Jemisi 4:10 - Uwumbɔr aagbaŋ

¹⁰ Ni sunn nibaa taab man Tidindaan aanimbiin ni, le u ga nyuŋ nimi.

UWONBƆR A GBƆNPƆŊ LIKƆƆNL

¹⁰ Jiin ni ba ki sei Uyudaan na, wee Un yuur ni paab.

Jemisi 4:10 ပူးပေါင်းရင်းမြစ်များ

2 Bibɔrb Aabɔr 7:14

aan bi yaa mee limeel m chee ki kpeln baabimbin ki yii baah tun titunwanbir ti na kan, le m ga li bi paacham ki ŋun baameel ngbaan, ki di baatunwanbir cha pinn bi, ki ki cha baatiŋ ŋa tinyoor.

Job Aagbaŋ 22:29

Uwumbɔr sunn bigaadam taab le ki gaal binib bi sunn bibaa taab na lir.

Job Aagbaŋ 5:11

Mbamɔn, Uwumbɔr le fiini unii u sunn ubaa taab na paacham le ki tii unii u wii ikpowiil na mpopiin.

Ilahn 113:7

U fiini bigiim bi dɔ titan ni na siini paacham; ki nyani binib bi kaa kpa tiwan na baanimbaak ni,

Ilahn 147:6

U fiini binib bi suln bibaa taab na paacham, le ki tee wɔi bibiindam bilni kitiŋ.

Ilahn 27:6

aan m kan linyaŋ maadim bi mann goln mi na pu. M ga di mpopiin aafuuk toor kitork Waadichal ni; M ga gaa ilahn, m ga pak Uwumbɔr.

Ilahn 28:9

Uwumbɔr, gaa saanib lii, ki ŋa saanyoor ŋa saah yeh binib bi na pu, ki li ye u kpaa bi ki lik bi pu n‑yoonn mɔmɔk na.

Ilahn 30:1

Uwumbɔr, m pak si, ba pu? aa gaa mi lii, kaa cha maadin aasui piir m pu.

Nnyam 10:3

Moses ni Aaronn nan dii buen ubɔr ngbaan chee, le ki ti bui u ke, “Hiibru yaab Aadindaan Uwumbɔr bui ke, ‘N‑yoonn mulamu aa ga diŋ aasui pu, ki kii tii mi? Cha maanib ngbaan buen, nima kan, bi ga ti ŋmaa doon mi.

Ŋiyataŋak 29:23

Kigaak le ga joo ni saadoon, le aa yaa sunn aabaa taab kan, aa kani kipak ni lisil.

Esekiel 21:26

Min, Aadindaan Uwumbɔr le len kina. Chuu chikr saabɔryikpupuk, ni likekeln li aa joo buu aayil na. Tiwan nibaa aan ki li bi naabimbin. Fiin bigiim ŋa mpɔɔn ni. Sunn binib bi joo kitiŋ dandana na taab.

Matiu 23:12

Unii umɔk nyuŋ ubaa na, Uwumbɔr ga sunn u taab. Unii umɔk sunn ubaa taab na, Uwumbɔr ga nyuŋ u.”

Tibɔnyaan ti Luk ŋmee ti na 1:52

U nyan bibɔrkpaam baanaan ni, ki nyuŋ bigiim.

Tibɔnyaan ti Luk ŋmee ti na 14:11

Naatataa le ye ke unii umɔk nyuŋ ubaa na, Uwumbɔr ga sunn u taab. Unii umɔk sunn ubaa taab na, Uwumbɔr ga nyuŋ u.”

Tibɔnyaan ti Luk ŋmee ti na 18:14

M tuk nimi la, Uwumbɔr len ke ulampoogaar ngbaan aabɔr le ŋan, waa len ke Farisii aanii ngbaan aabɔr ŋan; ba pu? unii umɔk nyuŋ ubaa na, Uwumbɔr ga sunn u taab. Unii umɔk sunn ubaa taab na, Uwumbɔr ga nyuŋ u.”

1 Piita 5:6

Nima pu na, ni li sunni nibaa taab, Uwumbɔr u yeh mpɔɔn mɔmɔk na aaŋaal ni. Le ni yaa nan ŋeer kan, u ga nyuŋ nimi.

1 Samuel 2:7

U ŋani binib bibaa bigiim, le ki ŋani biken biwankpadam. U sunni bibaa taab, le ki ŋani biken binikpaam.

1 Samuel 2:9

Waanib bi dii u mbamɔm na, u kii baamɔfal, le bibiindam ma beer mbɔmbɔɔn ni. Uja aan ŋmaa di ubaa aapɔɔn kan linyaŋ.