Jemisi 4:6 - Uwumbɔr aagbaŋ

⁶ Tɔ, Uwumbɔr tii timi nterm ki jer kina, le waagbaŋ len ke, “Uwumbɔr yiil kalmbaanidam, le ki lik faar binib bi sunni bibaa taab na.”

UWONBƆR A GBƆNPƆŊ LIKƆƆNL

⁶ Amaa le u san ti kunyunyunbaag takpem. Mambu le Uwonbɔr a bɔr len ke, “Uwonbɔr yiin kalanbaanidam le, amaa le ki sin san ban jɔɔ jiininba kunyunyunbaag.

Jemisi 4:6 ပူးပေါင်းရင်းမြစ်များ

2 Bibɔrb Aabɔr 32:26

Tɔ, kookoo na, Hesekia ni Jerusalem aanib nan sunn bibaa taab, le Uwumbɔr aa nan ki daa binib ngbaan aatafal ki ti saa buyoonn Hesekia kpo na.

2 Bibɔrb Aabɔr 33:12

Waafalaa ni, le u sunn ubaa taab, ki fenn toŋ Udindaan Uwumbɔr, ki gaŋ u ke u ter u.

2 Bibɔrb Aabɔr 33:19

Ubɔr ngbaan aameel, ni Uwumbɔr aah nan kii li pu na, ni waah nan tun titunwanbir ti ki nin kpeln waabimbin na, ni tibɔbir ti u nan ŋa na, ni waah nan maa tiwaadir ti na, ni liwaapii Asera aanaŋ ti u nan naan na, ni ŋiwaa ŋi u nan dooni na, mɔmɔk mu bi Uwumbɔr aabɔnabtiib aagbaŋ ni.

2 Bibɔrb Aabɔr 33:23

Tɔ, uma aa nan tee sunn ubaa taab ke ute na ki fenn toŋ Uwumbɔr. U nan kpaan ye utunwanbirdaan ki jer ute.

2 Bibɔrb Aabɔr 34:27

le aa kpeln saabimbin ki sunn aabaa taab nnimbiin ni, ki daa kar saawanpeenkaan ki wii buyoonn aa ŋun maah nyan sil ke m daa Jerusalem aatiŋ, ni kaanib aatafal pu na. M ŋun saameel,

Job Aagbaŋ 22:29

Uwumbɔr sunn bigaadam taab le ki gaal binib bi sunn bibaa taab na lir.

Ilahn 138:6

Aa bi paacham paacham la, le aatafal tee bi binib bi sunn bibaa taab na ni, le binib bi kpa kigaak na aan ŋmaa bɔr si.

Ilahn 9:12

Uwumbɔr teer binib bi ji falaa na pu; waa suln baawiil bɔr, le ki dar binib bi tun bi taani na aatafal.

Nnyam 18:11

Dandana wee, m bee ke Uwumbɔr le jer ŋiwaa mɔmɔk, ba pu? Ijipt yaab aah nan lik seen Israel yaab pu na, le u daa bitafal kina.”

Ŋiyataŋak 15:33

Aa yaa san Uwumbɔr kan, ni ye inimbiwoln la. Waahr aan aa kan bunyuŋ na, see aa suln aabaa taab.

Ŋiyataŋak 18:12

Unii yaa kaa sunn ubaa taab kan, waan ŋmaa kan kipak; binib bi yoor bibaa paacham sakpen na bi nkun aasan ni la.

Ŋiyataŋak 22:4

Li san Uwumbɔr ijawaan ki pak u, ki sunn aabaa taab, le ki kan liwangol, ni kipak, ni limɔfal li fɔk na.

Ŋiyataŋak 29:23

Kigaak le ga joo ni saadoon, le aa yaa sunn aabaa taab kan, aa kani kipak ni lisil.

Ŋiyataŋak 3:34

Waa di binib bi kpa kigaak na yin nibaa, le ki lik faar binib bi sunn bibaa taab na.

Aisaya 2:17

Unibɔn aagaak ga doo, le unibɔn aakalmbaani mu kuln. Ŋiwaa mɔmɔk ga kuln, le Uwumbɔr baanja le ga kan kipak ni nnyuŋ nwiin ngbaan daal.

Aisaya 54:7

“M nan san cha si siib; le ki ga ki di ngeehm yoor si.

Aisaya 57:15

“Min le ye paacham Aawumbɔr u bi chain ki bi n‑yoonn mɔmɔk na. M bi nin chee paa ki bi chain na la, le ki mu ki bi binib bi sunn bibaa taab aan bisui bii buyoonn bi bee ke bi tun titunwanbir na chee, ki ga pɔɔk bitaakpab ki sɔŋ bisui.

Daniel 4:37

“Le dandana wee, min Nebukadnesar pak ki nyuŋ Paacham Aabɔrkpaan ngbaan ki tii u kipak. Waah ŋani tiwan nimɔk na ye mbamɔn ki tok, le u ga ŋmaa sunn binib bi kpa kigaak na taab.”

Matiu 13:12

Unii u kpa nlan ki bee Uwumbɔr aanaan aabɔr na, Uwumbɔr ga kpee u, le u li kpa sakpen. Unii u kaa kpa na, Uwumbɔr ga chuu gaa waah kpa mu pɔkaa na.

Matiu 23:12

Unii umɔk nyuŋ ubaa na, Uwumbɔr ga sunn u taab. Unii umɔk sunn ubaa taab na, Uwumbɔr ga nyuŋ u.”

Tibɔnyaan ti Luk ŋmee ti na 1:52

U nyan bibɔrkpaam baanaan ni, ki nyuŋ bigiim.

Tibɔnyaan ti Luk ŋmee ti na 14:11

Naatataa le ye ke unii umɔk nyuŋ ubaa na, Uwumbɔr ga sunn u taab. Unii umɔk sunn ubaa taab na, Uwumbɔr ga nyuŋ u.”

Tibɔnyaan ti Luk ŋmee ti na 18:14

M tuk nimi la, Uwumbɔr len ke ulampoogaar ngbaan aabɔr le ŋan, waa len ke Farisii aanii ngbaan aabɔr ŋan; ba pu? unii umɔk nyuŋ ubaa na, Uwumbɔr ga sunn u taab. Unii umɔk sunn ubaa taab na, Uwumbɔr ga nyuŋ u.”

Jemisi 4:10

Ni sunn nibaa taab man Tidindaan aanimbiin ni, le u ga nyuŋ nimi.

1 Piita 5:5

Nimi bi kaa por na, ni li keei binib bi kpeln nimi na aamɔb. Ni mɔmɔk li sunni nibaa taab, ki li ter tɔb. Ba pu? Uwumbɔr Aagbaŋ len ke, “Uwumbɔr yiil kalmbaanidam, le ki lik faar binib bi sunni bibaa taab na.”

1 Samuel 2:3

Di cha nimi aapupuk ngbaan man; ŋmin man nimi aagaak aamɔliin ngbaan; ba pu? Uwumbɔr ye Uwumbɔr u nyi na la, le ki nyi binib mɔmɔk aah ŋani pu na.