Jeremia 10:11 - Uwumbɔr aagbaŋ

¹¹ Tɔ, nimi le ga bui bi ke ŋiwaa le aa nan naan taab ni paacham; ŋi ga nan kuln. Ŋaan nan ki li bi dulnyaa wee ni nibaa chee.

Jeremia 10:11 ပူးပေါင်းရင်းမြစ်များ

Ilahn 96:5

Ŋitimbol ŋiken na mɔmɔk aawaa po ye tiwan ni bi naan ni na la, le Uwumbɔr naan paacham.

Aisaya 57:12

Ni dak ke naah ŋani pu na le ŋan, le m ga nyan nimi aatuln mɔmɔk mpaan pu, le nimi aawaa ngbaan aan ŋma gaa nimi lii.

Jeremia 10:15

Ŋaa kpa tinyoor le ki ŋeer ke bi lik seen ŋi. Uwumbɔr yaa nan dan ke u nan ji ŋi tibɔr kan, ŋi ga kuln.

Jeremia 43:12

M ga see Ijipt aawaadir mmii, le Babiloŋ aabɔr yaa gee ke u see baawaa mmii kan, u see ŋi, u yaa ti ki gee kan, u di ŋi buen. Upihkpaal aah nyan ni tibabr waawanpeenkaan ni pel pel pu na, kina le Babiloŋ aabɔr ga nyan tiwan mɔmɔk Ijipt aatiŋ ni ki di linyaŋ nya.

Jeremia 43:13

U ga ber ŋiwaabimbin ŋi bi Heliopolis aatiŋ ki bi Ijipt ni na, ki see Ijipt yaab aawaadir mmii lii.”

Jeremia 50:2

“Bui ŋitimbol tibɔchann ngbaan. Moon ti. Tii limɔkl ki moon tibɔchann ngbaan. Taa di ti bɔr. Babiloŋ lir a. Kaawaal li bi yin li ke Maduk na wii yuk yuk a. Babiloŋ aawaa jin inimɔɔn a, kaawaa ŋi sukr ponn ni na wiil a.

Jeremia 51:18

Ŋaa kpa tinyoor le ki ŋan ke bi lik seen ŋi; Uwumbɔr yaa nan nyan sil ŋi pu kan, u ga kuln ŋi.

Inandalahn 3:66

Ban chuu bi, ki ŋar bi ŋŋaan kitiŋ kee pu.”

Esekiel 30:13

Tidindaan Uwumbɔr ki len ke, “M ga kuln ŋiwaa ni inyɔk Memfis aatiŋ ni. Ubaa aan ki li bi ki ye Ijipt aatiŋ aajojoor, le m ga cha ijawaan sakpiin chuu kaanib mɔmɔk.

Sefania 2:11

Uwumbɔr ga cha ijawaan chuu bi. U ga cha kitiŋ kee pu aawaa taa ki li ye nibaa, le ŋitimbol mɔmɔk aanib li gur dooni u baatim ni.

Sekaria 13:2

N‑yoonn ngbaan kan, m ga nyan ŋiwaa aayimbil mɔmɔk kitiŋ ngbaan pu, le ubaa aan ki teer ŋibɔr daalbaadaal. M ga jenn nyan unii umɔk ŋmann ke u ye maabɔnabr na, le ki nyan binib bimɔk tun lituln li kaa ŋan na kitiŋ ngbaan ni.

Tibɔkpiirkaan 20:2

U nan chuu kipeewanbiik ki ye kinimbɔŋ aan bi yin ki ke Uwaa u Yunn na, ki ki yin ki ke Defil, ki ki yin ki ke Sintana na, le ki di tikululn ngbaan buu ki,

1 Samuel 5:4

Naah ki woln kichakpinaanyeek ni na, bi ki kan ke liwaal ngbaan ki lir dɔ Uwumbɔr Aakaal Aadakaa aanimbiin ni. N‑yoonn mumina ma liyil ni laaŋaal ilee mɔmɔk wii wii ki ti dɔ mbisamɔb chee; ni nan gur liwon baanja la.