Jeremia 11:10 - Uwumbɔr aagbaŋ

¹⁰ Bi gir buen biyaajatiib bi nan yii maah bui bi ke bi tun pu na aatunwanbir ni la; bi nan dooni ŋiwaa la. Israel ni Juda yaab mɔmɔk bii tipuur ti m ni biyaajatiib nan puu tii tɔb na.

Jeremia 11:10 ပူးပေါင်းရင်းမြစ်များ

Ilahn 78:57

bi tee nyan upuwɔb kaa dii waah len pu na ke biyaajatiib na, kaa si chob ke mpiin mu gɔr na.

Aisaya 24:5

Binib ngbaan bii kitiŋ la; bi kool Uwumbɔr aakoobil ki bii tipuur ti u nan puu ke ti li bi ki cha n‑yoonn mu kaa kpa ndoon na.

Jeremia 13:10

Titunwanbirdam ngbaan yii kaa kii maamɔb. Bi beenin kpa mbiin ni tafalaaŋun ke baah nan bi pu na la, le ki dooni ŋiwaa, ki tun tii ŋi. Kina pu na, bi ga ŋa ke lichutageln lee aah kaa ki li bi tibaa ni pu na.

Jeremia 17:23

Biyaajatiib aa nan ŋun tii mi, kaa pel kpala. Bi nan labr ye tafalaaŋundam, kaa kii maamɔb, ki mu aa bae m chee mbaem.

Jeremia 22:9

Le bi ga gar ke ni bii nimi ni nimi Aawumbɔr aamɔbaan, ki dooni ŋiwaa ki tun tii ŋi na le cha u ŋa kina.”

Jeremia 31:32

Taan le bi ke tipuukpok ti m nan puu tii biyaajatiib, buyoonn m nan chuu biŋaal ki daar nyan bi, ki cheen bi nyan Ijipt aatiŋ ni na. M nan bi ke chal na le ki tii bi, bi mu aa nan joo tipuur ngbaan.

Jeremia 44:16

“Taan kii saah di Uwumbɔr aayimbil tuk timi tibɔr ti na.

Jeremia 44:5

Le ni yii, kaa pel, kaa ŋun tii mi. Naa di cha titunwanbir ti ni tun ke ni toor ŋiwaa na.

Jeremia 7:28

Aa ga bui bi ke baatimbol aa kii mi Bidindaan Uwumbɔr aamɔb, kaa bae baatafadaan chee. Mbamɔn aa ki bi. Ubaa aa ki len mbamɔn aabɔr.

Esekiel 16:59

Aadindaan Uwumbɔr bui ke, “Saah suln saah puu tipuur ti na bɔr ki bii tipuur kpaan ti m ni sin nan puu tii tɔb na, m ga ŋa si tiwan ni ŋeer si na la.

Esekiel 44:7

Buyoonn bi bi joo kitork aawakor aakpan ni nsin tii mi na, le bi cha biwɔwɔm bi kaa gii ŋichakpan ki ye binib bi kaa kii maamɔb na koo ni Maadichal ni ki bii li. Kina le maanib ŋani tiwan ni sukr ponn ni na ki yii maah puu tipuur ti na tii bi.

Esekiel 5:6

Le Jerusalem aatiŋ yii maakaal, ki mɔk ke ki kpa mbiin jer ntim muken, kaa kii maamɔb ki jer ntim mu mann goln ki na. Jerusalem aatiŋ yii maah mɔk pu na, ki yii ke kaan joo maakaal.

Hosea 6:4

Le Uwumbɔr bui ke, “Israel ni Juda yaab, m ga ki ŋa nimi kinye? Naah kpa ngeehm mu m pu na fir mala ke kichakpiik ni aakpakpal na la, ki naahn limaln li fir nchakpawiin pu na.

Hosea 6:7

“Tɔ, baah ti kpaan koo kitiŋ ngbaan ni na, le bi bii tipuur ti m ni bima nan puu tii tɔb na, ke Adam aah nan bii pu na.

Hosea 7:16

Bi nya mpuwɔb n‑yoonn mɔmɔk, le ki dii liwaal li kaa kpa mpɔɔn mubaa na. Saan ŋmaa li kpa bi pu limakl ke butɔm bu gɔr na la. Baasalolm aah len tibɔr kigaak ŋmeen na, le bi ga kpo mpɔɔkun, le Ijipt yaab ga laa bi.”

Liifai Yaab 26:15

Ni yaa yii, kaa dii maakaal, ni maah len pu na, ki bii tipuur ti m puu tii nimi na kan,

Sefania 1:6

M ga kuln binib bi mɔmɔk fenn bipuwɔb tii mi, kaa ki dii mi na, bima le aa ki choo m chee ke m nan li mɔk bi nsan na.”

Sekaria 1:4

Ni taa li bi ke niyaajatiib na. N‑yaayoonn na le bibɔnabr nan di maabɔr tuk bi, ki tuk bi ke bi taa ki tun titunwanbir, ki taa ki li bi kinimbɔŋ aabimbin ni. Le baa ŋun tii mi, kaa kii maamɔb mu.

Sekaria 7:11

“Le maanib di tafalaaŋun yii, kaa ŋun tii mi. Bi nan kpaa bitafal,

Sekaria 7:13

Baah nan yii kaa pel buyoonn m nan len bi chee tibɔr na, le m yii kaa pel baah mee mi pu na.

Ikaal 31:16

Uwumbɔr nan bui Moses ke, “Naan yunn le aa ga kpo. Saakun aapuwɔb, binib ngbaan ga fenn cha mi, ki bii tipuur ti m nan puu tii bi na. Bi ga di mi lii, le ki buen ti doon baah ban bi koo kitiŋ ki ni na aanib ngbaan aawaa.

Ikaal 9:7

“Ni teer, ki taa suln naah nan bi nteersakpiin ni, ki ŋa Nidindaan Uwumbɔr liŋuul pu na. Nwiin mundaal ni nyan ni Ijipt aatiŋ ni, ki nan saa bundaal ni fuu ni do na, ni yii waamɔb.

Hiibru Yaab 8:9

Tipuur ngbaan aan li bi ke tipuur ti m nan puu tii biyaajatiib, buyoonn m nan chuu biŋaal ki daar nyan bi, ki cheen bi nyan Ijipt aatiŋ ni na. Baa nan joo tipuur ngbaan, nima le maa nan ki gar bi. Min Uwumbɔr le len kina.

Bibɔjirb 2:11

Le Israel aanib piin ki dooni ŋiwaa ŋi bi yin ŋi Baal na ki tun Uwumbɔr titunwanbir.

Bibɔjirb 2:17

Israel yaab mu aatafal aa nan bi baasalolm ngbaan ni. Baa nan kii Uwumbɔr aamɔb, le ki dooni ŋiwaa. Bitetiib nan kii Uwumbɔr aamɔb, le binipɔm bimina ma nan kpaan di cha kina aatuln.

Bibɔjirb 2:19

Le usaloln ngbaan yaa ti ti kpo kan, le binib ngbaan ki gir buen baatunwanbir ni, le ki tun ni bir jer biyaajatiib na. Bi nan dooni ŋiwaa, le ki tun tii ŋi, ki yii, kaan di cha baatunwanbir aatum.

1 Samuel 15:11

“Nsui bii, maah ŋa Sɔɔl ubɔr pu na. U fenn upuwɔb tii mi, le ki yii maah tuk u pu na.” Liŋuul nan chuu Samuel, le kinyeek ngbaan ki ti woln u nan bi gaŋni Uwumbɔr.