Jemisi 4:8 - Uwumbɔr aagbaŋ

⁸ Ni foor malni Uwumbɔr man, le u mu ga foor mal nimi. Nimi titunwanbirdam, di nimi aatunwanbir lii man. Nimi bi ban ni dii dulnyaa aasan, ni Uwumbɔr aasan mu na, toor nisui man.

UWONBƆR A GBƆNPƆŊ LIKƆƆNL

⁸ Ni fɔɔr mal Uwonbɔr a, wee Uwonbɔr mu nfɔɔr ki mal ni. Nir ni nɔɔi ya, nim tibirdam nan, ki ŋa ni sufu kasiu, nim ipotiɛ ilelee dam nan.

Jemisi 4:8 ပူးပေါင်းရင်းမြစ်များ

Mpiin 18:23

Abraham nan baa Uwumbɔr ke, “Aa ga sil kpaan bii bininyaam ni titunwanbirdam mɔmɔk aa?

1 Bibɔrb Aabɔr 28:9

Le u bui Solomonn mu ke, “Maabo, aa li nyi aate Aawumbɔr ki li dii u ni aasui mɔmɔk ni lineen. U nyi timi aalandak ni timi aageehn mɔmɔk. Aa yaa di aabaa tii u kan, u ga gaa si; tɔ, aa yaa fenn aapuwɔb tii u kan, u ga siir cha si kookoo la.

2 Bibɔrb Aabɔr 15:2

le u buen ki ti tooh Ubɔr Asa nsan pu. U nan teen ki len ke, “Ubɔr Asa, ni Juda, ni Benjaminn aanib bee mɔmɔk, n‑yoonn mumɔk ni bi Uwumbɔr chee na, u mu bi ni chee. Ni yaa ban u kan, u ga cha ni kan u, le ni yaa fenn nipuwɔb tii u kan, u ga di nimi lii.

Job Aagbaŋ 16:17

m mu aa kpa titunwanbir tibaa aagalm, maameel li chaa Uwumbɔr chee na aa kpa tijɔŋ.

Job Aagbaŋ 17:9

Binib bi bui ke bi ye kipak aanib na moo kani ntaakpab pɔɔn ke bima le kpa mbamɔn.

Job Aagbaŋ 9:30

Bukiib bubaa aan ŋmaa finn nyan maatunwanbir.

Ilahn 119:113

M nan binib bi kaa di bisui mɔmɔk tii si na, le ki tee gee saakaal ma.

Ilahn 145:18

U bi duun binib bi yin u ni bisui mɔmɔk na.

Ilahn 18:20

Maah tun ni ŋan na pu na, le Uwumbɔr pan mi kina aapal; maah kaa tun taani ubaa pu na, le u ŋani waanyoor ŋani m pu.

Ilahn 24:4

Binib bi aabimbin ni baalandak ŋan na, kaa dii ŋiwaa, kaa puur tipuur ti kaa gbiini na, bima baanja le kpa kina aasan.

Ilahn 26:6

Uwumbɔr, m ŋir ŋŋaal le ki mɔk ke maa kpa taani ubaa, le ki chuun manni saatork aabimbiln ki dooni si.

Ilahn 51:10

Uwumbɔr, naan nsui mu ŋan na tii mi, ki di nsuupɔɔn mu ga kii saamɔb na tii mi.

Ilahn 73:13

Maah cha maabimbin ŋan aan maa tun titunwanbir na ye fam la aa?

Ilahn 73:28

Mma chee kan, ni ŋan ki ti nyaŋ ke m li duun Uwumbɔr; ni ŋan ti nyaŋ ke m kan Ndindaan Uwumbɔr chee nkiirm, ki moon waah ŋa pu na mɔmɔk.

Aisaya 13:15

Bi ga di kijuk saa ku unii umɔk bi ga chuu u na.

Aisaya 29:13

Uwumbɔr bui ke, “Binib bimina bui ke bi dooni mi la, le baadoon aa kpa tataa, bisui bi nibaa wɔb la. Bi joo biyaajatiib aakaal i bi di ŋa bisui ni ki ŋmaa teer i n‑yoonn mɔmɔk na la, ke ni ye Uwumbɔr aakaal la.

Aisaya 58:2

Binib bee dooni mi iwiin mɔmɔk, ki len ke bi neen ke bi li nyi maabimbin ki kii maakaal. Bi bui ke bi ban m tii bi ikaal i bi chob na la, ki bui ke bi neen ke bi li dooni mi.”

Jeremia 4:11

N‑yoonn choo, le bi ga nan bui Jerusalem aanib ke libuln li ton sakpen na nyan nteersakpiin ni ki choo bi chee. Laan li ye libuln li bi suuna ki daar tigbengbir cha na.

Jeremia 4:14

Jerusalem aanib, finn nyan tibir ti bi nisui ni na, aan ki ŋmar. Ni ga li dak tilandakwanbir ki ti saa bayoonn?

Inandalahn 3:57

Aa nan ŋun le ki bui mi ke m taa san ijawaan.

Esekiel 18:31

Di cha titunwanbir ti mɔmɔk ni tun na man, ki ban isuupɔɔn, ni ilandak pɔɔn tii nibaa. Ba ŋa nimi Israel yaab ban ke ni kpo?

Sekaria 1:3

le m bui nimi dandana wee ke, ‘Gir ni m chee man aan m mu gir ni ni chee.

Malakai 3:7

Ni bi ke niyaajatiib la, le ki yii maakaal, kaa joo i. Fenn gir ni m chee man, aan m mu fenn gir ni ni chee. Min Uwumbɔr Mpɔɔnsakpiindaan le len kina. Le ni baa ke, ‘Ti ga ŋa kinye ki fenn gir ni aa chee?’

Matiu 12:33

“Busub yaa ŋan kan, bu aasubil ga li ŋan. Bu yaa kaa ŋan kan, bu aasubil mu aan li ŋan. Bu aasubil pu le aa ga bee bu aah ye busub bu na. Kina le unii aatuln pu le ga cha aa bee ke u ŋan aan waa ŋan.

Matiu 15:2

“Ba ŋa saadidiliib bii tiyaajatiib aakaal, kaa ŋir biŋaal aan ki nin ji tijikaar?”

Matiu 27:24

Pailat mu kan ke waan ŋmaa ŋa nibaa, le ki ban nnyun, ki ŋir uŋaal binimbil ni, ki len ke, “Uja nyaan ngbaan aasin aa bi ŋŋaal ni. Ni ye nimi aabɔr la.”

Lituln 15:9

Waah ŋa kina na, u mɔk ke u pak binib bi kaa ye Juu yaab na mu. Waa yakr timi. U po dak ke binib mɔmɔk ye tiwanbaan la. Baah gaa u ki kii na, le u finn bisui ni titunwanbir.

2 Korenti 7:1

Maanigeekaab, Uwumbɔr aah puu tipuur tee ki tii timi na, cha ti di cha lituln li kaa ŋan na mɔmɔk, ni ilandak i kaa ŋan na mɔmɔk, ki li san u, ki li ye binib bi bi chain ki doo na.

1 Timoti 2:8

M ban ke bijab bi bi ŋipepel mɔmɔk na mee Uwumbɔr, ki yoor iŋaal paacham. Bi li ye binib bi bi chain na, ki taa li kpa liŋuul, ki taa li kpa kinikpakpak.

Hiibru Yaab 10:22

Nima pu na, cha tisui li bi mbamɔm, aan ti duun Uwumbɔr chee, ki gaa u ki kii mbamɔm ki taa joo beeni; ba pu? Yesu Kristo aasin finn tisui ni aatunwanbir, timi aalandak taa ki li muk timi titunwanbir pu. Le bi finn timi aawon nnyun mu bi chain na ni.

Jemisi 1:8

Ulandak aa si tiwanbaan pu, u saa labr, ki nya do, ki ti saa do la.

Jemisi 3:17

Le unii u kpa nlan mu nyan ni Uwumbɔr chee na, u bi chain, ki kpa nsuudoon, ni mbimbisuuna, ki ŋun tii binib, ki kpa linimbaasaln sakpen, ki tun litunyaan sakpen, kaa kpa imaagann, ki ye mbamɔndaan.

1 Piita 1:22

Ni kii Uwumbɔr aabɔr ti gbii na la. Nima le cha nimi aabimbin bi chain. Le ni sil gee ninaabitiib. Nima pu na, ni li beenin gee tɔb mbamɔm.

1 Piita 3:21

Nnyun ngbaan le ye baah muini binib nnyun ni na aamɔkl. Dandana wee, bi yaa muin nimi nnyun ni kan, ni ŋmar a; ba pu? Yesu Kristo nan fikr nkun ni. Nima le cha ni ŋmar. Bi yaa muin nimi nnyun ni kan, naa ye ke bi fu nimi aawon nnyun tiwon aajɔŋ pu la. Ni ye ke ni di titunwanbir di lii, ki puu tipuur ke ni ga dii Uwumbɔr.

1 Jɔnn 3:3

Unii umɔk kpa Yesu pu limakl ngbaan na, u ŋani ubaa chain la, ke Yesu aah ye chain pu na.

1 Samuel 14:35

Sɔɔl nan maa waajan aatork aabimbiln tii Uwumbɔr nima la.