Jeremia 10:14 - Uwumbɔr aagbaŋ

¹⁴ Binib yaa kan kina kan, le bilan ŋmal, le bi kpaln bilatiirb; binib bi naani ŋiwaa na jin inimɔɔn a; ba pu? ŋi ye fam, le kaa kpa limɔfal.

Jeremia 10:14 ပူးပေါင်းရင်းမြစ်များ

Ilahn 14:2

Uwumbɔr bi paacham le ki lik ni unibɔn, ke u lik ke bibaa bi ki kpa nlan aan baa bi, ke bibaa bi ki dooni u aan baa bi.

Ilahn 92:6

Nimina le ye tiwan ni ujɔr aan ŋmaa bee na; ulatiir mu aan ŋmaa bee naatataa.

Ilahn 94:8

Maanib, ba ŋa ni ye bigbaam ni bijɔrb kina? Bayoonn aan ni ga bae?

Ilahn 97:7

Unii umɔk dooni ŋiwaa na jin inimɔɔn a; ŋiwaa mɔmɔk gbaani Uwumbɔr aanimbiin ni la.

Ŋiyataŋak 30:2

M naahn kiwakork ki jer unibɔn, maa kpa nlan mu unibɔn ga li kpa na.

Aisaya 42:17

Binib bimɔk tii ŋiwaa naadii na, binib bi yin tiwan ni bi di biŋaal naan na baawaa na, ga ji inimɔɔn sakpen.”

Aisaya 44:11

Unii umɔk dooni li na ga nan ji inimɔɔn la. Binib bi naani ŋiwaa na po ye binibɔm la, kaa jer unibɔn. Cha bi dan man libɔjil ni, nima chee bi ga nan ji inimɔɔn, le ijawaan chuu bi.

Aisaya 45:16

Binib bi naani ŋiwaa na ga ji inimɔɔn; bi mɔmɔk ga ji inimɔɔn.

Aisaya 57:12

Ni dak ke naah ŋani pu na le ŋan, le m ga nyan nimi aatuln mɔmɔk mpaan pu, le nimi aawaa ngbaan aan ŋma gaa nimi lii.

Jeremia 10:5

Kina aawaa bi ke baah naan tiwan siin kisaak ni ke tiwakorkaan taa dan nan bii tijikaar pu na la. Ŋaa ŋmaa len tibɔr, kaa ŋmaa chuun, see unii le ga yoor ŋi buen waah gee nin chee na. Taa san ŋi ijawaan man, ŋaan ŋmaa ŋa nimi nibaa, kaan ŋmaa tii nimi tinyoor tibaa.”

Jeremia 10:8

Bi mɔmɔk jɔr le ki ye bilatiirb. Baan ŋmaa bae nibaa ŋiwaa chee, ŋi ye ŋisugen la.

Rom Yaab 1:25

Bi dooni tiwan ni Uwumbɔr naan ni na, ki dii ni, kaa dooni Uwumbɔr u naan tiwan mɔmɔk na, kaa dii u. Uma Uwumbɔr le yeh mpakm n‑yoonn mu kaa kpa ndoon na. Amii.

1 Samuel 5:4

Naah ki woln kichakpinaanyeek ni na, bi ki kan ke liwaal ngbaan ki lir dɔ Uwumbɔr Aakaal Aadakaa aanimbiin ni. N‑yoonn mumina ma liyil ni laaŋaal ilee mɔmɔk wii wii ki ti dɔ mbisamɔb chee; ni nan gur liwon baanja la.