Jemisi 4:14 - Uwumbɔr aagbaŋ

¹⁴ naa nyi tiwan ni ga fe ŋa fen na. Nimi aamɔfal bi kinye? Li naahn likpakpal li ŋub siib ki ki kpaan woln na la.

UWONBƆR A GBƆNPƆŊ LIKƆƆNL

¹⁴ Ba ŋaa? Naa nyi nan wo li ŋa won ni. A miɛfol ye baa? Ni nann le ke liŋunl kaa lu ke naa yuur wee ki fɔr man ni.

Jemisi 4:14 ပူးပေါင်းရင်းမြစ်များ

2 Samuel 19:34

Le Basilai gar u ke, “Maan ki yunn; m ga ki dii si, Mpɔɔndaan, buen Jerusalem ni, ki ti ŋa ba?

Ilahn 102:3

Maamɔfal bi wɔŋni ke iŋmanyuu na la; nwon bi wu ke mmii na la.

Ilahn 144:4

U bi ke litakpiln libaa aabuln na la; waamɔfal naahn kijunjuŋ ki bi jer na la.

Ilahn 39:5

Aa kuln maamɔfal mala. Aa chee kan, maamɔfal aayoonn aa ye nibaa. Mbamɔn, unibɔn aamɔfal aa jer litakpiln libaa aabuln,

Ilahn 78:39

U nan teer ke bi ye binibɔm la, ki naahn libuln li daar jer cha na la.

Ilahn 89:47

Teer ke maamɔfal aa fɔk; teer ke aa naan ti mɔmɔk aan ti ye tiwan ni ga kpo na la.

Ŋiyataŋak 27:1

Taa li kpa kipupuk fen u ga woln na pu, saa nyi ni ga ŋa dandana wee ni n‑yoonn ngbaan aakaasisik ni na.

Aisaya 2:22

Aa yaa di aabaa tii unibɔn u ga kpo na kan, ba aanyoor bi kpa?

Aisaya 38:12

Maamɔfal nan gii ki kuln, ke baah ber libool pu na, ke ukpaluul aah gii likekeln kikpaluudaak ni pu na. M nan dak ke Uwumbɔr doo maamɔfal la.

Jemisi 1:10

Waah sunn tinaabitiib bi ye biwankpadam na taab na, bi mu li kpa mpopiin; ba pu? bi ga jer ke mmopuun aah gbaar mala pu na.

1 Piita 1:24

Ni ŋmee Uwumbɔr Aagbaŋ ni ke, “Binib mɔmɔk bi ke timoor na la. Baanyaan bi ke mmopuun na la. Timoor yɔl mala, le mmopuun mu gbaar,

1 Piita 4:7

Tɔ, ni gur siib le tiwan mɔmɔk ga doo. Nima pu na, ni li kpa laasaab, ki chur nibaa, ki mee Uwumbɔr.

1 Jɔnn 2:17

Dulnyaa wee ga doo. Tiwan ni binib aanimbil man ni pu na, ni mu ga doo. Unii umɔk ŋani Uwumbɔr aageehn na ga li bi n‑yoonn mu kaa kpa ndoon na.