Jemisi 4:9 - Uwumbɔr aagbaŋ

⁹ Ni li kpa mpombiin nimi aatunwanbir pu, ki li wii. Cha nimi aalaar kpaln iwiil. Cha nimi aapopiin kpaln mpombiin.

UWONBƆR A GBƆNPƆŊ LIKƆƆNL

⁹ Ni li jɔɔ npoobiin na, ki li mɔr ki kuun na. Kpenn ni laar ŋa timɔra ki che ni mɔm nlabir lisufubiila.

Jemisi 4:9 ပူးပေါင်းရင်းမြစ်များ

Nehemia 8:9

Binib ngbaan aah ŋun Nkaal ngbaan aah ban ke bi ŋa pu na, ni nan muk bi sakpen le bi piin ki bi wii. Kina pu na, Nehemia, u nan ye baayidaan na, ni Esra, u nan ye utotoor ki mu bee Nkaal ngbaan mbamɔm na, ni Liifai yaab bi nan tuk binib ngbaan mu aatataa na bui binib ngbaan ke, “Nwiin mumina ye nwiin mu bi chain ki tii Nidindaan Uwumbɔr na la, kina pu na, ni taa wii, ki taa kpeeni mu.

Job Aagbaŋ 30:31

Nin chee m nan ŋun mpopiin aalahn pu na, m gur ŋun ikpowiil ni iwiil pu la.

Ilahn 119:136

Binib aah yii saakaal pu na cha m wii, le maanyunyunn ti puu ke limɔɔl na.

Ilahn 119:67

Waahr aan aa nin daa ntafal na, m nan tun taani; tɔ, dandana ma kan, m kii saamɔb.

Ilahn 119:71

Maatafadaan nan ŋan tii mi la, ba pu? mu cha m bae saakaal.

Ŋiyataŋak 14:13

Tilaar ga ŋmaa bɔr mpombiin. Tilaar ngbaan yaa ti doo kan, mpombiin ngbaan ga li beenin bi.

Ulandaan 2:2

M nan kan ke tilaar ye kijɔrk la. M nan bee ke mmɔɔn aa tii unii tinyoor tibaa.

Jeremia 31:13

Bisapɔm ga li kpa mpopiin le ki waa liwaal, le bijab bi por na, ni binachipɔm ga li mɔɔni. M ga sɔŋ bisui ki cha baakpowiil kpaln mpopiin, ki cha baasuugar kpaln mmɔɔn.

Jeremia 31:9

Maanib ga li wii le ki mee limeel, le m cheeni bi choo. M ga mɔk bi ikpen i kpa nnyun na chee, ki di bi chuun isan i pu joon aan baan gbeer nibaa na. M bi ke te na le Israel yaab chee, le Efraim ye maaboja.”

Inandalahn 5:15

Taa ki kpa mpopiin; mpombiin cha taa ki waa liwaal.

Esekiel 16:63

M ga di cha pinn si saah tun taani u mɔmɔk na, aa mu tee ga teer taani ngbaan bɔr, le inimɔɔn ga chuu si sakpen, le saan ki ŋmaa waar aamɔb.” Aadindaan Uwumbɔr le len kina.

Esekiel 7:16

Bibaa ga san buen ŋijoo ni ke ŋinanjel ŋi tiwan faani ŋi tifatann ni na la. Bi mɔmɔk ga li du baatunwanbir pu.

Matiu 21:41

Le bitotoorninkpiib ni Juu yaab ngbaan bui ke, “U ga sil ku titunwanbirdam ngbaan, ki di kisaak ngbaan tii bikpaab bi ga li bilni u waasubil ŋibin mɔmɔk na.”

Matiu 5:4

Binib bi kpa mpombiin baatunwanbir pu na, Uwumbɔr aanyoor bi bi pu; u ga sɔŋ bisui.

Tibɔnyaan ti Luk ŋmee ti na 16:25

“Le Abraham bui u, ‘Maabo, teer ke saah nan bi limɔfal ni na, aa nan bi ji saamɔɔn la. Lasarus mu nan bi ji falaa la. Dandana wee Lasarus aasui sɔŋ do chee na. Aa mu bi ji falaa la.

Tibɔnyaan ti Luk ŋmee ti na 6:21

Nimi bi nkon joo nimi dandana na, Uwumbɔr aanyoor bi ni pu; ni ga nan ji ki bab. Nimi bi wii dandana na, Uwumbɔr aanyoor bi ni pu; ni ga nan laa.

Tibɔnyaan ti Luk ŋmee ti na 6:25

Nimi bi ji babr dandana na, tibɔbir ga li bi ni pu. Nkon ga nan chuu nimi. Nimi bi laa dandana na, tibɔbir ga li bi ni pu. Ni ga nan li kpa mpombiin ki li wii.