Jemisi 5:3 - Uwumbɔr aagbaŋ

³ Ni di ŋimombil bil, le ŋi daŋ a. Ŋaah daŋ pu na, nima le mɔk ke nimi aabɔr bii a, ki ga ji nimi aawon ke mmii na. Naah kuun liwankpal li wiir na bil na, ni kuun ntafadaan mu wiir ki ga pii nimi kookoo aataadaal na la.

UWONBƆR A GBƆNPƆŊ LIKƆƆNL

³ Ni salima nin ni kurninann nin kɔɔ likurila. Likuril nmɔn le li ye siɛra ki li gaa ni gbanann ke nŋmi-n. Ni taah ifaa le ki woon idaajoorikaan.

Jemisi 5:3 ပူးပေါင်းရင်းမြစ်များ

Mpiin 31:48

Le Labann bui Jakob ke, “Ŋitakpal ŋi ti kuun bil na le ga cha ti li teer kimɔbaan ngbaan.” Nima le cha bi yin nima chee ke Galeed.

Mpiin 31:52

Tiwan nilee ngbaan le ga li teer timi. M kii ke nwiin mbaa daal, maan lakr ŋitakpal ŋee pu jer ke m nan ban si kijaak, aa mu taa ŋa kina.

Mpiin 49:1

Jakob nan yin ujapɔtiib ki bui ke, “Tiŋ ni, ki mann goln mi man, aan m tuk nimi tiwan ni choo ni pu ki ga nan ŋa na.

Job Aagbaŋ 16:8

Sin le ye maadin, le ki chuu mi. M gur ye ngban ni ikpab ŋmeen la, le binib joo nima ŋani mi seeraa ke maabɔr aa ŋan.

Aisaya 2:2

N‑yoonn choo, le lijool li pu Uwumbɔr Aadichal si na ga li ye lijool li paa jer ŋijoo mɔmɔk na, li ga li fɔk chaar jer ŋigongon mɔmɔk, le ŋinibol pam ga dan li chee,

Jeremia 19:9

Bidim ga gob kitiŋ ngbaan ki ban ke bi ku kaanib. Baah ga gob ki pu na ga li bir sakpen, le binib bi bi ki ponn ni na ga ŋmɔ tɔb ki kpaan ŋmɔ bibaa aabim.”

Maika 3:3

Ni ŋmɔ maanib la. Ni lui nyani baagban, le ki kool baakpab, ki chɔi chɔi bi ke baah ban bi di tinann ti ŋaa na.

Maika 4:1

N‑yoonn choo, le lijool li pu Uwumbɔr Aadichal si na ga li ye lijool li paa jer ŋijoo mɔmɔk na, li ga chaar ŋigongon mɔmɔk pu. Le ŋitimbol pam ga dan li chee;

Lituln 2:17

‘N‑yoonn mu choo na, m ga di Maafuur Nyaan ŋa binib mɔmɔk pu. Nijapɔtiib ni nibisatiib ga nabr min Uwumbɔr aah len pu na. Nimi aanachipɔm ga kan lijinjiir aawan. Nimi aaninkpiib ga daŋ tidaŋ.

Rom Yaab 2:5

Le aatafal pɔɔ. Saa ban ke aa kpeln aasui. Nima le Uwumbɔr ga moo daa aatafal, bundaln u ga gee liŋuul binib aanimbil ni ki ji bi tibɔr mbamɔm na.

2 Timoti 2:17

Baabɔr aa ŋan, ki ga pɔr ke mbuun aah pɔr pu na la. Bi ponn ni binib bilee le ye Haimeneus ni Filetus.

Josua 24:27

le ki bui binib ngbaan ke, “Litakpal limina le ye timi aaseeraadaan. Litakpal ngbaan ŋun Uwumbɔr aah bui timi tibɔr ti na mɔmɔk. Kina pu na, lima le ye seeraa ki ga li teer nimi, ni taa yii nimi Aawumbɔr aamɔb.”

2 Piita 3:3

Njan, m ban ke ni li nyi ke binib bi dii bisui aah ban pu na ga li bi kookoo aayoonn, ki ga ŋa nimi mbɔnyun,

Tibɔkpiirkaan 17:16

Saah kan iyiin kipiik i na ni upeel ngbaan ga li nan upiidagoor, ki ga yoor waawan mɔmɔk ki cha u chuun uŋmeen, ki ga ji waawon ki see u mmii;

Tibɔkpiirkaan 20:15

Le bi di binib bimɔk aayimbil aa ŋmee limɔfal aagbaŋ ni na ŋa mmii ngbaan ponn ni.

Tibɔkpiirkaan 21:8

Le bijawaandam, ni binib bi yii mi na, ni bininsom, ni binikurb, ni bidagoob, ni bibɔɔb, ni biwaadam, ni binyamɔndam mɔmɔk ga li bi chirbil aamii ni. Nima le ye lelee aakun na.”