Jemisi 5:13 - Uwumbɔr aagbaŋ

¹³ Ni ponn ni ubaa yaa kpa falaa kan, u li mee Uwumbɔr. Ni ponn ni ubaa yaa kpa mpopiin kan, u li gaa ilahn ki pak Uwumbɔr.

UWONBƆR A GBƆNPƆŊ LIKƆƆNL

¹³ Ni ni uba be tibɔmugkaarin naa? Un miɛm Uwonbɔr. Ni ni uba jɔɔ lipoopenl laa? Ni che un gaah ilan ki pag Uwonbɔr.

Jemisi 5:13 ပူးပေါင်းရင်းမြစ်များ

1 Bibɔrb Aabɔr 16:9

Gaa ilahn ki pak Uwumbɔr man, ki tuk binib waah tun ŋitukpaan ŋi na.

Job Aagbaŋ 33:26

le u yaa mee limeel kan, Uwumbɔr ga kii waameel; le u di mpopiin doon Uwumbɔr; le Uwumbɔr ga ki gir ŋa waawan mbamɔm tii u.

Ilahn 105:2

Gaa ilahn ki pak Uwumbɔr man; ki tuk binib waah tun ŋitukpaan ŋi na.

Ilahn 118:5

Buyoonn nsui nan bii na, le m nan yin Uwumbɔr, le u nan kii maayim ki gaa mi lii.

Ilahn 18:6

M yin Uwumbɔr maamukl ni; m yin Maawumbɔr ki ban nterm. Le u bi waadichal ni ki ŋun maaneel; u nan ŋun maaterm aawiil pu.

Ilahn 50:15

Tibɔr yaa dan kan, ni yin mi le m ga gaa nimi lii aan ni ga pak mi.”

Ilahn 91:15

Bi yaa yin mi kan, m ga kii baayim; bi yaa bi tibɔr ni kan, m ga li bi bi chee. M ga nyan bi tibɔr ni, ki nyuŋ bi.

Ilahn 95:2

Cha ti di idoon dan unimbiin ni man, ki gaa mpopiin aapak aalahn man,

Aisaya 65:14

Bi ga di mpopiin gaa ilahn, le nimi ga wii, nisui aah ga li bii pu na.

Daniel 5:4

le ki pak baah di salmaa naan ŋiwaa ŋi na, ni baah di tikunabr, ni tikumann, ni tikur, ni isui, ni ŋitakpal naan ŋi na.

Hosea 6:1

Binib ngbaan len ke, “Cha ti gir Uwumbɔr chee man. U tii timi titotonn, le ki ga sil tii timi laafee; u tii timi ibuun, le ki ga sil ban litaln poo biin i pu, u ga sil ŋa kina.

Jona 2:2

“Uwumbɔr, buyoonn nsui bii na le m yin si, le aa kii maayim ngbaan. M nan bi kitekpiitiŋ ni taab taab ki wii yin si ki ban nterm, le aa ŋun maah yin pu na.

Jona 2:7

Uwumbɔr, buyoonn m dak ke maamɔfal doo na, le m mee si, le aa bi Saadichal li bi chain na ponn ni ki ŋun maameel ngbaan.

Maika 4:5

Litimbol mɔk dooni ki keei laawaal aamɔb la, le ti mɔmɔk ga nan doon ki kii Tidindaan Uwumbɔr aamɔb ki ti saa n‑yoonn mu kaa kpa ndoon na.

Matiu 26:30

Le bi gaa Uwumbɔr aalahn, ki buen Olif aasui aajool paab.

Tibɔnyaan ti Luk ŋmee ti na 22:44

Le Yesu aasui ponn ni wu ki ti nyaŋ. Le u ki mee Uwumbɔr linimaln. Le kitotoŋ naa u, ki ye nsin ki tuu lir kitiŋ.

Tibɔnyaan ti Luk ŋmee ti na 23:42

le ki bui Yesu, “Ndindaan, aa yaa jin saanaan kan, aa teer mbɔr.”

1 Korenti 14:15

Kina pu na, ni ŋan ke m ŋa kinye? M ga mee Uwumbɔr, Waafuur Nyaan aah ga cha m mee pu na, ki mee maalandak mu aah ga cha m mee pu na. M ga gaa ilahn Waafuur Nyaan aah ga cha m gaa pu na, ki gaa ilahn maalandak mu aah ga cha m gaa pu na.

1 Korenti 14:26

Nnaabitiib, maah len pu na ye kinye? Ni yaa nan kuun tɔb chee kan, ubaa ga li ban ke u gaa nlahn, uken mu ga li kpa mmɔkm, ubaa mu ga li kpa Uwumbɔr aah kpiir pu ki tuk u na, uken mu ga li kpa iliin yayan, ubaa mu ga ŋmaa nabr iliin yayan ngbaan. Naah ga ŋa tiwan ni mɔmɔk na, ni li ŋani tiwan ni ga ter Uwumbɔr aanib ke bi dii waasan mbamɔm na.

Efesusi 5:19

ki li gaa Uwumbɔr aalahn ni ilahn i bi waagbaŋ ni na tɔb chee man, ki li yikr tiwanyikrkaan, ki gaa ilahn tii Tidindaan, ki pak u nisui ni.

Hiibru Yaab 5:7

Buyoonn Yesu nan ye unibɔn na, u nan wii tinyunyunn mpɔɔn pu, ki gaŋ Uwumbɔr u ga ŋmaa nyan u nkun ni na. Waah san Uwumbɔr na, le u ŋun waameel.

Jemisi 5:10

Nnaabitiib, bibɔnabr bi nan len Uwumbɔr aayimbil ni na, ni lik baah nan jin falaa ki kpa limɔr pu na, ni ye limɔkl le ki tii nimi.

Tibɔkpiirkaan 14:3

Binib ngbaan bi Uwumbɔr aabɔrjal, ni tiwanfuurkaan ninaa, ni bininkpiib na aanimbiin ni, ki gaa ilahnpɔɔn. Ubaa aan ŋmaa bae nlahn ngbaan see binib ŋichur nkub ni imonko ilee ni ŋinaa bi Uwumbɔr daa bi ki nyan bi dulnyaa wee ni na.

Tibɔkpiirkaan 7:10

ki teen mpɔɔn pu ke, “Timi Aawumbɔr u ka libɔrjal pu na, ni Upihbo ngbaan le nan gaa timi lii.”