Jeremia 10:22 - Uwumbɔr aagbaŋ

²² Li pel man. Tibɔchann fuu ni a. Kinikpakpak sakpeŋ fii ŋŋangan wɔb aatimbol ni; laajab ga cha Juda aatim mɔmɔk kpaln nteersakpiin nin chee ikakal koo na.”

Jeremia 10:22 ပူးပေါင်းရင်းမြစ်များ

Aisaya 34:13

Ikokon ni ŋinaabukar ŋmeen le ga punn ŋibɔrdichal, ni ntim mu bi maa ŋigon kiir mu na mɔmɔk ponn ni, le ikakal ni ifiin ga li koo nima.

Jeremia 1:14

Le u nan bui mi ke, “Libiil le bi ŋŋangan wɔb ki kpinni kina choo binib bi mɔmɔk bi kitiŋ kee pu na,

Jeremia 1:15

ba pu? m bi yin ŋitimbol ŋi bi ŋŋangan wɔb na ke ŋi dan la. Ŋaabɔrb ga di baabɔrjal siin Jerusalem aabisamɔi chee, ki siin mann goln kaagon, ki siin mann goln Juda aatim muken na mu.

Jeremia 2:15

Bi ŋuuni bi pu ke ichinn na la; bi cha baatiŋ kpaln nteersakpiin, le baatim kpaln tilangbenn, ubaa aa ki bi mu ponn ni.

Jeremia 25:9

‘M ban m tun yin ni ŋŋangan wɔb aanib mɔmɔk, ni Babiloŋ Aabɔr Nebukadnesar, u ye maatutunn na la. M ga cha bi dan ki nan tak Juda ni kaanib, ni ŋitimbol ŋi mɔmɔk mu bi gbɔk ki na, ki cha mu li gur ye tilangbenn ti kpa ijawaan na, ki ti saa n‑yoonn mu kaa kpa ndoon na. Min Uwumbɔr le len kina.

Jeremia 4:15

Ituun nyan Dann yaab, ni Efraim yaab aagongon ni, le ki nan moon tibɔbir ngbaan.

Jeremia 4:6

Mɔk Sionn aatiŋ aasan man. Li san ban nimi aamɔfal man. Taa taan man. Uwumbɔr nyan ni ŋŋangan wɔb ki joo libiil choo.

Jeremia 49:33

Hasor ga kpaln nteersakpiin le ki ti saa n‑yoonn mu kaa kpa ndoon na, ikakal ŋmeen le ga li koo nima. Ubaa aan ki koo nima daalbaadaal. Min Uwumbɔr le len kina.”

Jeremia 5:15

Israel aanib, Uwumbɔr ban ke dandar aatimbol le dan nan tak nimi. Li ye n‑yaayoonn na aatimbol le ki pɔɔ, le naa nyi laaliin.

Jeremia 6:1

Benjaminn aanib, li san ban ŋŋmarm man. San nya Jerusalem ni man. Pii ukpiin Tekoa aatiŋ ni, ki tuur limɔkl aamii Bef Hakerem aatiŋ ni man. Tibɔbir ni libiil ban ni nya ni ŋŋangan wɔb ki dan la.

Jeremia 6:22

Uwumbɔr len ke, “Bijab nyan ni ŋŋangan wɔb aatiŋ ni ki choo; litimbol ngbaan pɔɔ sakpen le ki gor kii butɔb.

Jeremia 9:11

Le Uwumbɔr bui ke, “M ga cha Jerusalem kpaln ŋilangbentakpal, nin chee iŋɔk koo na; Juda aatim ga kpaln nteersakpiin, nin chee ubaa aa koo na.”

Inandalahn 1:4

Ubaa aa ki koo Uwumbɔr Aadichal ni ke u nan doon Uwumbɔr njim daal. Bisapɔm bi nan gaa ilahn nima na ji falaa la, le bitotoorb ker idun ŋmeen la. Kitiŋ aagoln aabisamɔi ni gur ye nkuun la, le Sionn aatiŋ aanib bi iween sakpen ni.

Esekiel 12:19

Tuk ŋitimbol ngbaan mɔmɔk ke Aadindaan Uwumbɔr aabɔr ti u joo tii Jerusalem aanib bi beenin koo kitiŋ ngbaan pu na sɔ: Bi yaa bi ji tijikaar kan, bi ga li jii la, ki yaa bi nyu tiwanyukaan kan, biwon ga li gbaa ijawaan pu. Binib bi mɔmɔk koo nima chee na aah kaa joo ikaal pu na, baatiŋ ga doon nkuun.

Malakai 1:3

le ki yii Esɔ ni uyaabitiib. M nan bii Esɔ aatiŋ ki bi ŋigongon ni na, ki cha ki kpaln ipeel aatiŋ.”