Jeremia 1:15 - Uwumbɔr aagbaŋ

¹⁵ ba pu? m bi yin ŋitimbol ŋi bi ŋŋangan wɔb na ke ŋi dan la. Ŋaabɔrb ga di baabɔrjal siin Jerusalem aabisamɔi chee, ki siin mann goln kaagon, ki siin mann goln Juda aatim muken na mu.

Jeremia 1:15 ပူးပေါင်းရင်းမြစ်များ

Aisaya 22:7

Juda aafataŋ ki nan ŋa tijikaar n‑yoonn na gbii itaan aatɔroku tiib; butɔb aajab bi dek itaan pu na si Jerusalem aatiŋ aabisamɔi.

Jeremia 10:22

Li pel man. Tibɔchann fuu ni a. Kinikpakpak sakpeŋ fii ŋŋangan wɔb aatimbol ni; laajab ga cha Juda aatim mɔmɔk kpaln nteersakpiin nin chee ikakal koo na.”

Jeremia 10:25

Di saaŋuul toŋ ŋitimbol ŋi kaa dooni si na, ni binib bi yii si na wɔb. Bi ku saanib, bi kuln timi pel pel, le ki cha timi aatiŋ kpaln ŋilangben.

Jeremia 13:20

Jerusalem aatiŋ, lik, saadim le nyan ni ŋŋangan wɔb ki choo na. Binib bi bi di ŋa aaŋaal ni na bi la chee, saanib bi aa nan mak bi pu sakpen na bi la?

Jeremia 25:28

Bi yaa yii kaa gaa kiyikuuk ngbaan aaŋaal ni ki nyu ki ponn ni kan, aa bui bi ke Uwumbɔr Mpɔɔnsakpiindaan bui ke see bi nyu ki ponn ni.

Jeremia 25:9

‘M ban m tun yin ni ŋŋangan wɔb aanib mɔmɔk, ni Babiloŋ Aabɔr Nebukadnesar, u ye maatutunn na la. M ga cha bi dan ki nan tak Juda ni kaanib, ni ŋitimbol ŋi mɔmɔk mu bi gbɔk ki na, ki cha mu li gur ye tilangbenn ti kpa ijawaan na, ki ti saa n‑yoonn mu kaa kpa ndoon na. Min Uwumbɔr le len kina.

Jeremia 33:10

Uwumbɔr bui ke, “Binib len le ke do chee na bi ke nteersakpiin ni na la, ke binib ni tiwakor aa koo nima. Ni mu sil ye mbamɔn; Juda aatim ni Jerusalem aatiŋ ponn ni ye nkuun la; binib ni tiwakor aa bi nima. Tɔ, ntim ngbaan ni, le ni ga ki ŋun mpopiin,

Jeremia 34:1

Buyoonn Babiloŋ Aabɔr Nebukadnesar ni waajab, ki di kpee ŋitimbol ni ŋinibol ŋi mɔmɔk nan bi u taab na aajab, nan bi tak Jerusalem ni ntim mu bi gbɔk ki na, le Uwumbɔr nan ki len m chee tibɔr.

Jeremia 34:22

M ga lii bi bumɔb le bi ki gir ni kitiŋ kee pu. Bi ga tak ki, ki nyaŋ ki, le ki see ki mmii. M ga ŋa Juda aatim ke nteersakpiin mu pu ubaa aa koo na la. Min Uwumbɔr le len kina.”

Jeremia 39:3

Baah nan gaa Jerusalem aatiŋ na, le Babiloŋ aabɔr aajab aaninkpiib mɔmɔk dan ki nan kal kal mbisamɔb mu bi yin mu ke Kaasisik ni Aabisamɔb na chee: Negal Sareser, ni Samgar Nebo, ni Sarsekim, ni Negal Sareser uken nan kpee bininkpiib ngbaan pu.

Jeremia 4:16

Bi dan bi nan sak ŋitimbol ki bui Jerusalem ke bidim nyani dandar ki choo. Bidim ngbaan ga gbaa ikaa Juda aatim pu,

Jeremia 4:6

Mɔk Sionn aatiŋ aasan man. Li san ban nimi aamɔfal man. Taa taan man. Uwumbɔr nyan ni ŋŋangan wɔb ki joo libiil choo.

Jeremia 43:10

ki bui bi ke min Uwumbɔr Mpɔɔnsakpiindaan, u ye Israel yaab Aawumbɔr na, ga cha maatutunn u ye Babiloŋ Aabɔr Nebukadnesar na dan do, u ga nan di waabɔrjal siin ŋitakpal ŋi aa di sub na pu, le ki taln nnaan aakekeln biin ŋi pu.

Jeremia 44:6

Le m di maaŋuusakpeln lii ni Juda aatim pu, ni Jerusalem ponn ni, le mu wun mmii. Mu nan kpaln tilangbenn, le ki kpa unii ijawaan, ke mu aah beenin bi pu din wee na.

Jeremia 46:24

Bi jinn Ijipt aanib inimɔɔn; ŋŋangan wɔb aanib le nyaŋ bi. Min Uwumbɔr le len kina.”

Jeremia 5:15

Israel aanib, Uwumbɔr ban ke dandar aatimbol le dan nan tak nimi. Li ye n‑yaayoonn na aatimbol le ki pɔɔ, le naa nyi laaliin.

Jeremia 6:22

Uwumbɔr len ke, “Bijab nyan ni ŋŋangan wɔb aatiŋ ni ki choo; litimbol ngbaan pɔɔ sakpen le ki gor kii butɔb.

Jeremia 9:11

Le Uwumbɔr bui ke, “M ga cha Jerusalem kpaln ŋilangbentakpal, nin chee iŋɔk koo na; Juda aatim ga kpaln nteersakpiin, nin chee ubaa aa koo na.”

Inandalahn 5:11

Bi chur tipuutiib mpɔɔn ki doo bi chee Sionn Aajool pu; bi chur tibisatiib mpɔɔn ki doo bi chee Juda aatim mɔmɔk ni la.

Esekiel 32:30

“Ŋŋangan wɔb aayidam mɔmɔk bi nima, le Saidonn yaab mu bi nima. Baapɔɔn nan cha ijawaan bi ni kookoo n‑yoonn mubaa, tɔ, dandana ma bi di inimɔɔn koo likaakul ni, le bi ni binib bi nan kpoi butɔb ni na kpaan dii ti doon lifuur ni, kaa gii ŋichakpan. Bi ni binib bi sunn buen kitekpiitiŋ ni na yakr inimɔɔn baan la.

Joel 2:20

M ga chuu nyan itoon i nan nyan ni ŋŋangan wɔb na ki ga jenn ibaa buen litambol ŋmeen aatiŋ ni. Itoon i loln i mɔmɔk pu nsan na ga buen ti koo N‑yaan Aanyusakpem na ni, le i paa puwɔb na ga buen ti koo Kaasisik ni Aanyusakpem na ni. I ga kpo, le iwon ga bur ki nuŋ. Yaa ŋa nimi pu na, nima le ga cha m ku i mɔmɔk.

Sekaria 6:6

Tɔroku u itanbɔn dar na cha ŋŋangan wɔb Babiloŋ aatiŋ ni la, le itapiin yoo na cha liwilir wɔb, le itachachal yoo na cha kitiŋ ki bi ŋŋangii wɔb na ni.”