Jemisi 5:1 - Uwumbɔr aagbaŋ

¹ Nimi biwankpadam, ni li pel man. Ni li wii ki li kaani falaa u ga pii nimi na pu.

UWONBƆR A GBƆNPƆŊ LIKƆƆNL

¹ Nim bijɔɔndam, ni pela man, ni li mɔra ki li kuun na, nan bu-n fala kan yin dan ni bu-n bu.

Jemisi 5:1 ပူးပေါင်းရင်းမြစ်များ

Ilahn 17:14

Gaa mi binib bi kpa baah ban pu na mɔmɔk dulnyaa wee ni na chee lii. Di saah di ntafadaan mu siin kiir bi na daa bitafal; cha ntafadaan ngbaan gur ki nan pii baabim aan muken mu le kii biyaabitiib.

Ŋiyataŋak 11:28

Binib bi di baanaadii tii liwangol na ga lir ke lipeel aafar na, le binib bi kpa mbimbinyaan na ga kan liwangol ke kiseek ni aafar na.

Ŋiyataŋak 11:4

Nwiin mundaal aa ni nkun ga kan tɔb na, liwankpal aan ŋmaa gaa si lii, le saabamɔn ma ga gaa si lii.

Aisaya 13:6

Li wii man iween pu. Uwumbɔr aawiin duun ni a, bundaal uma Mpɔɔnsakpiindaan ga joo ni libiil na duun ni a.

Aisaya 15:3

Binib bi chuun kitiŋ ponn ni na pee tiwan ni saak kuub na la; kitiŋ ponn ni, ni ŋidichal paab mɔmɔk binib kaani le ki wii ikpowiil.

Jeremia 4:8

Kina pu na, di tiwanpeenkaan ni saak kuub na peen, ki li wii ki kaani, Uwumbɔr aaŋuusakpeln aah kaan fenn cha Juda pu na pu.

Jeremia 9:23

Uwumbɔr ki bui ke, “Bilandam taa li kpa kipupuk baalan pu, binib bi pɔɔ na mu taa li kpa kipupuk baapɔɔn pu, biwankpadam mu taa li kpa kipupuk baawangol pu.

Esekiel 19:2

Aana nan ye uchinnpiikpaan le ichinn ni. U nan kpiin waabim ichinnja i bir na aakaasisik ni la.

Esekiel 30:2

“Unibɔn, nabr ki moon min Dindaan Uwumbɔr aah len pu na. Aa teen ŋimɔbon ŋimina mpɔɔn pu ke: Ijawasakpiin aawiin mubaa choo,

Joel 1:11

Nimi bi ye bikpaab na, li wii man; nimi bi lik nimi aakpaakon na, li wii man, ba pu? idi, ni imuul, ni tijikaar mɔmɔk bii doo a.

Joel 1:13

Nimi bitotoorb bi dooni Uwumbɔr waatork aabimbiln taab na, peen tiwan ni saak kuub na ki li wii man. Li cha Uwumbɔr Aadichal ni ki ti li wii ikpowiil, ki taa geen man. Njikaabim ni ndaan aa bi ni di toor kitork tii nimi Aawumbɔr.

Joel 1:5

Finn ki li wii man, nimi bidagbiib; nimi bi ye bidanyurb na, li wii man; ŋisubil ŋi bi joo ŋaa ndapɔm na mɔmɔk bii doo a.

Maika 6:12

Nimi aawankpadam ji bigiim pem pem la, le ni mɔmɔk ye binyamɔndam.

Sefania 1:18

Nwiin mundaal Uwumbɔr ga mɔk waaŋuul na kan, hali baakunabr ni salmaa aan ŋmaa gaa bi lii. Waaŋuul li wu ke mmii na le ga kuln kitiŋ kee mɔmɔk. U ga kuln unii umɔk bi kitiŋ kee pu na aamɔfal mala.

Ikaal 32:15

Uwumbɔr aanib ngbaan nan kan liwangol, le ki tee kpa tafalaaŋun. Bi nan ji ti babr, le ki filk. Bi nan yii Uwumbɔr u naan bi, ki ye Mpɔɔnsakpiindaan u gaa bi lii na.

Jemisi 1:11

Nwiin yaa puu ki toŋ kan, le timoor ga yɔl, le mmopuun gbaar, kaa ki kpa kinyaan. Kina le biwankpadam mu ga kpo, ki cha baawan mɔmɔk.

Jemisi 2:6

Nimi le lik bigiim fam. Bilabi muk nimi ki joo nimi tii bibɔjirb? Naa ye biwankpadam aa?

Jemisi 4:13

Li pel man, nimi bi len ke, “Din, ke nibaakan fen, ti ga fe buen kitiŋ kibaa ni, ki ti ŋa nima libiln libaa, ki daa tiwan, ki ŋa kitiirk ki kan tinyoor,”

Jemisi 4:9

Ni li kpa mpombiin nimi aatunwanbir pu, ki li wii. Cha nimi aalaar kpaln iwiil. Cha nimi aapopiin kpaln mpombiin.