Jemisi 4:7 - Uwumbɔr aagbaŋ

⁷ Nima pu na, ni kii Uwumbɔr aamɔb man. Ni yii kinimbɔŋ man, le ki ga san nya ni chee.

UWONBƆR A GBƆNPƆŊ LIKƆƆNL

⁷ Mambu ni taam niba ki sei Uwonbɔr a. Ni tom Sintani, wee un guun ki jiɛn ni.

Jemisi 4:7 ပူးပေါင်းရင်းမြစ်များ

2 Samuel 15:26

Tɔ, u yaa kaa lik faar mi kan, cha u ŋa mi waah gee pu na,”

2 Bibɔrb Aabɔr 30:8

Taa li kpa tafalaaŋun ke baah nan kpa pu na man, ni tee kii Uwumbɔr aamɔb. Dan man Uwumbɔr Aadichal li Nidindaan Uwumbɔr ŋa li chain n‑yoonn mɔmɔk aan li bi Jerusalem ni na ni, ki nan doon u aan waaŋuul sɔŋ ni pu.

Job Aagbaŋ 1:21

ki nan bui ke, “Baah nan ma mi na, maa nan joo ni nibaa, le ki ga nan kpo, kaa joo nibaa. Uwumbɔr nan tii, uma le ki gaa. Pak waayimbil man.”

Ilahn 66:3

Bui Uwumbɔr ke, “Saah ŋa tiwan ni na nyaŋ a. Saapɔɔn nyaŋ, le saadim san ijawaan ki gbaani aanimbiin ni.

Ilahn 68:30

Kae kipeewanbiik Ijipt u bi likal ni na; kae ŋitimbol ŋi ye inaaja ni yaanaabi na, ki ti saa buyoonn bi mɔmɔk ga nan gbaan ki tii si tikunabr aapiin na. Yaa binib bi gee butɔb na.

Jeremia 13:18

Le Uwumbɔr bui mi ke, “Bui ubɔr ni una ke bi fii baabɔrjal pu, ba pu? baabɔryikpupur ti ŋan sakpen na chikr lir kitiŋ a.

Daniel 4:25

Bi ga jenn nyan si binib chee, le aa ni ipeel ga ti li kpaan koo tɔb chee. Aa ga ŋmɔ timoor ke unaa na ki doo lipaal, nin chee limaln ga li lir aa pu na, ki ti saa ŋibin ŋilole. N‑yoonn ngbaan le aa ga tii naadii ke Uwumbɔr u kaa kpa ŋeen aatɔ na le kpa mpɔɔn unibɔn aanaan mɔmɔk pu, le ki ga ŋmaa di mu tii unii umɔk u gee na.

Daniel 4:32

Bi ga jenn nyan si binib chee, le aa ni ipeel le ga li kpaan koo tɔb chee, le aa li ŋmɔ timoor ke unaa na ki ti saa ŋibin ŋilole. N‑yoonn ngbaan le aa ga tii naadii ke Uwumbɔr u kaa kpa ŋeen aatɔ na kpa mpɔɔn unibɔn aanaan mɔmɔk pu, ki ga di mu tii unii umɔk u gee u na.”

Matiu 11:29

Gaa maatuln man, ki bae mbaem m chee; m bi suuna, ki sunn mbaa taab. Ni ga kan lifuur;

Lituln 26:19

“Ubɔr Agripa, maah kan lijinjiir aawan paacham pu na, le m kii Yesu aamɔb.

Lituln 9:6

Fii sil, ki li cha kitiŋ ngbaan ni. Aa yaa ti fuu kan, bi ga tuk si saah ga ŋa pu na.”

Rom Yaab 10:3

Baa nyi Uwumbɔr aah ŋa pu aan ki len ke binib aabɔr ŋan u chee na. Bi nan ban ke bi dii nkaal aan ki ŋmar, ki yii Uwumbɔr aah ŋa pu ki cha binib aabɔr ŋan u chee na.

Rom Yaab 14:11

Ni ŋmee Uwumbɔr Aagbaŋ ni ke uma Uwumbɔr len ke, “Ni ye mbamɔn, binib mɔmɔk ga dan nan gbaan nnimbiin ni, ki pak mi, ke min le ye Uwumbɔr.”

Efesusi 4:27

ki taa tii kinimbɔŋ nsan.

Efesusi 5:21

Tɔ, naah san Uwumbɔr pu na, ni li keei tɔb aamɔi.

Efesusi 6:13

Nima pu na, ni yoor tijawan timɔk Uwumbɔr tii timi na. Nima le ga cha ni yii kinimbɔŋ, ki nyaŋ ki, ki li beenin si bundaln ki ga jan nimi kijaak na.

Hiibru Yaab 12:9

Titetiib bi ma timi na nan dar titafal la, le ti pak bi. Nima le ni ŋan ke ti kii Tite Uwumbɔr u bi paacham na aamɔb ki jer kina, aan ki kan limɔfal.

1 Piita 2:13

Tɔ, ni li keei nimi aaninkpiib mɔmɔk aamɔi Tidindaan pu. Ni li keei nimi aabɔrkpaan u joo binib mɔmɔk na aamɔb.

1 Piita 5:6

Nima pu na, ni li sunni nibaa taab, Uwumbɔr u yeh mpɔɔn mɔmɔk na aaŋaal ni. Le ni yaa nan ŋeer kan, u ga nyuŋ nimi.

1 Samuel 3:18

Kina pu le Samuel bui u ti mɔmɔk; waa nan di tibaa bɔr u. Le Eli bui ke, “Uma le ye Uwumbɔr. Cha u ŋa waah ban pu na.”