Jeremia 10:5 - Uwumbɔr aagbaŋ

⁵ Kina aawaa bi ke baah naan tiwan siin kisaak ni ke tiwakorkaan taa dan nan bii tijikaar pu na la. Ŋaa ŋmaa len tibɔr, kaa ŋmaa chuun, see unii le ga yoor ŋi buen waah gee nin chee na. Taa san ŋi ijawaan man, ŋaan ŋmaa ŋa nimi nibaa, kaan ŋmaa tii nimi tinyoor tibaa.”

Jeremia 10:5 ပူးပေါင်းရင်းမြစ်များ

1 Bibɔrb 18:26

Bi nan chuu unaaja u bi di tii bi na, ki toor u, le ki mee liwaal Baal nwiin ti kal sisik ni. Bi nan tar ke, “Liwaal Baal, kii timi aameel,” le ki waa liwaal mann kitork aabimbiln li bi maa siin na. Le nibaa aa ŋa.

2 Bibɔrb Aabɔr 25:15

Nimina nan cha Uwumbɔr aaŋuul fii, le u tun waabɔnabr ubaa Amasia chee. Le ubɔnabr ngbaan ti baa u ke, “Ba ŋa aa dooni ŋiwaa ŋi kaa ŋmaa gaa ŋaanib saapɔɔn ni lii na?”

Aisaya 16:12

Moab aanib ŋani bibaa falaa ki chaa baatingban, ni baameen aadir ni ke bi ti mee baawaa, le naan ŋa bi tinyoor tibaa.

Aisaya 45:20

Uwumbɔr bui ke, “Kuun ni man tɔb chee, nimi ŋitimbol mɔk aanib; nimi bi ga ŋmar litimbiil ngbaan aalirm ni na; li joo ni man nibaa aan bi nan ji nimi tibɔr. Binib bi kuun ŋiwaa ŋi bi di isui kpii ŋi na, ki dooni ŋiwaa ŋi kaan ŋmaa gaa bi lii na, binib ngbaan aa nyi nibaa kpala.

Aisaya 46:1

Babiloŋ aawaa aadoon le na. Bel ni Nebo nan ye ŋiwaa ŋi bi nan dooni ŋi na la, le dandana ma bi di ŋi buu paan ibon pu, ŋi gur ye ŋitun ŋi nyuun na le ki tii ibon i bak na.

Aisaya 46:7

Bi ga yoor li ki di buŋ bibɔgbin pu, ki ti di li siin, le li si nima, kaan ŋmaa chuun buen nibaa chee. Unii yaa mee li kan, laan ŋmaa kii, kaan ŋmaa nyan u tibɔbir ni.

Jeremia 10:14

Binib yaa kan kina kan, le bilan ŋmal, le bi kpaln bilatiirb; binib bi naani ŋiwaa na jin inimɔɔn a; ba pu? ŋi ye fam, le kaa kpa limɔfal.

Habakuk 2:19

Saamɔfal junn a; ba pu? aa bui lidɔgeln ke, “Finn ngeen pu,” le ki ki bui litakpal li kaa kpa kifuurk na ke, “Finn ngeen pu.” Liwaal ga ŋmaa kpiir tiwan nibaa tuk si ii? Bi ga di salmaa ni tikunabr le boon li, le li mu aa tee kpa kifuurk.

1 Korenti 12:2

Ni nyi ke naah kaa nan kee dii Uwumbɔr aasan na, ni nan dii ŋiwaa ŋi ye bibirb na. Ŋi nan cha ni yenni n‑yoonn mɔmɔk la.

1 Korenti 8:4

Joo cha kitork aanann aajim aabɔr na, ti nyi ke ŋiwaa ŋimɔk bi dulnyaa wee ni na aa ye nibaa. Ti nyi ke Uwumbɔr ubaa baanja le bi.

Ikaal 4:28

Nima chee le ni ga ti li dooni unibɔn aah di uŋaal ŋa idɔ ni ŋitakpal aawaa ŋi na. Ŋiwaa ngbaan aa waa, kaa ŋun, kaa ŋmaa ji, kaa ŋun nnun.