Jemisi 5:16 - Uwumbɔr aagbaŋ

¹⁶ Nima pu na, ni kpiir nimi aatunwanbir ki tuk tɔb, ki mee Uwumbɔr tii tɔb, aan u tii nimi laafee. Unii u dii Uwumbɔr aasan mbamɔm na yaa mee Uwumbɔr linimaln kan, waameel kpa mpɔɔn sakpen.

UWONBƆR A GBƆNPƆŊ LIKƆƆNL

¹⁶ Mambu, ni kpiir ni bir ki wɔɔn taba, ki li miɛ Uwonbɔr ki tenn taba wee ni kan kutebug. Ubuchinn a wonmiɛl jɔɔ npɔɔn le mitoon yin.

Jemisi 5:16 ပူးပေါင်းရင်းမြစ်များ

Mpiin 19:29

Tɔ, Uwumbɔr aah nan bii kifataŋ aatim mu Lot nan koo na, u nan teer Abraham bɔr, le ki gaa unaal aajapɔɔn Lot lii.

Mpiin 20:17

Abimelek aah nan ban u gaa Abraham aapuu Sara pu na, le Uwumbɔr nan cha bipiib bi mɔmɔk bi Abimelek do lichiln ni na ŋa biŋoob. Nima pu na, Abraham nan mee Uwumbɔr tii Abimelek, le u cha u ni upuutiib, ni waanaagbiipiib pɔɔk, le bi ki piin ki ma mbim.

Mpiin 20:7

Tɔ, dandana wee giin upii ngbaan tii uchal. Uchal ye maabɔnabr la, le u ga mee mi tii si, nima kan, saan kpo. Tɔ, aa yaa yii, kaa di u tii uchal kan, m sur si la, aa ni saanib mɔmɔk ga kpo.”

Mpiin 32:28

Le ntuun ngbaan bui ke, “Saah mɔn ki nyaŋ Uwumbɔr ni unibɔn na, nima pu na, bi ga li gur yin si ke Israel la, baan ki yin si ke Jakob.”

2 Samuel 19:19

ki bui u ke, “Mpɔɔndaan, m gaŋ si, ke aa suln maah nan ŋa si taani u nwiin mundaal aah nan nyan Jerusalem ponn ni na. Taa li joo mi taani ngbaan, ke aa ki teer u pu.

1 Bibɔrb 13:6

Ubɔr Jeroboam nan bui Uwumbɔr aabɔnabr ngbaan ke, “Ŋaanii ki mee Aadindaan Uwumbɔr tii mi, aan u cha ŋŋaal ki pɔɔk.” Uwumbɔr aabɔnabr ngbaan nan mee Uwumbɔr, le ubɔr aaŋaal pɔɔk.

2 Bibɔrb Aabɔr 30:20

Uwumbɔr nan kii Hesekia aameel; u nan di cha pinn binib ngbaan, kaa ŋa bi nibaa.

Job Aagbaŋ 42:8

Tɔ, dandana chuu man inaaja ilole ni ipihja ilole ki di buen Job chee, ki ti toor kitork tii nibaa pu. Job ga mee limeel tii nimi, le m ga kii waameel, ki taa jinn nimi inimɔɔn naah ŋeer pu na. Naa len ibamɔn m pu ke waah len pu na.”

Ilahn 34:15

Uwumbɔr lik binib bi aabimbin ŋan na pu, le ki ŋun baawiil pu;

Nnyam 17:11

N‑yoonn mu Moses yoor uŋaal paacham na, le Israel yaab nyaŋni, n‑yoonn mu uŋaal ti jɔnn taab na kan, le Amalek yaab mu nyaŋni Israel yaab.

Nnyam 9:33

Moses nan siir ubɔr ngbaan chee, le ki nyan kitiŋ ngbaan ni, ki yoor uŋaal paacham, ki mee Uwumbɔr. Le utaal aa nan ki tar, kaa ki nu, le ŋitaatakpal mu aa ki lir.

Ŋiyataŋak 15:29

Uwumbɔr daa bibiindam chee, le ki ŋun binib bi aabimbin ŋan na ma aameel.

Ŋiyataŋak 15:8

Uwumbɔr aa gee bibiindam aatork, le usui piin bininyaam aameel pu.

Ŋiyataŋak 28:9

Aa yaa kaa joo Uwumbɔr aakaal kan, waan ŋun saameel.

Jeremia 15:1

Le Uwumbɔr bui mi ke, “Hali Moses ni Samuel le yaa ba si do ki gaŋni mi kan, maa ba ga san binib bee kinimbaak. Cha bi li cha; taa cha nnimbil ki kan bi.

Jeremia 33:3

“Yin mi, le m ga kii si; m ga bui si tibɔkpaan ni iwaan aawan ni saan nyi naabɔr na.

Jeremia 42:2

le ki nan bui mi, “Ŋaanii ki ŋa taah bui si pu na. Mee Tidindaan Uwumbɔr tii timi. Mee limeel tii timi bi mɔmɔk ŋmar na. N‑yoonn mubaa ti nan ye binib bi wiir na la, tɔ, dandana ma kan, sin aabaa waa ke timi siib kina le gur.

Nkahm 11:2

Le binib ngbaan wii yin Moses ke u ter bi; u nan mee Uwumbɔr, le u cha mmii ngbaan junn.

Matiu 21:22

Ni yaa mee Uwumbɔr ki yaa pak ke u ga ŋa naah mee u pu na kan, u ga ŋa kina tii nimi.”

Matiu 3:6

le ki nan kpiir baatunwanbir tuk Uwumbɔr. Le Jɔnn muin bi nnyun ni, Jɔɔdann aamɔɔl ni.

Tibɔnyaan ti Mak ŋmee ti na 1:5

Le kinipaak nyan Judea aatim mɔmɔk ni, ni Jerusalem aatiŋ ni, ki dan u chee, ki nan kpiir baatunwanbir tuk Uwumbɔr. Le Jɔnn muin bi nnyun ni, Jɔɔdann aamɔɔl ni.

Tibɔnyaan ti Luk ŋmee ti na 9:6

Yesu aah tuk waadidiliib kina ki doo na, le bi siir ki bɔ dii ntim ni, ki mooni tibɔnyaan tee. Baah buen nimɔk na, le bi cha bibum pɔɔk.

Jɔnn 9:31

Ti nyi ke Uwumbɔr aan ŋun titunwanbirdam aameen. Unii yaa dii Uwumbɔr ki ŋa Uwumbɔr aageehn kan, uma le Uwumbɔr ga ŋun waameen.

Lituln 10:38

Ni nyi waabɔr. Uwumbɔr nan nyan u, ki di Waafuur Nyaan gbiin u ki tii u mpɔɔn, ki nan bi u chee. Uwumbɔr aah bi u chee na, le u buen ŋipepel mɔmɔk, ki tun lituln li ŋan na, ki cha binib bimɔk nan bi kinimbɔŋ aaŋaal ni na pɔɔk.

Lituln 19:18

Le binib bi gaa Yesu ki kii na pam nan dan Pɔɔl chee, ki nan kpiir ki tuk u binib aanimbil ni, baah nan ŋani inyɔk pu na. Bi ponn ni pam nan kpa inyɔk aagbann. Le bi di inyɔk aagbann ngbaan see mmii ni, binib mɔmɔk aanimbil ni. Le bi kahn inyɔk aagbann ngbaan aadaak, le ni ye iwiin ŋichur piiŋmu aapal.

Lituln 8:24

Le Simonn bui Piita ni Jɔnn, “Mee Uwumbɔr tii mi, aan saah len tibɔr ti na, ti taa pii mi.”

Rom Yaab 3:10

Ni ŋmee kina le Uwumbɔr Aagbaŋ ni ke, “Unii ubaa aa ye uninyaan,

Rom Yaab 5:19

Unibaan Adam aah nan yii Uwumbɔr aamɔb na, nima le binib mɔmɔk aabɔr bii Uwumbɔr chee. Yesu aah nan kii Uwumbɔr aamɔb na, nima le binib bimɔk gaa uma Yesu ki kii na aabɔr ŋan Uwumbɔr chee.

Kolosiya 1:9

Nima pu le ti mee Uwumbɔr tii nimi, kaa di cha. Buyoonn ti nan ŋun ni pu ki nan saa dandana wee na, le ti mee Uwumbɔr tii nimi, ke ni ga bee waah ban ke ni li ŋani pu na. Ti mee u ke u tii nimi nlan ni bee Waafuur Nyaan aabɔr,

1 Tesalonika 5:17

ki li mee Uwumbɔr n‑yoonn mɔmɔk,

1 Tesalonika 5:23

Uwumbɔr u tii timi nsuudoon na, ŋa nimi aabimbin mɔmɔk chain, ki li joo nimi aawiin, ni nisui, ni nimi aawon mbamɔm, ni taa li kpa taani ubaa bundaln Tidindaan Yesu Kristo ga gir ni na.

1 Tesalonika 5:25

Tinaabitiib, ni mee Uwumbɔr tii timi.

Hiibru Yaab 11:4

Abel nan gaa Uwumbɔr ki kii, nima le cha u nan toor kitork ki ŋan ki jer ukpel Keenn aah toor pu tii Uwumbɔr na. Waah gaa Uwumbɔr ki kii pu na, le Uwumbɔr len ke waabimbin ŋan, le ki gaa waah toor kitork ki tii u na. U kpo, le waah gaa Uwumbɔr ki kii pu na pu, u beenin len.

Hiibru Yaab 11:7

Uwumbɔr nan bui Nowa linimaln li nan choo na pu, le laa kee fuu ni. Nowa aah nan tii Uwumbɔr naadii pu na, le u nan pak waah len pu na, le ki kii waamɔb, le ki kpii buŋɔb bu, u ni waamaal koo ki ŋmar na. Nowa aah nan ŋa kina na, le ni mɔk ke dulnyaa ni yaab biken aabɔr bii Uwumbɔr chee. Nowa nan tii Uwumbɔr naadii, nima le nan cha Uwumbɔr len ke waabɔr ŋan u chee.

Hiibru Yaab 12:13

ki li beenin dii nsan mu tok na, aan binib bi joo beeni na taa yenn; bi mu li dii mbamɔm.

Hiibru Yaab 13:18

Ni li beenin mee Uwumbɔr ki tii timi. Ti nyi ke timi aalandak aa galn timi tiwan nibaa pu. Ti ban ke ti li bi mbamɔm n‑yoonn mɔmɔk la.

Josua 10:12

Nwiin mundaal Uwumbɔr nan di Amor yaab tii Israel yaab bi nyaŋ bi na, le Josua nan len Uwumbɔr chee, Israel yaab aanimbiin ni ke, “Nwiin, sil Gibeonn aapaacham. Uŋmal, sil Aijalonn aafataŋ aapaacham.”

1 Piita 2:24

U nan kpo ndɔpuinkoo pu timi aatunwanbir pu, ki sil timi aasisiiyaan ki gaa timi aatafadaan. Nima pu na, ni di titunwanbir mɔmɔk lii, ki li dii mbimbin mu ŋan na. Waah gaa tigbar ti na pu, le Uwumbɔr tii nimi laafee.

1 Jɔnn 3:22

Ti kii waamɔb la, ki ŋani tiwan ni piir usui na. Nima pu, taah mee u tiwan ni na, u tii timi.

1 Samuel 1:12

Hana nan bi mee Uwumbɔr ni ti yunn pam, le Eli nan ka lik umɔgban.

1 Samuel 12:17

Ni ye lipeel la, naa ye ee? Tɔ, m ga mee Uwumbɔr, le u ga cha utaal nu ki li tar. Nimina yaa ŋa kan, ni ga bee ke ni tun Uwumbɔr titunwanbir ti bir na, ke u tii nimi ubɔr.”

1 Samuel 12:18

Samuel nan mee limeel, le Uwumbɔr cha utaal nun ki tar liyaadaal ngbaan. Le binib ngbaan mɔmɔk san Uwumbɔr ni Samuel mu ijawaan,