Jemisi 4:2 - Uwumbɔr aagbaŋ

² Ninimbil man tiwan pu la, le naa kpa. Nima le ni ku binib. Tiwan aakpeek bi nisui ni la, le naa ŋmaa kan ni, nima le ni jaa kijaak, le ki to butɔb. Naah kaa mee Uwumbɔr ke u tii nimi na, nima le naa kpa.

UWONBƆR A GBƆNPƆŊ LIKƆƆNL

² Ni ban niba amaa le kaa ga ni. Ni bu le ni jɔɔ linunchɔril ki ku bininfob, amaa naa li fir kan nan wee ni ban nmɔn ni. Ni jɔɔ imɔkpel ki kɔn nin tab. Naa jɔɔ naah ban nan nni, nan bu-n naa miɛ Uwonbɔr i.

Jemisi 4:2 ပူးပေါင်းရင်းမြစ်များ

1 Bibɔrb 21:6

Le u gar u ke, “Ni ye Nabof aah tuk mi tibɔr ti na pu. M bui u ke u cha m daa waasubil aasui aasaak, u yaa ti ki gee kan, m ki tii u kitiŋ kiken kima ngbaan pu, le u yii ke waan tii mi.”

Ŋiyataŋak 1:19

Unii umɔk su nnaayupɔɔn na aamɔfal door la. Unii umɔk aabimbin bir na aadoon le ye nkun.

Ulandaan 4:8

Uja ubaa le bi ki koo ubaa. Waa kpa bo, kaa kpa naal, bee kpel mu, le ki mu tee tun lituln n‑yoonn mɔmɔk. Unimbil aa nan gbiin liwangol li u kpa na. U bi tun tii ŋma, kaa tii ubaa mpopiin? Nimina mu ye fam la, kina aabimbin ye falaa la.

Aisaya 7:12

Le Ahas giin bui u ke, “Maan cha Uwumbɔr tii mi limɔkl. M yii ke maan tɔŋ Uwumbɔr.”

Habakuk 2:5

Mbamɔn, liwangol ŋmanni unii la, u kpa kigaak le kaa tee kpa lifuur ma. Waah kpa kikumɔŋ ke likaakul ki bi ke nkun na, waa babr tiwan nibaa, le ki nyaŋni ŋitimbol ki chur binib mɔmɔk tinaagbiir.

Jɔnn 16:24

Naa kee mee Uwumbɔr tiwan nibaa maayimbil pu, ki nan saa din. Ni li mee u, le ni ga kan, ki li kpa mpopiin mbamɔm.”

Jɔnn 4:10

Le Yesu bui u, “Aa yaa ba nyi Uwumbɔr aah tii binib pu na, ki yaa ba nyi unii u mee si nnyun na kan, aa ba ga bui u ke u tii si nnyun mu ye limɔfal aanyun na, le u ba ga tii si.”

Jemisi 1:5

Ni ponn ni ubaa yaa lann nlan kan, cha u mee Uwumbɔr, le u ga tii u; ba pu? Uwumbɔr tii binib mɔmɔk sakpen, kaa jinni ubaa inimɔɔn.

Jemisi 5:6

Nimi le bii bininyaam ki ku bi, le baa kpa mpɔɔn bi nyan bibaa nimi aaŋaal ni.

1 Jɔnn 3:15

Unii umɔk nan una aabo na, u ye unikur la. Ni nyi ke unikur ubaa aa kpa limɔfal li kaa kpa ndoon na.