Jeremia 10:25 - Uwumbɔr aagbaŋ

²⁵ Di saaŋuul toŋ ŋitimbol ŋi kaa dooni si na, ni binib bi yii si na wɔb. Bi ku saanib, bi kuln timi pel pel, le ki cha timi aatiŋ kpaln ŋilangben.

Jeremia 10:25 ပူးပေါင်းရင်းမြစ်များ

Job Aagbaŋ 18:21

Bibiindam aadoon le na. Binib bi kaa di Uwumbɔr yin nibaa na aadoon le na.

Ilahn 14:4

Le Uwumbɔr baa ke, “Baa nyi la aa? Titunwanbirdam ngbaan mɔmɔk ye binib bi kaa nyi na la aa? Bi su maanib kinaayuk le ki joo kpiini bibaa, kaa mee mi.”

Ilahn 147:20

Waa tun kina tii ŋitimbol ŋiken; baa nyi waakaal. Pak Uwumbɔr man.

Ilahn 27:2

Bibiindam yaa tak mi ki pɔɔni bibaa ke bi ku mi kan, bi gbeer le ki lir.

Ilahn 69:24

Cha saaŋuul lir bi pu; cha saaŋuusakpeln nyaŋ bi.

Aisaya 43:22

Uwumbɔr bui ke, “Israel yaab, ni nan nuur mi, naa nan dooni mi.

Aisaya 64:7

Ubaa aa fenn toŋ ni si ki mee si; ubaa aa chaa aa chee ki ban nterm. Aa di aabaa bɔr ti chee, ki di timi mee, timi aatunwanbir pu.

Aisaya 9:12

Siria yaab ga nyan ni liwipuul wɔb, le Filistia yaab mu nyan ni liwilir wɔb, ki waa bimɔi ki ban bi. Nimina aapuwɔb na, Uwumbɔr aaŋuul aan kee sɔŋ; u beenin ban ke u daa bitafal.

Jeremia 11:1

Uwumbɔr nan bui mi ke,

Jeremia 30:16

Tɔ, dandana ma kan, binib ga nae bi mɔmɔk nan nae nimi na, bi ga chur nimi aadim tinaagbiir di buen. Bi ga muk binib bi mɔmɔk nan muk nimi na, le ki gaa binib bi mɔmɔk nan gaal nimi aawan mpɔɔn na mu aawan mpɔɔn.

Jeremia 50:17

Uwumbɔr ki len ke, “Israel aanib bi ke ipiih i ichinn jenn yaa i na la. Njan na, Asiria aabɔrkpaan le nan puen tak bi, le Babiloŋ Aabɔr Nebukadnesar nan nyir baakpab.

Jeremia 50:7

Unii umɔk kan bi na kan, u tak bi la. Baadim len le ke, ‘Bi tun Uwumbɔr le titunwanbir, kina pu na, taah ŋa bi pu na aa bir. Biyaajatiib nan kii tii Uwumbɔr, bi mu ba ga li bi u chee kina.’

Jeremia 8:16

Timi aadim kpaan fuu ni Dann aatiŋ ni; ti ŋun baataan aah fɔi pu na. Baataan yaa wii kan, kitiŋ mɔmɔk deŋni la. Timi aadim dan ke bi nan bii timi aatiŋ, ni tiwan ni mɔmɔk bi ki pu na la, ni timi aatiŋ, ni kaanib.”

Inandalahn 2:22

Aa yin ni maadim ke bi nan ji linikul aajim m chee. Le saaŋuul ngbaan daal ubaa aa ŋmaa ŋmar. Bi ku maabim mu m kpiin mu ki gee mu na.

Sefania 1:6

M ga kuln binib bi mɔmɔk fenn bipuwɔb tii mi, kaa ki dii mi na, bima le aa ki choo m chee ke m nan li mɔk bi nsan na.”

Sefania 3:8

Uwumbɔr nan ki bui ke, “Ni li kii man. Li ŋmin man ki li kii bundaal aan m ga fii sil ki galn ŋitimbol na. M ŋa nlandak ke m kuun ŋitimbol ni nnaan, ki cha ŋi bee maaŋuul aah pɔɔ pu na. M ga di maaŋuusakpeln li wu ke mmii na le di kuln kitiŋ kee mɔmɔk.

Sekaria 1:15

le maaŋuul fii ŋitimbol ŋi kpa kigaak ki bi nsuudoon ni lifuur ni na pu sakpen. Buyoonn m nan laa joo maaŋuul ke li taa pii maanib na, le ŋitimbol ngbaan nan cha maanib aafalaa moo nyaŋ.

Jɔnn 17:25

Nte Uwumbɔr u ŋani ni ŋan na, dulnyaa aanib aa nyi si. Min le nyi si. Binib bimina mu bee ke aa tun ni mi la.

Lituln 17:23

M chuun nimi aatiŋ ponn ni ki kan naah dooni ŋiwaa pu na, le ki kan bi nan ŋmee ŋŋmeen naah toor kitork nin chee na. Bi ŋmee ke, ‘Taah kaa nyi Uwumbɔr u na.’ Ni dooni Uwumbɔr, ki mu aa nyi u. Waabɔr le m ban m tuk nimi dandana wee.

1 Korenti 15:34

Finn ngeen pu man, ki tun lituln li ŋan na, ki taa ki tun titunwanbir. Ni ponn ni bibaa aa nyi Uwumbɔr. M len kina ke m jinn nimi inimɔɔn la.

1 Tesalonika 4:5

Ubaa taa cha bipiib aakpeek li bi u ni, ke binib bi kaa nyi Uwumbɔr na aah bi pu na.

2 Tesalonika 1:8

ki li joo ni mmiigaal u nan daa binib aatafal. Binib bi yii Uwumbɔr na, ni binib bi kaa kii Tidindaan Yesu aabɔnyaan tee na, u ga daa bima le aatafal.

Tibɔkpiirkaan 16:1

Le m ŋun nneel sakpiin nyan ni Uwumbɔr Aadichal ni, ki tuk Uwumbɔr aatuuntiib bilole ngbaan ke, “Li cha ti di falaa u bi ŋisambil ŋilole ni na kpir dulnyaa ni; ba pu? Uwumbɔr gee liŋuul bi pu.”