Israel yaab Aawumbɔr na le len ke, “M ga cha ntafadaan dan kitiŋ kee, ni ntim mu bi gbɔk ki na pu, ke maah len ke m ga ŋa pu na, ba pu? bi kpa tafalaaŋun, kaa pel maah tuk bi pu na.”

Jeremia 19:3

Uwumbɔr nan bui mi ke m len ke, “Juda aabɔrb, ni Jerusalem aanib, li pel man, min Uwumbɔr Mpɔɔnsakpiindaan, u ye Israel yaab Aawumbɔr na aah kpa pu m len na. M ban m joo ni tibɔbir nan lii libuul lee pu, le unii umɔk ŋun ti pu na aapobil ga yuk.

Jeremia 23:12

Baah dii isan i na ga li ŋar le ki bɔɔn; m ga cha bi gbeer ki lir. M ga cha tibɔbir dan bi pu. Baatafadaan aayoonn choo. Min Uwumbɔr le len kina.

Jeremia 25:35

Nibaa chee aa bi ni ga dii ki ŋmar.

Jeremia 35:17

Kina pu na, min Uwumbɔr Mpɔɔnsakpiindaan u ye Israel yaab Aawumbɔr na ga cha libiil li m puu ke li ga dan na, dan nimi Juda ni Jerusalem aanib pu. Maah len ni chee aan naa pel, ki yin nimi aan naa kii na, le ga cha m ŋa kina.”

Jeremia 36:31

M ga daa aatafal, ki daa aayaabitiib, ni saaninkpiib aatafal titunwanbir ti ni mɔmɔk tun na pu. Aa ni Jerusalem ni Juda aanib yii kaa pel maah sak nimi pu na, kina pu le m ga cha ni kan tibɔbir ti m puu ke ni ga kan ti na.”

Jeremia 6:19

Kitiŋ, li pel. Maanib aabeebee aatuln pu le m ban m joo ni libiil nan lii bi pu, ba pu? bi yii maamɔkm kaa tii maabɔr naadii.

Inandalahn 2:22

Aa yin ni maadim ke bi nan ji linikul aajim m chee. Le saaŋuul ngbaan daal ubaa aa ŋmaa ŋmar. Bi ku maabim mu m kpiin mu ki gee mu na.

Esekiel 14:3

“Unibɔn, bijab bimina di bibaa tii ŋiwaa le ki cha ŋi joo bi tun titunwanbir. Bi dak ke m ga gar bi ii?

Esekiel 7:5

Tidindaan Uwumbɔr aah ki len pu na sɔ: “Tibɔbir tibaa ga dan aa pu le tiken paan ni.

Esekiel 8:18

Bi ga kan maaŋuul aah pɔɔ pu na mɔmɔk. Maan san bi kinimbaak, kaan di cha pinn bi mu. Bi ga li tar mpɔɔn pu sakpen ki mee mi limeel, le maan gar bi.”

Amos 5:19

Ni ga nan li naahn ke unii aah san uchinn chee ki ti tooh upeenaamuun nsan ni pu na la, ki li bi ke unii u kun ni linampal ki nan di uŋaal paan ligoln pu aan uwaa kpaan juu u pu na la.

Maika 3:4

N‑yoonn choo le ni ga nan wii ban Uwumbɔr chee nterm, le waan gar nimi. Waan ŋun nimi aameel; ba pu? ni tun titunwanbir la.

Sekaria 7:13

Baah nan yii kaa pel buyoonn m nan len bi chee tibɔr na, le m yii kaa pel baah mee mi pu na.

1 Tesalonika 5:3

Buyoonn binib ga len ke bi bi bibaa pu, nibaa aan ŋa bi nibaa na, libuul ngbaan ni le tibɔbir ga lir bi pu. Ni ga li bi ke imalween aah chuu upii pu na la. Baan ŋmaa nyan ti.

Hiibru Yaab 1:3

U wiin chain ke Uwumbɔr aah wiin chain pu na, ki ye Uwumbɔr aanaŋ bamɔnn, ki di waabɔr ti kpa mpɔɔn na le joo tiwan mɔmɔk. U di ubaa toor kitork ki finn timi ki nyan timi aatunwanbir, le ki nin kal Uwumbɔr u yeh mpɔɔn mɔmɔk na aaŋangii wɔb paacham.