Jeremia 1:16 - Uwumbɔr aagbaŋ

¹⁶ M ga daa maanib aatafal, baatunwanbir pu; bi yii mi, ki toor kitork tii ŋiwaa, ki naan ŋiwaa ki dooni ŋi.

Jeremia 1:16 ပူးပေါင်းရင်းမြစ်များ

2 Bibɔrb 22:17

Bi yii mi le ki dooni ŋiwaa, le ki di baah tun pu na mɔmɔk fiin maaŋuul. Maaŋuul fii Jerusalem aatiŋ pu, le kaan ki sɔŋ.

2 Bibɔrb Aabɔr 15:2

le u buen ki ti tooh Ubɔr Asa nsan pu. U nan teen ki len ke, “Ubɔr Asa, ni Juda, ni Benjaminn aanib bee mɔmɔk, n‑yoonn mumɔk ni bi Uwumbɔr chee na, u mu bi ni chee. Ni yaa ban u kan, u ga cha ni kan u, le ni yaa fenn nipuwɔb tii u kan, u ga di nimi lii.

2 Bibɔrb Aabɔr 28:2

le ki dii Israel yaab aabɔrb aasan i kaa ŋan na. U nan di tikur naan naan liwaal Baal aanaŋ,

2 Bibɔrb Aabɔr 34:25

Bi yii mi le ki dooni ŋiwaa, li ki di baah tun pu na mɔmɔk fiin maaŋuul. Maaŋuul fii Jerusalem aanib pu, kaan sɔŋ.

2 Bibɔrb Aabɔr 7:19

Tɔ, aa ni saanib yaa yii maakaal, ni maah mɔk nimi pu na, ki dooni ŋiwaa kan,

Aisaya 2:8

Ŋiwaa le gbii baatiŋ ngbaan ni, le bi chuun toor tiwan ni bi di bibaa aaŋaal ŋa na.

Aisaya 37:19

ki see baawaa mmii, ŋi nan po ye unibɔn aah di uŋaal naan tiwan ni na la.

Aisaya 44:15

Unii ga di busub aageln libaa tuur mmii, ki di ligeln liken naan liwaal. U ga di ligeln libaa tuur mmii ke u wor ki ga ŋmaa di ŋa tijikaar, le ki di ligeln liken ŋa liwaal ki dooni li.

Aisaya 65:3

Bi ŋani mi liŋuul, kaa san inimɔɔn. Bi toor tisamoor ki seer nnyɔknii ŋiwaabimbin pu.

Jeremia 10:15

Ŋaa kpa tinyoor le ki ŋeer ke bi lik seen ŋi. Uwumbɔr yaa nan dan ke u nan ji ŋi tibɔr kan, ŋi ga kuln.

Jeremia 10:3

Binib bimina aah dii isan i na ye fam la. Busub le bi ga gaa kichook ni, le ukpikpiir aachɔkm kpir bu,

Jeremia 11:12

Le Juda ni Jerusalem aanib ga buen ŋiwaa ŋi bi toor kitork tii ŋi na chee, ki ti wii ban nterm. Tɔ, ŋiwaa ngbaan mu aan ŋmaa ter bi libiil ngbaan aayoonn.

Jeremia 11:17

“Min Uwumbɔr Mpɔɔnsakpiindaan le nan bun Israel ni Juda yaab; tɔ, n‑yoonn mue ma kan, m ban m joo ni tibɔbir le nan lii bi pu. Baah tun taani pu na le bi joo ni kina nan lii bibaa pu; bi toor kitork tii liwaal Baal, le ki cha maaŋuul fii bi pu.”

Jeremia 15:6

Nimi le yii mi, ni fenn nipuwɔb tii mi. Kina pu le m taln ŋŋaal ki faa nimi, ba pu? maa nan ki ŋmaa chuu maaŋuul.

Jeremia 16:11

Le aa ga bui bi ke Uwumbɔr bui ke, ‘Niyaajatiib nan fenn bipuwɔb tii mi, le ki dooni ki tun tii ŋiwaa. Bi nan yii mi, kaa kii maamɔkm.

Jeremia 17:13

Uwumbɔr, sin le ye Israel yaab aamakl; binib bi mɔmɔk yii si na ga nan ji inimɔɔn. Bi ga wɔŋ ke ŋiyimbil ŋi bi ŋmee ŋi titan ni na la, ba pu? bi yii si Uwumbɔr u bi ke nnyunbun mu tii limɔfal na.

Jeremia 18:15

Le maanib ma suln mbɔr; bi seer tulalee aayon mmii ni tii ŋiwaa la. Bi gbeer nsan mu ponn ni bi ba ga dii mu na la, baa ki dii n‑yaajayoonn aasan na; bi chuun nsanbim mu baa daan mu na pu la.

Jeremia 19:4

Binib ngbaan aah fenn bipuwɔb tii mi ki bii do, ki toor kitork tii ŋiwaa ŋi bima bibaa, ni biyaajatiib, ni Juda aabɔrb aa nan nyi ŋibɔr kpala na pu, le ga cha m ŋa kina. Binib bi kaa kpa taani ubaa na aasin le bi di bii do,

Jeremia 2:13

maanib aah tun titunwanbir tilee ti na pu. Bi fenn bipuwɔb tii mi, ni bi ke bi yii uyayak aanyunbun mu aanyun ŋan na, le ki gbii bibaa aabun ŋi kpa iween, kaan ŋmaa joo nnyun na.

Jeremia 2:17

Israel yaab, nimi le joo ni nimina niyil pu. Ni yii min, Nidindaan Uwumbɔr, buyoonn m nan cheeni nimi cha na.

Jeremia 2:19

Nimi nibaa aatunwanbir le ga daa nitafal, le naah fenn nipuwɔb tii mi pu na ga bii nimi. Ni ga bee ke ni yaa yii min Nidindaan Uwumbɔr, kaa ki tii mi naadii kan, naa ŋan, ki mu ga li wu. Min, Nidindaan Uwumbɔr Mpɔɔnsakpiindaan le len kina.”

Jeremia 2:28

“Naah naan ŋiwaa ŋi tii nibaa na bi la chee? Ŋi yaa ga ŋman kan, ni cha ŋi nyan nimi tibɔr ni buyoonn ni bi ti ni na. Juda aanib, naah kpa ntim sakpen pu na, kina le ni kpa ŋiwaa mu.

Jeremia 4:12

Libuln li Uwumbɔr ga cha li dan na ga li pɔɔ jer lima ngbaan. Uwumbɔr ubaa le bi dar waanib aatafal.

Jeremia 4:28

Kitiŋ ga wii ikpowiil, le kitaapaak bɔnn timm. Uwumbɔr le len, kaan kpeln waalandak. U siin waah ga ŋa pu na, kaan ki fenn upuwɔb.

Jeremia 44:17

Ti ga ŋa tiwan ni mɔmɔk ti bui ke ti ŋa na. Ti ga toor kitork tii timi aawaapii, u ye Paacham Aapiibɔr na, ki ga tii u ndaan aapiin, ke timi, ni tiyaajatiib, ni timi aabɔr, ni timi aasalolm aah nan ŋani pu Juda aatim ni, ni Jerusalem aatiŋ ponn ni pu na. N‑yoonn ngbaan ti nan kpa tijikaar sakpen, ki nan kpa liwangol, kaa kpa tibɔr tibaa.

Jeremia 5:29

“Le min Uwumbɔr ga daa bitafal tiwan nee mɔmɔk pu; m ga teen litimbol ngbaan.

Jeremia 5:9

M taa daa bitafal nimina pu ki teen kina aatimbol aa?

Jeremia 51:17

Unibɔn yaa kan kina kan, le u bee ke u ye ulatiir la, kaa kpa nlan; binib bi naani ŋiwaa ŋi kaa ye nibaa, kaa kpa limɔfal na jin inimɔɔn a.

Jeremia 7:17

Saa waa baah tun pu Juda aatim ni, ni Jerusalem aatiŋ ponn ni pu na aa?

Jeremia 7:18

Mbim le peei idɔ, le bijab tuur mmii, le bipiib buun n‑yon ki ŋa maab tii liwaapii li bi yin li ke Paacham Aapiibɔr na. Bi ki kpir ŋiwaa ŋiken mu pu ndaan, ke ni li wu mi.

Jeremia 7:9

Ni su kinaayuk, ki ku binib, ki gɔr kidagook, ki mɔni inyamɔn tipuur pu, ki toor kitork tii liwaal Baal, le ki dooni ŋiwaa ŋi naa nan nyi daalbaadaal na.

Esekiel 16:18

Aa nan yoor ŋikeken ŋi m nan tii si, aan ŋi kpa nyɔla nyɔla na di biin ŋi pu, le ki joo olif aakpan ni tulalee aayon mu m nan tii si na, tii ŋi.

Esekiel 24:14

Min Uwumbɔr le len kina. N‑yoonn fuu ni ke m fii sil. Maan suln saatunwanbir bɔr, kaan san si kinimbaak. Aa ga kan saah tun pu na aatafadaan.” Aadindaan Uwumbɔr le len kina.

Hosea 11:2

Tɔ, buyoonn m moo yin u na, le u moo san m chee. Maanib toor kitork tii liwaal Baal la, le ki seer nnyɔknii tii ŋiwaa ŋiken.

Hosea 8:6

Israel aawanaann ubaa le naan li, laa ye Uwumbɔr. Samaria yaab aah dooni salmaa aanaaja u na ga wii yuk yuk.

Joel 2:11

Uwumbɔr tar ke utaal na ki tuk waatɔb aajab baah ga ŋa pu na. Waajab bi kii tii waamɔb na wiir ki kpa mpɔɔn. Uwumbɔr aawiin ngbaan daal kan, ubaa aan li wii aan uŋeen aatɔ ka laa. Ubaa aan ŋmar nwiin ngbaan daal.

Lituln 7:41

N‑yoonn ngbaan le bi di salmaa mɔɔ unaabo, le ki toor kitork tii u. Baah mɔɔ unaabo ngbaan na, le bi jin njim ki mɔɔni sakpen.

Ikaal 28:20

“Ni yaa tun titunwanbir, ki yii Uwumbɔr kan, u ga cha falaa dan ni pu, le nimi aalandak ŋmal. Tibɔbir ga dan tiwan nimɔk ni ŋani na mɔmɔk ni, le naan yoor n‑yoonn, le ni kuln kookoo.

Ikaal 31:16

Uwumbɔr nan bui Moses ke, “Naan yunn le aa ga kpo. Saakun aapuwɔb, binib ngbaan ga fenn cha mi, ki bii tipuur ti m nan puu tii bi na. Bi ga di mi lii, le ki buen ti doon baah ban bi koo kitiŋ ki ni na aanib ngbaan aawaa.

Josua 24:20

le ni yaa yii u, ki ban ni li dooni ŋiwaa kan, u ga daa nitafal. Hali waah nan ŋa tinyoor ŋa ni pu na, ni yaa dii liwaal libaa kan, u ga kuln nimi.”

Tibɔkpiirkaan 9:20

Binib bi gur kaa kpo iween ngbaan pu na aa kpeln baabimbin, kaa di cha baah ŋani ŋiwaa ŋi na. Bi beenin dooni tininkpiwanbir, ni ŋiwaa ŋi bi nan di salmaa, ni tikunabr, ni tikur, ni ŋitakpal, ni idɔ naan ŋi na, ŋiwaa ŋi kaa waa, ki mu aa ŋun tibɔr, ki mu aa ŋmaa chuun na.