Jemisi 5:19 - Uwumbɔr aagbaŋ

¹⁹ Nnaabitiib, ni ponn ni ubaa yaa yenn mbamɔn aasan chee kan, unii yaa giin u mbamɔn chee kan,

UWONBƆR A GBƆNPƆŊ LIKƆƆNL

¹⁹ N nabum, ni ye ni ni uba bor kaa nɔɔ ibamɔn a samin, wee uba ta u jiin nin ibamɔn a sam nmɔn yaan ke,

Jemisi 5:19 ပူးပေါင်းရင်းမြစ်များ

Ilahn 119:118

Unii umɔk yii saakaal na, aa mu yii uma la; le baabeebee aakpokl na ye fam.

Ilahn 119:21

Aa kae binib bi kpa kigaak na mbamɔm; ki puuni lir binib bi yii saakaal na pu.

Ŋiyataŋak 19:27

Maabo, aa yaa di cha tiwan aabaem kan, aa ga kpaan suln saah puun nyi tiwan ni na.

Aisaya 3:12

Mbim le joo maanib ki muk bi, baayidam ye bipiib la. Maanib, nimi aasalolm na joo nimi kooni timoor ni la, ki cha ni yenni.

Esekiel 34:16

“M ga ban ipiih i wɔŋ na, ki giin ni i yenn na, ki poo i kan titotonn na aabuun, ki cha i bun na pɔɔk; le ipiih i filk ki pɔɔ na, m ga kuln ima, ba pu? m ye upihdaan u tun tiwan ni ŋan na la.

Esekiel 34:4

Nitafal aa bi ipiih i kaa pɔɔ na ni; naa sɔŋ ipiih i bun na aaween, kaa poo i kan titotonn na aabuun, kaa ban kani i yenn na, kaa ban kani i wɔŋ na. Ni tee labr le ki ŋani i mbiin.

Matiu 18:15

“Aana aabo yaa ŋa si bakaa kan, pɔɔn aabaa ki buen ti kan u n‑gbaan suuna ki tuk u waataani. U yaa ŋun tii si kan, aa giin u ki siin waabuul ni la.

Tibɔnyaan ti Luk ŋmee ti na 22:32

Le m mee Uwumbɔr tii si, aa taa di cha maasan. Aa yaa ki gir ni ki nan dii mi kan, pɔɔn aanaabitiib aataakpab.”

Galantiya 6:1

Nnaabitiib, bi yaa pii unii titunwanbir ni kan, nimi bi nyi Uwumbɔr aasan mbamɔm na, ni li bi suuna ki ter u ke u ki dii mbamɔm, ki li lik aabaa, kinimbɔŋ taa tɔŋ aa mu.

1 Timoti 6:10

Binib yaa gee ŋimombil sakpen kan, nima le cha bi tun titunwanbir mɔk aabɔŋ. Binib bibaa aanimbil aah man ŋimombil pu pu na le cha bi yenn, kaa ki dii Yesu aasan, ki kan mpombiin ki ti chaar jer.

1 Timoti 6:21

Ba pu? binib bibaa bi, ki len ke bi nyi nnyim, ki mu yenn, kaa ki dii Yesu aasan. Tɔ, Uwumbɔr ŋa tinyoor ŋa ni pu.

2 Timoti 2:18

Bi yenn kaa ki dii mbamɔn aasan. Bi len ke ti fikr nkun ni a. Baah len kina na, nima le binib bibaa aa ki tii Yesu naadii mbamɔm.

Hiibru Yaab 5:2

Utotoorninkpel ubaa mu kpa titunwanbir la. Nima le u ga ŋmaa san binib bi tun titunwanbir kaa nyi na kinimbaak.

Jemisi 1:16

Nnaabitiib bi m gee bi na, ni taa ŋmann nibaa.

Jemisi 1:19

Nnaabitiib bi m gee bi na, ni bee nimina la. Ni ŋan ke unii mɔmɔk li gee ke u pel, ki taa len mala, ki taa gee liŋuul mala;

Jemisi 3:14

Tɔ, lipiipoln ni kinikpakpak yaa bi nisui ni kan, ni taa li kpa kipupuk ke ni kpa nlan, ki taa mɔn nnyamɔn ki paan mbamɔn pu.

Jemisi 5:20

u bee ke unii u giin titunwanbirdaan waah yenn pu na, u nyan waamɔfal nkun ni la, ki cha Uwumbɔr di cha pinn titunwanbir pam.

2 Piita 3:17

Maanigeekaab, ni puen bee baah ŋani pu na. Naah dii mbamɔm pu na, ni li nyi man, ki taa dii titunwanbirdam aanyamɔn aan ki yenn.

Juud 1:11

Tibɔbir bi bi pu la. Bi yii Uwumbɔr aamɔb ke Keenn aah nan yii pu na. Bi mɔk binib mmɔkm mu kaa ŋan na ŋimombil pu, ke Balaam aah nan ŋa pu na. Bi yii baaninkpiib aamɔi ke Kora aah nan yii pu na. Uwumbɔr ga bii bi mu.