Jeremia 10:10 - Uwumbɔr aagbaŋ

¹⁰ Tɔ, sin Uwumbɔr le ye Uwumbɔr bamɔnn, sin le ye Uwumbɔr u bi na, le ki ye ubɔr u bi n‑yoonn mɔmɔk na. Saaŋuul yaa fii kan, dulnyaa deŋni la; ŋitimbol aan ŋmaa sil saaŋuul chee.

Jeremia 10:10 ပူးပေါင်းရင်းမြစ်များ

Mpiin 21:33

Beerseba aanyunbun ngbaan chee le Abraham nan ŋum busub bu aafar aa gbaar n‑yoonn mɔmɔk na, le ki doon Tidindaan Uwumbɔr u bi kaa kpa ndoon na.

1 Bibɔrb 18:39

Binib ngbaan aah kan kina na, le bi tar lir kitiŋ, ki len mpɔɔn pu ke, “Uwumbɔr le ye Tidindaan, Uwumbɔr baanja le ye Tidindaan.”

1 Bibɔrb 8:60

aan dulnyaa aatimbol mɔmɔk ga bee ke Uwumbɔr baanja le ye Uwumbɔr, ubaa aa ki bi.

1 Bibɔrb Aabɔr 29:11

Nnaan, ni mpɔɔn, ni kipak, ni kinyaan ye sin yaan la. Sin le yeh tiwan nimɔk bi paacham ni taab na, le aa ye ubɔr u jer bitinjoob mɔmɔk na.

2 Bibɔrb Aabɔr 15:3

Israel aanib nan bi ni yunn pam, kaa nyi Uwumbɔr bamɔnn, kaa kpa bitotoorb bi ga mɔk bi na, kaa kpa nkaal mu.

Job Aagbaŋ 9:6

Uwumbɔr cha kitiŋ puul le ki jii; u damni jaatɔlk mam bi joo kitiŋ na.

Ilahn 10:16

Uwumbɔr le ye ubɔr n‑yoonn mɔmɔk. Binib bi dooni ŋiwaa na ga kuln waatiŋ pu.

Ilahn 100:3

Taa suln man ke Uwumbɔr ye Tidindaan la. Uma le nan ŋa timi ŋitimbol, le ti ye uyaab; ti ye waanib la, ti ye waapiih la.

Ilahn 100:5

Uwumbɔr ŋan la; waageehm aa kpa ndoon, u joo waah puu tipuur ti na ki ti saa n‑yoonn mu kaa kpa ndoon na.

Ilahn 104:32

U yaa lik kitiŋ pu kan, ki jii la; u yaa meeh ŋijoo kan, le iŋmanyuu nya ni.

Ilahn 114:7

Kitiŋ, li jii; ba pu? Uwumbɔr choo, Uwumbɔr u tiyaaja Jakob mu nan dii u na,

Ilahn 145:13

Saah ga joo binib pu na aa kpa ndoon. Aa ga li ye ubɔr n‑yoonn mɔmɔk. Uwumbɔr ŋani waah puu tipuur ti na mɔmɔk, ki san kinimbaak waatuln mɔmɔk ni.

Ilahn 146:6

Uma Uwumbɔr le tiyaaja Jakob mu nan dii, uma le nan naan paacham, ni kitiŋ, ni nnyusakpem, ni tiwan ni mɔmɔk bi ni ponn ni na. U ŋani waah puu tipuur ti na n‑yoonn mɔmɔk;

Ilahn 18:7

Le kitiŋ dam ki deŋ; ŋijoo aah baa nin chee na dam ki jii, ba pu? Uwumbɔr aaŋuul le nan fii.

Ilahn 29:10

Uwumbɔr le joo nnyun mu nyoo na, u ye ubɔr n‑yoonn mɔmɔk la.

Ilahn 31:5

M di mbaa ŋa aaŋaal ni la. Uwumbɔr, sin le ga gaa mi lii; aa ye Uwumbɔr u ŋani saah len pu na la.

Ilahn 42:2

Sin Uwumbɔr u bi n‑yoonn mɔmɔk na, m wii ban si la; bayoonn aan m ga ŋmaa buen aanimbiin ni ki ti doon si?

Ilahn 68:11

Uwumbɔr tii nsan, le bipiib pam moon tibɔr ngbaan ke,

Ilahn 68:8

kitiŋ nan dam, le utaal nyan ni kitaapaak ki lir ni, ba pu? Uwumbɔr u nan len Sainai Aajool pu na le nan choo, Israel yaab Aawumbɔr le nan choo.

Ilahn 74:12

Uwumbɔr, mpiin na, sin le nan ye timi aabɔr; n‑yoonn, n‑yoonn pam le aa gaa timi lii.

Ilahn 76:7

Uwumbɔr, binib mɔmɔk san si ijawaan la. Buyoonn saaŋuul ti fii na kan, ubaa aan ki ŋmaa sil aanimbiin ni.

Ilahn 76:8

Aa bi paacham le ki cha binib mɔmɔk bee ke aa ga ji bi tibɔr le ijawaan nan chuu dulnyaa wee mɔmɔk,

Ilahn 77:18

Utaal aah tar pu na buen ni kookoo a, le utaal aah moor pu na cha dulnyaa mɔmɔk woln chain; le kitiŋ dam ki jii.

Ilahn 84:2

M gee sakpen ke m li bi li ponn ni. M neen ke m li bi Uwumbɔr Aadichal ni. M di nsui mɔmɔk gaa mpopiin aalahn tii Uwumbɔr u bi n‑yoonn mɔmɔk na.

Ilahn 9:8

Ibamɔn pu le u joo dulnyaa wee; u joo ibamɔn le ji ŋinibol aabɔr.

Ilahn 90:11

Ŋma kee kan saaŋuul aapɔɔn mbamɔm? Ŋma nyi saaŋuusakpeln aah ga joo ni ijawaan i na.

Ilahn 90:2

Waahr aan aa nin naan ŋigongon ni dulnyaa na, aa nan ye Uwumbɔr u kaa kpa ndoon na, ki ga li beenin ye Uwumbɔr ki ti saa n‑yoonn mu kaa kpa ndoon na.

Ilahn 93:2

Uwumbɔr, ki nyan mpiin na, saabɔrjal si chob la, aa nan bi le n‑yoonn nin piin.

Ilahn 97:4

Waawiihn mu moor ke utaal na le wolni dulnyaa pu; kitiŋ kan kina le ki jii.

Aisaya 37:17

Uwumbɔr, ŋun timi aameel ki lik tiwan ni bi ŋani timi na. Li pel tiwan ni mɔmɔk Senakerib len ki joo seei sin Uwumbɔr u bi, kaa kpa ndoon na.

Aisaya 37:4

Asiria aabɔrkpaan tun ni waaninkpiib aaninkpel ke u nan seei Uwumbɔr u bi, kaa kpa ndoon na. Cha Aadindaan Uwumbɔr ŋun ŋisiibil ŋimina ki daa binib bi seei ŋi na aatafal. Kina pu na, mee Uwumbɔr tii timi aanib bi ŋmar na.”

Aisaya 40:15

Uwumbɔr ma chee kan, ŋitimbol aa ye nibaa, ŋaa fuu linyunbol libaa; ŋidik ŋi bi dandar na naahn kitangbaak la.

Aisaya 40:28

Naa nyi ii? Naa kee ŋun aa? Uwumbɔr le ye Tidindaan u ga li bi n‑yoonn mu kaa kpa ndoon na; uma le naan dulnyaa mɔmɔk. Waa bakr kpala. Ubaa aa nyi waalandak.

Aisaya 57:15

“Min le ye paacham Aawumbɔr u bi chain ki bi n‑yoonn mɔmɔk na. M bi nin chee paa ki bi chain na la, le ki mu ki bi binib bi sunn bibaa taab aan bisui bii buyoonn bi bee ke bi tun titunwanbir na chee, ki ga pɔɔk bitaakpab ki sɔŋ bisui.

Aisaya 65:16

Unii umɔk bi kitiŋ ngbaan pu na yaa ban tinyoor kan, u ga cha Uwumbɔr u ŋani waah len pu na le ŋa tinyoor ŋa u pu. Umɔk ban u puu tipuur na ga di Uwumbɔr u ŋani waah len pu na aayimbil le puu tipuur. N‑yoonn mu jer na aabɔbir mɔmɔk ga kuln.”

Jeremia 23:36

Kina pu na, bi taa ki len ke, ‘Uwumbɔr aabɔr;’ naa ye kina kan, m ga cha maabɔr li ye tibɔr ti bir na le ki tii udaan. Binib ngbaan fenn fenn Baawumbɔr u bi, ki ye Uwumbɔr Mpɔɔnsakpiindaan na, aamɔboln la.

Jeremia 4:2

ni ga ŋmaa puu tipuur maayimbil pu. Le ŋitimbol mɔmɔk ga bui mi ke m ŋa maanyoor ŋa bi pu, ki ga pak mi.”

Jeremia 4:24

M nan lik ŋijoo, le ŋi mɔmɔk nan jii, le ŋigongon yuk ti nya do ki ti nya do.

Jeremia 50:46

Babiloŋ yaa nan lir kan, kifuuk ki ga nya na ga cha kitiŋ dam, le ŋitimbol ŋiken ga ŋun kaalirm aawiil.”

Jeremia 51:29

Uwumbɔr aah bi tun waatuln ke u ŋa Babiloŋ nteersakpiin, nin chee ubaa aa koo na, le kitiŋ dam ki jii.

Daniel 4:3

Uwumbɔr aah joo iwaan aawan ni mɔk timi na nyaŋ a. Waah ŋani lijinjiir aawan ni na kpa mpɔɔn sakpen a. Uwumbɔr ga li ye ubɔr n‑yoonn mɔmɔk; u ga li joo binib n‑yoonn mɔmɔk.

Daniel 4:34

Le ubɔr ngbaan bui ke, “Ŋibin ŋilole ngbaan aah jer na, le m waan lik kitaapaak, le maalan ki gir ni m chee. Le m pak Uwumbɔr u kaa kpa ŋeen aatɔ na, ki nyuŋ u waah bi n‑yoonn mɔmɔk pu na pu. U ga li joo dulnyaa wee n‑yoonn mɔmɔk, le waanaan aan li kpa ndoon.

Daniel 6:26

Min le len ke maanaan mɔmɔk ni, binib mɔmɔk li san ki pak Daniel Aawumbɔr. U ye Uwumbɔr u kpa limɔfal na la, le u ga li joo dulnyaa ki ti saa n‑yoonn mu kaa kpa ndoon na. Ubaa aan ŋmaa bii waanaan, le waapɔɔn mu aan ŋmaa doo.

Daniel 6:27

U gaal binib lir ki cha bi ŋmar; u tun iwaan, ni lijinjiir aatuln paacham, ni kitiŋ do. U cha ichinn aa ŋmaa ku Daniel.”

Daniel 7:14

Le u tii u mpɔɔn, ni kipak, ni nnaan aapɔɔn, ke binib bi bi ŋitimbol mɔmɔk, ni ŋinibol mɔmɔk, ni iliin mɔmɔk aanib na li dooni u. Waapɔɔn ga li bi n‑yoonn mɔmɔk, le waanaan mu aan li kpa ndoon.

Joel 2:11

Uwumbɔr tar ke utaal na ki tuk waatɔb aajab baah ga ŋa pu na. Waajab bi kii tii waamɔb na wiir ki kpa mpɔɔn. Uwumbɔr aawiin ngbaan daal kan, ubaa aan li wii aan uŋeen aatɔ ka laa. Ubaa aan ŋmar nwiin ngbaan daal.

Maika 1:4

Le ŋijoo ngbaan ga donn u taab ke tisikakpiin aah donni mmii ni pu na; ŋi ga puu ti lir tifatann ponn ni ke nnyun aah puu sunni ligongoln pu pu na.

Nahum 1:5

Ŋijoo jii Uwumbɔr aanimbiin ni la; le ŋigongon donn unimbiin ni. Kitiŋ yaa kan Uwumbɔr kan, ki deŋni la; dulnyaa, ni binib bi mɔmɔk bi u pu na aawon gbaa la.

Nahum 1:6

Uwumbɔr aaŋuul yaa fii kan, ŋma ga ŋmar? Ŋma ga ŋmar waaŋuusakpeln ni? U cha waaŋuul puu nyan ni ke mmiigaal na la; ŋitakpal wur unimbiin ni ki kpaln titan la.

Habakuk 3:10

Le ŋijoo kan si ki mur fenni. Nnyusakpem nyan ni paacham ki lir ni; le nnyun mu bi kitiŋ na puu mpɔɔn pu, le mu aanyunkpenn fii jon paacham.

Habakuk 3:6

U yaa sil kan, kitiŋ deŋni la; le u yaa yaar lik kan, ŋitimbol jii. Ŋijoo ŋi bi n‑yoonn mɔmɔk na wur la; le n‑yoonn mɔmɔk aagongon na mu ber lir kitiŋ. Ŋima pu le u nan chuun n‑yaayoonn na.

Malakai 3:2

Tɔ, ŋma ga ŋmaa sil kina aawiin chee? U yaa nan fuu ni kan, ŋma ga ŋmar? U ga nan li bi ke bukiib bu pɔɔ na la, ki bi ke mmii mu wu nyani tijɔŋ tikur ni na la.

Matiu 16:16

Le Simonn Piita bui u, “Aa ye Kristo u ga gaa binib lii na. Aa ye Uwumbɔr u fu na Aajapɔɔn la.”

Matiu 26:63

Le Yesu si ŋmin. Le Uwumbɔr aatotoorninkpel bui u, “Puu Uwumbɔr u fu na pu, aa ye Uwumbɔr Aajapɔɔn Kristo u Uwumbɔr lee u na aan saa ye?”

Jɔnn 17:3

Sin baanja le ye Uwumbɔr bamɔnn. Binib bi nyi si, ki nyi mi Yesu Kristo u aa tun ni u na, bima le kpa limɔfal li kaa kpa ndoon na.

Lituln 14:15

“Njɔtiib, ba pu ni ŋani kina? Ti po ye binibɔm ke naah ye pu na la. Ti dan ti nan tuk nimi tibɔnyaan la. Di cha man, ki taa ki dii ŋiwaa man. Ŋi ye fam la. Ni li dii Uwumbɔr u fu na. Uma le nan naan paacham ni kitiŋ, ni nnyusakpem, ni tiwan mɔmɔk.

Ikaal 32:4

Uwumbɔr u ye mpɔɔnsakpiindaan na le ye saakikiir, u bi chob, ki ŋani waawan mɔmɔk mbamɔm. U ŋani ni ŋan na, kaa kpa imaagann.

Ikaal 5:26

Unibɔn ubaa kee ŋun Uwumbɔr u bi n‑yoonn mɔmɔk na bi mmii ni ki len u chee tibɔr, aan udaan ki bi, ki kpa limɔfal aa?

1 Tesalonika 1:9

Ba pu? binib ngbaan len ke taah nan dan ni chee na, ni nan gaa timi, ki di ŋiwaa lii, ki fenn ki dii Uwumbɔr, u ye limɔfadaan ki ye Uwumbɔr bamɔnn na,

1 Timoti 1:17

Cha ti pak Uwumbɔr, ki nyuŋ u. Uma le ye Uwumbɔr baan; tinimbil aa waa u; u ye Ubɔrkpaan u ga li bi n‑yoonn mu kaa kpa ndoon na, kaan kpo. Amii.

1 Timoti 6:17

Aa sur binib bi kpa liwankpal dulnyaa wee ni na ke bi taa li kpa kalmbaani, ki taa li kpa limakl liwankpal ngbaan pu. Ba pu? li ye libuln la. Bi li kpa limakl Uwumbɔr pu. U tii timi sakpen, le taa ti ki nyi ni mɔmɔk; u ban ke ti gaa, ki li kpa mpopiin.

Hiibru Yaab 10:31

Aa yaa lir Uwumbɔr u ye limɔfadaan na aaŋaal ni kan, ni kpa ijawaan sakpen a.

Josua 3:10

Mbamɔn, naah tur cha pu na, u ga jenn nyan Kanaann yaab, ni Hef yaab, ni Hif yaab, ni Peris yaab, ni Girgas yaab, ni Amor yaab, ni Jebus yaab.

1 Jɔnn 5:20

Ti nyi ke Uwumbɔr Aajapɔɔn nan dan ki nan tii timi nlan ke ti bee Uwumbɔr, u ye Uwumbɔr bamɔnn na la. Ti bi Ujapɔɔn Yesu Kristo ni, nima le ti bi Uwumbɔr bamɔnn mu ni. Uma le ye Uwumbɔr bamɔnn, ni limɔfal li kaa kpa ndoon na daan.

Tibɔkpiirkaan 20:11

Le m kan libɔrjal pipiln sakpeln, ni u ka li pu na. Le kitiŋ ni paacham san nyan u chee, kaa ki bi.

Bibɔjirb 5:4

Uwumbɔr, saah nan nyan ni Seir aajool pu na, saah nan nyan ni Edom aapepel ni na, kitiŋ nan dam, le utaal nyan kitaapaak ki lir ni. Mbamɔn, nnyun nan nyan ni ntaalangbam ponn ni.

1 Samuel 17:26

David nan baa bijab bi si duun u na ke, “Uja u ku Filistia aanii wee ki nyan Israel yaab inimɔɔn yee ni na ga kan ba? Filistia aawanfam nee ye ŋma aan ki bi jinni Uwumbɔr u bi n‑yoonn mɔmɔk na aajab inimɔɔn?”

1 Samuel 17:36

M ku ichinn ni takɔ mam, ki ga ŋmaa ŋa Filistia aawanfam ni seei Uwumbɔr u bi n‑yoonn mɔmɔk aajab na mu kina.