Jeremia 1:7 - Uwumbɔr aagbaŋ

⁷ Le Uwumbɔr bui mi ke, “Taa bui ke aa par sakpen. Li cha maah tun si binib bi chee na, ki ti bui bi maah bui si ke aa len pu na mɔmɔk.

Jeremia 1:7 ပူးပေါင်းရင်းမြစ်များ

1 Bibɔrb 22:14

Le Mikaya gar u ke, “Uwumbɔr u bi na pu, m puu ke m ga ti len waah tuk mi pu na la.”

1 Bibɔrb 3:7

Ndindaan Uwumbɔr, aa cha m kal nte aajal pu ki ye ubɔr, kaa dii ke m ye ubo kaa nyi kitiŋ aajoom.

2 Bibɔrb Aabɔr 18:13

Le Mikaya gar u ke, “Uwumbɔr u bi na pu, m ga ti len uma Uwumbɔr aah bui mi ke m len pu na la.”

Nnyam 6:29

u nan len ke, “Min le ye Uwumbɔr. Tuk Ijipt yaab aabɔr ngbaan maah ga len pu na.”

Jeremia 26:2

le Uwumbɔr bui mi ke, “Sil Maadichal aachiln ni ki di maah bui si pu na moon tuk binib bi nyani Juda aatim ni ki nan dooni mi nima chee na. Taa nyan ti ponn ni tibaa lii.

Jeremia 43:1

M nan tuk binib ngbaan Bidindaan Uwumbɔr aah bui mi ke m tuk bi pu na doo.

Jeremia 7:27

“Kina pu na, Jeremia, aa ga di tibɔr timina mɔmɔk tuk maanib, le baan ŋun tii si, aa ga yin bi, le baan kii.

Esekiel 2:7

Aa ga bui bi maah tuk si ke aa len pu na mɔmɔk, hali bi yaa kaan pel aa chee kan, aa len ti mɔmɔk. Li nyi baah ye bimɔyiib bi na.

Esekiel 3:27

Tɔ, m yaa nan ki len, ki ki lɔkr aalambil ke aa len kan, aa ga bui bi min Bidindaan Uwumbɔr aah bi tuk bi pu na. Bi ponn ni ngem ga ŋun, le baah ye litimbol li yii maamɔb na aanib na, ngem mu aatafal aan li bi aa ni.”

Amos 7:15

Le Uwumbɔr chuu nyan mi maapihkpaal ponn ni ki bui mi ke m ti nabr waabɔr tuk waanib Israel yaab.

Jona 3:2

ki bui ke, “Li cha kitisakpeŋ Ninefa ni, ki ti di tibɔr ti m di tii si na tuk bi.”

Nkahm 22:20

Kinyeek ngbaan le Uwumbɔr dan Balaam chee le ki nan bui u ke, “Binib bee yaa dan ke aa dii bi kan, gor aan ki dii bi buen, m mu tee ban ke aa ti ŋa maah bui si ke aa ŋa pu na baanja la.”

Nkahm 22:38

Le Balaam giin bui u ke, “Maa dan aa? Tɔ, aa dak ke m kpa mpɔɔn m ŋa nibaa tii si ii? Uwumbɔr aah ban ke m len pu na, kina le m ga len.”

Matiu 28:20

ki tuk bi ke bi li keei maah tuk nimi pu na mɔmɔk. Teer man ke m bi ni chee n‑yoonn mɔmɔk, ki nan saa dulnyaa aadoon.”

Lituln 20:27

M tuk nimi Uwumbɔr aabɔr mɔmɔk, kaa gur tibaa.